Watchtower ONLINE LIBRARY
Ita Ne Thup
ONLINE LIBRARY
Drehu
  • TUSI HMITRÖTR
  • ITRE ITUS
  • ITRE ICASIKEU
  • km 6/95 götrane 1
  • Iehova a Hamë Men

Aucune vidéo disponible pour cette sélection.

Désolé, il y a eu une erreur lors du chargement de la vidéo.

  • Iehova a Hamë Men
  • Huliwa Ne Baselaia—1995
  • Ka Ihmeku
  • Iehova a Hamëne La Trengecatre i Nyidrë
    Huliwa Ne Baselaia—2001
  • Qale Catre Jë Kowe La Organizasio i Iehova
    Organizasio Ka Kuca La Aja i Iehova
  • Loi e Tro Palahi Së a Trongëne La Gojenyi Ka Meköt
    Huliwa Ne Baselaia—1994
  • Loi e Troa Tro Cememine La Lapaun
    Huliwa Ne Baselaia—1996
Itre Xaa Nyine Wang
Huliwa Ne Baselaia—1995
km 6/95 götrane 1

Iehova a Hamë Men

1 Easë la nöje i Iehova, qa ngöne lai, qa së troa cainöjëne la maca ka loi, nge tro fe a thupëne la thiina “ka loi qëmekene la nöjei ethen.” (1 Pet. 2:12; Mata. 24:14) Pine la itre drai ka akötre enehila, memine fe la itre “ngazo” së, thatreine jë kö së troa aeatrëne la huliwa celë hnene la sipu trengecatre së. (2 Tim. 3:​1-5) Drei la etrune la madrine së troa qale koi Iehova troa sipo ixatua!

2 Hnei Paulo aposetolo hna xomihnine la itre itupath. (2 Kor. 11:​23-27) Nemene la aqane cile nyidrë kowe la itre itupathi cili, me eatrëne lo huliwa hna athipe koi nyidrë? Hnei Iehova hna hamë nyidrëti la “etrune la men.” (2 Kor. 4:⁠7) Hnei Paulo hna jelenyipicine la ixatua qa thei Akötresie ngöne la nyidrëti a cinyihane ka hape: “Ateine ni troa kuca la nöjei ewekë asëjëihë hnei nyidëti ate aegöcatenyi ni.” (Fil. 4:13) Drei lai aqane xatua së hnei Iehova. Nemene la aqane tro së a kapa la ixatua cili?

3 Loi e Troa Catre Thith: Hnei Iesu hna upi së troa ‘sipon, me thel, me fenafena,’ nge tha tro kö a mano. (Luka 11:​5-10) E tro së a catre troa thith, ke, easë lai a amamane koi Iehova laka, catrehnine la itre hne së hna hnehengazon, nge easë fe amamane la ejuine la aja së, memine la itre ewekë ka sisitria e kuhu hni së ka upi së. (Sal. 55:17; 88:​1, 13; Rom. 1:​9-11) Hnei Paulo hna wangatrehmekune la enyipiewekëne la troa catre thith, ngöne la nyidrëti a upi së troa catre “thith, the mano kö.” (1 Thes. 5:17) Ame la thith, ke, ketre jëne lai ka sisitria matre tro së a hetrenyi la ixatua qa thei Iehova..

4 Loi e Tro Së a Xötrethenge La Hna Amekötiine Qa Thei Akötresie: “Qa thei Akötresie” kola hape “musi qa thei Akötresie,” nge ka ihnimi nyidrë. Easë a öhnyi thangane ka loi qa ngöne la musi Nyidrë, hnene laka hne së hna kapa la musi Nyidrë ka draië, me xötrethenge la itre hnei Nyidrë hna amekötiin, ngöne la easë a axeciëne la itre mekune ka co, maine itre mekune ka tru. Qene qaja ne la musi Akötresie e celë fen, ene la “hlue ka nyipici me ka inamacan.” (Mata. 24:​45-47) E easë a ajane troa hetrenyi la manathithi qa thei Iehova, ke, nyipiewekë tro së a ce huliwa memine la organizasio, pine laka kola huliwaan’eje hnene la “hlue.” (Wange ju Heberu 13:17.) Tro Iehova a amanathithine la ka huliwa nyipici koi Nyidrë, me ka ajane troa trongëne la itre wathebo i Nyidrë, hnene laka, tro Nyidrë a ixatua me hamëne la hne së hna ajane ngöne la ijine ka ijij.​—⁠Heb. 4:⁠16.

5 Loi e Tro Së a Ce Me Itre Trejine Me Easë: Ame la hatrene nyine wangatrehmekune la itretre drei Iesu, ke, ene la ihnim. (Ioane 13:​34, 35) Troa fetra la itre xaa hnepe jole ngöne la kola ce mel, pine la isapengöne thiina së. Nyipiewekë tro së a utipin, me menyik, me troa qejemenu pine la itre ngazo së. (Efe. 4:32) Celë hi jëne tro së lai a caasi memine la itre trejine me easë ngöne la lapaun, nge kolo fe a ithuecatre koi së hnene la aqane xomihnine hnei angatre ngöne la itre itupath. “Ate hë [së] laka eatë hë ngöne la ite tejine me [easë] e celë fene la ite aköte ka tune lai,” hawe, hetrenyi the së la trenge catre hna hamëne hnei Akötresie nyine xatua së troa cile kowe la itre akötre ka caas.​—⁠1 Pet. 5:⁠9.

6 Loi e Troa Acile Hutine La Ketre Porogarame Ne Isa Ini Tus: Tro së a atreine troa cile kowe la itre nyinyithina i satana, e hne së hna aegöcatrene la mekune së, me itre hni së kowe la itre ewekë ne la ua. (1 Pet. 5:⁠8) Troa atraqatre la ixatua hna hamëne koi së jëne la atrehmekune qa thei Akötresie, e hne së hna aeatrëne la porogarame ne isa ini tusi së. Ijije tro së a öhnyi trenge catre ngöne la itre ewekë hne së hna inin, ngöne la easë a cile kowe la itre jole e nöjei drai. Hnei Paulo hna amamane hnyawaane laka, ame la “nyipi atehmekune” (NW), ke, ketre götrane lai ka iamele. (1 Tim. 2:​3, 4) Nyipiewekë catre troa xeni lapa la itre xeni ne ua.

7 Am’asë la itre ewekë nyine troa xatua së matre tro së a catr, ke, hna hamën’itr’ej jëne la ekalesia i keresiano. E tro së a sajuëne cememine la hni ka pexeje la itre huliwa ne la ekalesia, ke, tro lai a amamane laka, easë a troa “tro, nge tha tro kö a kucakuca.”​—⁠Isa. 40:​29-31.

    Itre Itus Qene Drehu (1997-2025)
    Tha Connecter
    Connecter
    • Drehu
    • Iupi fë
    • Hna ajan
    • Copyright © 2025 Watch Tower Bible and Tract Society of Pennsylvania
    • Itre Hna Amekötin
    • Pengöne La Ka Thele Ithuemacany
    • Hna amekötin
    • JW.ORG
    • Connecter
    Iupi fë