Ka Hetre Thangan’Asëhi La Nöjei Hna Cinyihane Kowe La Ini
1 Nyimutre me isapengone la aqane isa wange la itre atr la aliene ka tru ne la Tusi Hmitrötr. Ngo, ka xecie koi së laka e hnine la Tusi Hmitrötr, hna amë la itre nyin ne la itre jole ka kösau ka traqa kowe la nöjei atr, ketre mina fe celëhi gojenyi ka sisitria thatraqane la mele së. (Ite Edo. 3:5, 6) Thatreine kö troa aceitunëne la inamacanene la itre eamon’eje memine la itre eamo ne fen. Ame la itre trepene mekune hnen’eje hna cilëgöliin, ke, tha nyine tro kö a sasaith. Ka hetre mene ne la itre ithuemacanyin’ej, ene laka atreine troa “amekötine la ite mekune me ite aja ne la hni.” (Heb. 4:12) Tro së a xatuane tuneka la itre xane troa trotrohnine la enyipiewekëne la troa xome la itusi celë, memine la troa inin’eje hnyawa? Maine jë epuni a ajane troa tupathe la itre xaa mekune celë, ngöne la epuni a troa trofë la itus La Bible: Parole de Dieu ou des hommes? maine lo itus La paix et la sécurité véritables: Comment est-ce possible? memine La Traduction du monde nouveau e treu nofeba.
2 Pine laka alanyimu la itre atr ka lapa mekune la itre trepen’aja i angatr, hawe, loi e tro së a nyiqaane tune la:
◼ “Alanyimu la itre atr hnenge hna ithahnata memin, angatr’a qaja hnyawaane ka hape ame la sipu qeqene la jole thei angatr, ke, ene la mani. Nyimutre la itre hna löthe hnene la aja mo, matre kola ngazo catre la itre mekune i angatr. Troa thele eka la qeqene eamo ka sisitria ngöne la götrane celë? [Nue pi troa sa.] Hetre thangane la itre eamo qa ngöne la Tusi Hmitrötr, nge ka ijije troa xatua së matre atreine tro së a neëne la itre xaa jol. Hanawange la ketre ceitun.” Fe jë kowe la götrane 163 hnine la itus La Bible: Parole de Dieu ou des hommes? nge e jë la 1 Timoteo 6:9, 10, hna fejane ngöne la paragarafe 3. Qaja ju la itre xaa mekune qa hnine la paragarafe 4, nge thupene lai, hamëne pi lai itus.
3 Hane fe la ketre mekune nyine troa wangatrun:
◼ “Eje hi laka atraqatre la xou së ngöne la easë a atre la ketre jole ka tru jëne itre zonal, maine jëne la itre nuvele pena. [Qaja ju la itre xaa nuvele ka tru hnei epuni hna atre.] Tro së a cile tuneka kowe la itre jole ka tune la? [Nue pi troa sa.] Ngöne lo macatre 1983, ke, hnene la perezida ne Etazini (ngöne lo ijine i Ronald Reagan) hna qaja ka hape hetrenyi e hnine la Tusi Hmitrötre la ketre ithuemacanyi ka sisitria kö hune la nöjei ithuemacany, nge pëkö hna cinyihane ka tuun, nge ‘hna qejepengöne e kuhu hnine la nyin kowe la nöjei jole hna cile kow hnene la atr.’ Ame la trenge ewekë i nyidrë, ke, kola amekunë së lo hna qaja hnei Tusi Hmitrötr. [E jë la Salamo 146:3-6 hna fejane ngöne la götrane 20-21 ne lai itusi Sécurité véritable, nge qaja ju ka hape Akötresieti hmekujehi la ka atreine troa apatrene la itre jole hnei epuni hna qaja.] Maine jë epuni isa hnyinge ka hape tro jë kö a eatre lai?” Amamane hnyawaane ju la itre xaa mekune qa hnine la itus Sécurité véritable ngöne la paragarafe 11-12 ne la götrane 8, nge qaja ju koi nyidrëti ka hape tro hmaca epuni a bëeke troa ithahnataane me nyidrë la kepine matre thatreine kö la itre atr troa trongëne la itre trepene mekune celë.
4 Maine jë epuni a troa tupathe la aqane trofë celë:
◼ “Alanyimu la itre atr ngöne la götrane së ka qaja ka hape, ka isazikeu la aliene la itre xaa itusi hnine la Tusi Hmitrötr, nge itre ifejicatre. Hnei angatre hna öhne la itre ewekë ka ngazo hna kuca ngöne la ëje ne la hmi matre tha mejiune hmaca kö angatre kowe la Tusi Hmitrötr. Ejehi laka, kola elë la etrune la itre atr ka isa thele ka hape ame la Tusi Hmitrötr, ke, Wesiula i Akötresie, maine trenge eweke i atr pena. Hapeue la mekune i epun?” Nuepi troa sa. Thenge la hna sa hnene lai atr, fe jë kowe la hnepe mekune ne lai itus La Bible: Parole de Dieu ou des hommes? ka troa cile kowe la itre mekune ka iajolë, maine ka troa amekötine la ketre aqane mekune ne la ketre atr, nge ithahnataane ju la caasi maine lue mekun. Hanawange la ketre ceitun, ma tro epuni a huliwaane la itre paragarafe 27-9 qaane lo götrane 66, fene la hna cinyihane ka hape “Iesu—Ketre nyipi atr.”
5 Hnene la Atre Ini së ka tru hna axeciëne laka troa ketr la nöjei atr asë ka ajane troa atrepengöne la atrehmekune ne la aja i Nyidrë. Ejehi laka, ame la troa xatuane la itre xane troa kapa madrine la etrune ka nyipici ne la Tusi Hmitrötr, ke, ketre ewekë ka sisitria lai nyine tro së a kuca matre troa xatua angatr; tro lai a amele angatr.—Ite Edo. 1:32, 33.