Loi e Troa Nyipiewekëne La Itre Zonale e Treu Okotropa
1 Ixatua, nge ithuecatre la maca ka loi, nge ka hut, qa hnine la itre zonale La Tour de Garde, me Réveillez-vous! Ame la troa nyipiewekëne la itre zonal, ke, kola hape, troa ami ijine troa e hnyawaane itr’ej, me thele ngöne la itre mekune ka troa ketr la hni ne la itre atr ngöne la itre götrane së.
2 Ame la ewekë hnapan, ke, troa atre hnyawa la itre hna cinyihane ka tru ngöne lai icetrön. Hna kapa la itre zonale hnene la itre atr qa ngöne laka, hna ketri angatre hnene la itre iatr ngöne lai cetrön. Iëne jë la itre hna cinyihane hnei epuni hna mekune ka ihmeku memine la aja ne la itre atr ngöne la götrane i epun. Hapeu, itre atr ka hmi catre kö angatr? Nemene la itre ewekë hnei angatre hna kukehnin? Jëne la itre hnyinge celë, ijiji epuni troa hnëkëne la ketre aqane trofë cainöje ka maca hnyawa. Hane hi cahu itre xaa aqane trofë cainöj.
3 Kola qejepengöne hnene la “Réveillez-vous!” ne 22 semitrepa, la ekökötrene la itre huliwa i satana. Ijije tro epuni a qaja ka hape:
◼ “E nöjei drai, easë a drenge la meje ne la ihumuth, me jiin, me iangazo. Nge alanyimu la itre atr ka catre thelejëne troa aloin, ngo hapeu, hetre loi kö maine kolo pe a ngazo catr? Hapeu la mekune i nyipë, atr hmekuje hi la atrekë zön, maine hetre ketre ka axulune la itre akötre celë?” [Nue pi troa sa] E jë, me qejepengöne jë la Hna amamane 12:7-9, 12. Thupene lai, ijije tro epuni a amamane la götrane 9 ne lai zonale ka amamane ka hape troa ihuli catre la itre huliwa i satana, ngo tha tro pe a qea. Nge, epuni pë hë a hnyingëne jë ka hape ajane kö nyidrë troa hane abone.
4 Maine epuni a hamëne lo “La Tour de Garde” ne 1 okotropa, ke, ma loi e tro epuni a amamane la hna cinyihane “La Bible: quelle est sa véritable valeur?”, qaja ju ka hape:
◼ “Hetrenyi ngöne la nöjei hnalapa ne la nöje së, la Tusi Hmitrötr. Alanyimu la itre ka mekune ka hape ka sisitria catre ej.” Thupene lai, hnyingëne mekötine jë ka hape: “Nemene fe la mekune i nyipë, nyipici kö la hna qaja celë?” Tro la aqane sa ne lai atr a nyijë i epuni troa sisedrëne matre qaja jë hë ka hape: “Hetre enyipicine ka hape ame la Tusi Hmitrötr, ke, wene ne la ua i Akötresie, nge ka ijije troa eatrongë së. Hetrenyi e kuhu hnine la atrehmekun, nyine thuejë së troa xome la gojenyi ne la mele ka tha ase palua kö. [E jë la Ioane 17:3.] Alanyimu la itre atr ka metrötrën’ej, ngo thatre kö angatre la aqane inin’ej. Ame la hna cinyihane celë ngöne la La Tour de Garde, ke, kola qejepengöne la aqane tro epuni a ketre ini Tusi Hmitrötre matre troa sa la itre hnyinge i epuni göi itre drai ka troa xulu. Ijije fe tro epuni a kapa la nöjei La Tour de Garde ka traqa ngöne la hnalapa i epun, ka 1 000 F la thupene göi ca macatre.”
5 E epuni a huliwaane la “La Tour de Garde” ne 15 okotropa, ke, ma aja i epuni troa qaja ka hape:
◼ “Hna ketr la nöjei atr asë hnene la mec, ene laka ma hna meci la ketre atr hne së hna hnim. Kola ithahnataane la hnyinge celë ngöne la hna cinyihane kola hape ‘Nemene la pengöne la mec?’ Nemene la mekune i epuni la kola meci la ketre atr? [Nuepi troa sa.] E epuni a ajane troa atre la hnei Tusi Hmitrötre hna qaja ngöne la pengöne cili, ke, eni a ketre madrine troa nue pe koi epuni la zonale celë.” Thupene lai, hnyingëne jë ka hape ajane kö troa hane abone. Loi e tro së a canga hamëne la tarak hna hape “Quel espoir y a-t-il pour nos chers disparus?,” e ajane hi lai atr troa atrepengön.
6 Catre jë troa hnyingëne ngöne la nöjei qëhnelö ka hape ajane kö troa hane abone. Ngacama pëkö ijine troa ithahnataane la Tusi Hmitrötr, ijije tro epuni a hamëne la itre zonal, the tro pe aqean. Hawe, nyipiewekëne jë së la itre zonale e treu okotropa.