Xatuane Jë Së La Itre Atr Ka Amamai Aja, Cememine La Ihnim
1 Ame la atr Aithiope a amamane la aja qa kuhu hni angeice ka nyipici kowe la wesi ula i Akötresie, ke, hnene la angela i Iehova hna upi Filipo, matre troa xatua nyidrë, troa trotrohnine la hnei nyidrëti hna e. (Ite Hul. 8:26-39) Hapeu, hne së kö hna catre troa xatuane la itre ka amamai aja? Nyipici laka, nyipiewekë tro së a catr, pine laka hnëqa së lai qa thei Iehova troa inine la nöjei atr asëjëihë. (Mat. 28:19, 20) Nemene la nyine tro së a kuca matre troa xatua angatr?
2 Amë jë la ketre ijine e nöjei wiike göi troa kuca la itre iwaihmaca. Hnëkë jë matre troa wange hmaca la nöjei ka amamai aja, nge tupathe jë troa nango ce wange hmaca lo hna ami ithahnata lo xötrei traqa. Loi e tro palahi a mekune la hne së hna ajane troa traqa kow, ene la troa nyiqaane inine la Tusi Hmitrötr. Abonene ju, maine bëeke hmaca jë pena troa hamëne la itre zonale hna xötrei kapa, ene La Tour de Garde, me Réveillez-vous!
3 E hnei epuni hna hamëne la zonale ka qejepengöne lo hmi koi satana kowe la ketre atr ka ajan, ke, ijije tro epuni a qaja ka hape:
◼ “Ame lo traqa hnapane ni, ke, hne së lo hna ce goeëne lo hna qaja hnei Tusi Hmitrötre kola hape, satana la qaane la ngazo. Tro palahi a hetrenyi la itre jole ka tru e celë fene hnengödrai, e mele pala kö angeic. Hapeu, mekune fe kö nyipëti ka hape: easenyi hë matre paatre pi hë angeic?” [Nue pi troa sa.] Epuni pë hë a qejepengöne jë la götrane 10 ne la zonal, nge amamane hnyawaane jë lo hnepe ithahnata kola hape “xoxopate pe hi la ijine i nyën.” Thupene lai, ijije tro epuni a amamane la itre mekene tusi hna cinyihane ngöne la itre xaa paragarafe matre nyiqaane la porotrike göne la fene ka hnyipixe.
4 E hnei epuni hna ithahnataane la enyipiewekëne la Tusi Hmitrötre ngöne lo xötrei iöhny, ke, ce wange hmaca jë lo hna ithahnata hna amë pe, nge huliwaane jë la itre mekune qa hnine la götrane 59 ne lo itus “Comment raisonner,” nge qaja ju ka hape:
◼ “Kola mekune hnei itre xane ka hape, ka pëkö thangane la itre ihaji ne la Tusi Hmitrötre ngöne la hneijine së enehila. Tuneka la mekune i nyipë? [Nue pi troa sa.] Tro fe kö nyipë a hane kapa la itre eamo ka xulu qa ngöne la itus, ene la qeqene la nöjei ihaji ka loi, nge ka hamëne la tingetinge kowe la fami? [Nue pi troa sa.] Ame la itre ini, me itre aqane trongëne ngöne la mele ne la fami, ke, easë a goeëne laka tha loi kö. Ngo, ame la itre fami ka trongëne la hnei Tusi Hmitrötre hna qaja, ke, tha gomegome kö, nge ka madrine palahi.” E jë la Kolose 3: 18-21. Hnyingëne jë ka hape ajane kö troa abone. E tha ajane kö, ke, hamëne ju pe la itre zonal, maine lo tarake hna hape Pourquoi avoir confiance en la Bible, nge qejepengöne jë la aliene matre easë a ajane troa inine la Tusi Hmitrötre kowe la itre atr, nge ka pëkö thupen.
5 Ijije tro epuni a nyiqaane ithahnataane la pengöne la itre ka meci tune la:
◼ “Tru catre la itre mekune hna qaja göi itre ka mec. Hapeue la mekune i nyipë, nemene la pengö së thupene la meci hë së? [Nue pi troa sa.] Nyimu hmi ka inine laka easë palahi a mel, ngo tha ngöne ngönetrei kö. Alanyimu la itre ka sesëkötre la angatr’a atrehmekune la hnei Tusi Hmitrötre hna qaja ngöne la götrane cili. [E jë la Ate Cainöje 9:5.] Ngacama, pë hë mekune ne la itre ka mec, ngo ame pe, ke, tha hna thëthëhmi angatre kö. Hnei Akötresieti hna thingehnaeane laka tro nyidrëti a amele angatre hmaca fene la musi ne Baselaia.” Fe jë la La Tour de Garde ne 15 okotropa, 1994, maine ngöne la itus Vivre éternellement, götrane 162, nge ithahnataane jë la itre mekene tus, me itre iatr. Iöhnyine ju kowe la ketre iwaihmaca, nge loi e tro palahi a mekune troa nyiqaane inine la Tusi Hmitrötre koi angeic.
6 Atre hnyawa hi la eunuka atre Aithiope ka hape thatreine kö nyidrëti troa trotrohnin, e pëkö atr troa amekötine koi nyidrë. (Ite Huliwa 8:31) Hnei Filipo hna xatua nyidrë cememine la ihnim. Hawe, loi e tro fe së a hane amamane la ihnimi së ka tru kowe la itre xan, tui Filipo.