Akeukawane Jë La Hni Ne La Itre Xaa Atr
1 Hmanono hë la itre atr enehila troa drenge la kola qaja la itre akötre atraqatre tune la itre sa me itre di, itre mec, me itre isi, me itre ihumuth, me itre akötr. Mejene ka iakeukawanyi la hna ajane catrëne hnene la itre atr, ngo patre kö la ewekë cili ngöne la itre nuvele enehila. Ame la iakeukawanyi ke, kola hape, “troa ithuecatre me ithue mejiun” nge “tro ha apatrene la akötr, maine jole ka eje thene” la ketre. Hna hamëne koi së itre Temoë i Iehova la itre jiane huliwa ka ijije nyine troa xatuane la itre atr hetrenyi lai. (2 Kor. 1:3, 4) Tro së a tro fë ngöne la treu Julai me Ogas, la itre boroshüre ka qatrenge lo itre maca ne la Tusi Hmitrötr, ka troa akeukawane la itre atr. (Rom. 15:4) Hane cahu itre xaa mekune göi aqane troa nyiqaane ithahnatane la itre pengöne jol:
2 Ketre ijine ka lolo troa cainöje me akeukawane la itre xaa atr ngöne la kola traqa la itre thanatresi, maine jë qaja ju ka hape:
◼ “Ame ngöne la kola traqa la itre ewekë celë, kola isa hnyinge la itre atr, maine jë hetre Akötresie, nge maine nyipici la mekune cili, haawe, Nyidrëti fe kö a hane kukehni së. Tuneka la mekune i epun? [Nue pi troa sa.] Ame la ketre aqane troa atrehmekun, ka hape, maine hetre Akötresie, ke, ene la troa thele ewekë jëne la nyipici celë.” E jë la Heberu 3:4. Amamane jë la itre xaa ewekë hna xupe ezi së. Thupene lai qaja jë ka hape: “Hetrenyi thenge la ketre boroshüre ka troa ithuecatrei epun. Ame la tan ke Dieu se soucie-t-il vraiment de nous? [E jë la itre hnyinge ngöne la icetröne la boroshür.] Hetrenyi e hnine la Boroshüre celë la hatrene ka catr nyine jelenyipicine hnyawa laka, ka mele Akötresie, nge easenyi pala ha tro Nyidrëti a apatrene la nöjei ewekë ka ngazo hne së hna cile kow ngöne la hnedrai së. Hapeu, ajane fe kö epuni troa hane e ej?” Isa pui ju matre troa bëeke hmaca troa iwai.
3 Ngöne la epuni a bëke troa iwai hmaca, qaja ju ka hape:
◼ “Hne so lo hna ce ithahnatane lo eni a amë pe lo boroshüre Dieu se soucie-t-il vraiment de nous? lo itre hatrene nyine jelenyipicine laka, ka mele Akötresie. Maine jë ase hë epuni goeëne la mekune cili ngöne la ini götrane 7. [Amamane jë la iatr, nge qaja mekötine ju hi la mekune ka eje ngöne la paragarafe 15.] Celë hi ketre ceitune lai ka amamane hnyawa laka thatreine kö troa mekune ka hape, pë kö Akötresie ka ihnim. [E jë la paragarafe 27 götrane 9.] Jëne la ini hnenge hna kapa qa hnine la Tusi Hmitrötr, eni a atreine cile kowe la itre jole hnenge hna melëne ngöne la nöjei drai, pine laka, hnene la atrehmekune hna amamane hnyawa la aqane wange Akötresie la itre jole cili.” Amamane jë la aqane troa inine la Tusi Hmitrötr.
