Loi e Troa Maca La Aqane Troa Huliwaane La Itre Boroshür
1 Ame lo ijine kovasio ne distrik, ke, tru la madrine së la kola kapa lo boroshüre ka hnyipixe lo hna hape E Meci Hë La Atr Hne Së Hna Hnim. Ijije tro ej’a amejëne la ajane la nöjei atr, pine laka alanyimu la itre hna ketr hnene la hleuhleu la kola meci la ketre atr hnei angatre hna hnim. Tro la itre foto, me itre iatr a nyijëne troa hamën’itr’ej. Ngöne la götrane 29, ke, kola amamane hnene la iatr, la kola amele Lazaro hmaca, la “aja i Iesu ka tru, ene la troa aloine la itre engazone la mec.” Kola amamane hnene la iatr la elolone la melehmaca ngöne la fene hnengödrai ka hnyipixe. Drei la aqane akeukawane la hni ne la itre ka hleuhleu!
2 Ixatua ka tru, la boroshüre celë kowe la itre ka hleuhleu. Hawe, hna hnëkën’eje nyine troa ithahnataan. Ame la itre hnyinge nyine troa amejëne la itre mekune ka tru, ke, tha hna fejane kö ngöne la pune la nöjei götrane pepa, ngo hna eköhagene itr’eje ngöne la nöjei hnahagene la boroshür. Ijije tro epuni a ce wange memine la hnainin, la “Itre hnyinge nyine troa mekun,” maine ketre pengöne aqane kuca ka troa xatuane la hnainin.
3 Ngöne la kola iwaihmaca, ke, troa iëne la itre mekune qa hnine la boroshüre nyine troa ithahnataan. Maine epuni pena a mekune ka hape loi e troa amamane la itre taane hna cinyihane ngöne la götrane 2, hawe, nue pi kowe la atr troa amamane la ketre mekun, me aja i nyidrë. Atrehmekune hnyawaane ju la hna ajane hnene la isa alacas. Nue nyidrëti jë troa qaja amamane la mekune i nyidrë, nge thupene lai, amamane ju la ixatua qa hnine la boroshür. Kola öhne ngöne la itre hnahagene la boroshüre la itre xötre qa hnine la Tusi Hmitrötr hna fejane apexejen, ke, itr’eje hi lai la ka hneatrepene la mejiune së.
4 Ngöne la hna cinyihane lo hna hape “Hetre mejiun,” götrane 5, ke, kola amamane hnyawaane la mejiune kowe la itre ka mec, laka hna xomitrepene qa ngöne la Tusi Hmitrötr. Tro lai a kösë punepune ne xeni ka loi la ajan, e troa ithahnataane la hna cinyihane hna hape “Ketre mejiune ka catre kowe la itre ka mec,” götrane 26-31. Tro la itre hna cinyihane hna eköhagen, götrane 27, a hamëne la “Itre mekene tusi ka ithuecatr.” Easenyi hë tro la atr a öhne laka Iehova la “Akötresie ate akeukawan’asë.”— Kor. 1:3-7.
5 Ngöne la itre xaa meken, kola qejepengöne la itre aqane ujë ka isa pengöne kö ngöne la kola meci la ketre hna hnim. Itr’ej’a amamane la aqane troa cile qëmeke kowe la hleuhleu, memine la aqane tro la itre xan’a hane hamë ixatua ngöne la itre ijine kola hace. Hetre itre hna cinyihane hna eköhagene ngöne la götrane 25 lo hna hape “Ixatua kowe la itre nekönatre matre troa cile kowe la ewekë ka traqa koi nöjei atr, ene la mec.” Ketre ixatua ka tru kowe la itre keme me thine matre troa cile kowe la jole celë.
6 Thupëne kö laka, tro palahi a hetre boroshüre thei epuni, matre troa hamëne e nöjei ijine e epuni a cainöj. Ijije fe tro epuni a wange lo itre ka thupë hna kele wezipo ngöne la götrane i epun, matre hetrenyi thei angatre la boroshür, celë matre troa hetre nyine tro angatre fe a akeukawane la itre hni ne la itre fami ka hleuhleu. Maine pena, tro jë kowe la itre hna kele wezipo matre thupë ijine troa hane thawa kowe la itre atr ka meci sinene ngöne la ijine angatr’a bëeke troa wange la hua ne la sine i angatr.
7 Easë a madrine ka hape Iehova la Akötresie “ate akeukawa ange hna aipiën.” (2 Kor. 7:6) Troa xome ceitune me ketre hnëqa ka tru la troa ‘aupunnyi angete teij’asë.’—Isa. 61:2.