Maca Ka Loi Kowe La Itre Atr Ka Akötr
1 Easë a melëne la ijine iameköti. (Ezek. 9:5, 6) Nyipiewekë catre tro la itre atr ka akötr’a hane hetrenyi la atrehmekune matre hnëkë kowe la itre ewekë ka troa traqa. Ngöne la ihnimi Iehova me thiina ka loi Nyidrë, ke, hnei Nyidrëti hna upe la nöje i Nyidrë “troa cainöjëne la maca ka loi kowe la ite ka aköt.” (Isa. 61:1, 2) Hna xatua së troa qaja trongëne la maca ka loi celë hnene la itre zonale së, ngöne la nöjei götran’asë.
2 La Tour de Garde, me Réveillez-vous! a hamëne la xeni ne ua ka ithuecatr, celëhi matre kola thuecatre koi së me hamë ajane troa cainöj. Hna axapone la hni ne la itre ka akötre hnene la maca ka loi hna qejepengöne ngöne La Tour de Garde, ene laka tro la Baselaia i Akötresieti a kuca la fene troa paradraiso. Ame la Réveillez-vous!, ke, kola acatrene la mejiune së kowe la hna thingehnaeane hnene la Atre xup, ene laka troa mele tingetinge me loinöje ngöne la fene hnengödrai ka hnyipixe. Ka sisitria catre la troa trofë trongëne la itre zonal, pine laka jëne tro la maca ka loi lai a ketr la itre ka akötr. Nemene la itre taane mekune ka ijije nyine troa qaja atrune ngöne la itre zonale ka hnyipixe?
3 Amamane jë “La Tour de Garde” ne 1 Mei, nge amamane ju la hna cinyihane hna hape “Loi e tro së a e la Tusi Hmitrötre e nöjei drai thatraqane la eloine la mele së,” nge hnyinge ju ka hape:
◼ “Hapeue la mekune i epun, nemene la thangane ka loi hne së hna troa kapa qa ngöne la hna e la Tusi Hmitrötr? [Nue pi troa sa.] Tusi Hmitrötr’a ketre sipu xatua së, ngöne Roma 15:4, troa mekune hnyawaane la hnyinge cili. [E jë la Roma 15:4.] Ame la itre atr ne la nöjeng, ke, isa hetre Tusi Hmitrötr’asë hi, ngo xalaithe hi la itre ka ami ijine troa e lapaan’ej. Eahuni a lapaune laka ame la nyipi mejiune ka catre thatraqane la itre drai ka troa xulu, ke, eje e hnine la Tusi Hmitrötr, nge tro hë së a manathithi e hne së hna e ej.” Qaja ju la itre xaa mekune ka ijij, nge, hamëne ju la itre zonal, nge e ajane hi, abone angeice ju.
4 Hna amamane ngöne “La Tour de Garde” ne 15 Mei la hna cinyihane ka ketrepengön, kola hape: “Mele ka hnyipixe kowe la itre xötrapane së.” Ijije tro epuni a thele la aja hnene la aqane trofë celë:
◼ “Alanyimu la itre atr ka isa hnyingë pengöne göi itre xötrapane i angatr. Pine laka itre ka meci hë angatr’ekö, nge ketre patre hë angatr, nyimutre la itre atr ka mekune laka thatreine hmaca kö së troa atrepengönyi angatr. Hapeue la mekune i epun, ijije kö tro hmaca së a hane atre la itre xötrapane së?” Nue pi troa sa. E jë la Ioane 5:28, 29, nge qejepengöne ju la hna thingehnaeane hnei Akötresie thatraqai angatr, ene la troa mele hmaca ngöne la paradraiso e celë fen.
5 Ijije tro epuni a hamëne la “Réveillez-vous!” ne 8 Mei, me troa hnyinge ka hape:
◼ “Hapeue la mekune i epun, nemene la nyine troa kuca matre sheminge la aqane mel?” Nue pi troa sa. Amamane ju la hna cinyihane hnine lai Réveillez-vous!, götrane 26, kola hape “Nemene la aliene la mel?”, nge e jë la trenge ewekë i Solomona ngöne Ate Cainöje 2:11. Thupene lai, amamane hnyawaane ju la ihajin’eje ngöne la mekene 12, xötre 13. Qaja ju koi angeice troa hane abone.
6 E maine epuni a trofë la itre zonale qëmekene la drai 14 Mei, ke, mekune kö hane tro xome trongëne la itre tarak, ene la Itre Ithuemacanyi ne la Baselaia No. 34, nge tro fe a trofë itr’eje kowe la nöjei atr ka tha hane kö kapa itr’ej. Tro palahi së a hnëkë troa ithawakeune la itre itusi së, me atrehmekune hnyawa laka tro fe a hane e itr’eje hnene la itre xaa atr ne la fami, memine la itre sine i angatre ka traqa troa iwai. (1 Tim. 6:18) Ame la maca ka loi hne së hna traqa fë kowe la itre ka akötr, ke, celë fe jëne mele i angatre lai.—1 Tim. 4:16.