4 Maine epuni a ajane troa tro fë lo boroshüre “Itre ua ne la itre ka meci hë—Hapeu, atreine kö angatre troa xatua epun, maine troa akötrë epuni pena? Ketre, itre ka mele kö angatr?” Atreine hi tro epuni a nyiqaane qaja ka hape:
◼ “Nyimutre la itre atr ka mekune ka hape, itre ka meci hë e ngöne la fene i itre ua.” Xome jë la itre mekune ne la itre götrane 2-3 nge qaja jë ka hape: “Itre hna lapaune kow lai hnene la itre atr ngöne la fene hnengödrai asë. Ngo ame la hnyinge ka tru ke, hna hape: Nemene la mekune i Tusi Hmitrötre ngöne la götrane cili?” E jë la hnaluene paragarafe ne la götrane 4 ne la boroshür. Hnyingëne jë kowe la atr la hnei angeice hna mekun, nge nue angeice pi troa sa. Thupene lai, e jë la caa mekene tusi ngöne la götrane 5. Ame hë ngöne la pun, qejepengöne jë la aliene la boroshür, nge hamëne ju la caasi koi 50 F.
5 Ame la epuni a bëeke hmaca troa iwai, tupathe ju la aqane troa nyiqaane etidi celë:
◼ “Eni a ajane troa pane amamane koi epuni la ketre xötre ne la Tusi Hmitrötre ka amamane la ewekë ka traqa ngöne la kola meci la itre atr. Ngöne Genese 2:7, Hnei Akötresieti hna thingehnaeane la ewekë ka troa traqa koi Adamu me Eva thupene la mec. [E jë la paragarafe 4 ngöne götrane 4 ne la boroshüre Itre ua ne la itre ka meci hë.] Haawe, thaa itre ua kö angatre thupene la kola mec. Tuneka la mekune i epun, nemene la ewekë ka traqa koi angatr? [Nue pi troa sa.] Hetrenyi la itre atr ka ajane ekö troa atrepengöne la mec, matre angatre a inine jë la wesi ula i Akötresie hna cinyihan, ene la Tusi Hmitrötr. Eni a hane ajane troa hane xatua epuni troa inine la Tusi Hmitrötr.” Qeje pengöne jë la aqane troa inine la Tusi Hmitrötr, nge isapui ju matre troa nyiqaane la etid.
6 Hane fe cahu ketre aqane nyiqane ithahnata ka lolo nyine ithuecatre kowe la itre atr ka meci sinene hë:
◼ “Eni a ajane troa hamë ixatua trootro kowe la nöjei atr ka meci sinen. Pine laka, celë hi ketre ewekë la ka hace hnene la itre xane e easë hna troa cile kow, drei la kepine matre hnëkëne jë la boroshüre celë, E meci hë la atr hne së hna hnim. Ketre ixatua ka tru la boroshüre celë kowe la itre atr, a itre milio la etrun. Eni a pi ajane troa amamane koi epuni la hna qaja hnei Iesu Keriso ngöne lo ketre hna thingehnaeane ka sisitria. [E jë la hna faifine paragarafe ne la götrane 26, me Ioane 5:21, 28, 29.] Köjane jë la iatr ngöne la götrane 29 ka amamane lo evangelia ka qaja la aqane amele Lazaro hmaca qa hna meci hnei Iesu. Eni a ajane troa hane ithuecatre koi epuni hnene la boroshüre celë, hane hi la ketre, 50 F la thupen.”
7 Ame ngöne la epuni a bëeke hmaca, amamane hmaca ju la iatr götrane 29 ne la boroshüre “E meci hë la atr hne së hna hnim” nge qaja ju ka hape:
◼ “Mekune hi epuni lo nyiso a porotrikëne la aqane amele Lazaro hmaca hnei Iesu qa hna mec. [E jë la mekune hna cinyihane atrune ngöne la götrane 28, nge wange ju la hna qaja ngöne la hna cinyihane ka hape, “Hapeu, ka nyipici kö la isitoare celë?”] Maine hetre mejiune e kuhu hni epuni troa iöhnyi hmaca memine la itre atr hnei epuni hna hnime ka meci hë, hawe, eni a ajane troa hane xatua epuni troa hane hetrenyi la lapaune kowe la troa amelene hmaca la itre ka mec.” Nyiqaane jë troa etidi memine lai atr.
8 Epi catre pi së ngöne la itre treu ka troa xulu, troa xötrethenge la tulu i Iesu, ene la troa ‘aupunyi angete teije asë.’—Is. 61:2.