Troa Amë Hnyawa
Itre Aqane Nyiqaane Ithanata Nyine Ixatua Göi Cainöje Trootro
Xome jë cahu itre mekune nyine ixatua matre troa xatua nyipunie troa hnëkën la itre aqane nyiqaane ithanata thatraqane la itus hna troa tro fë ngöne la treu.
Approchez-vous de Jéhovah
“Kola ajan hnene la itre atr ka lapaun koi Akötresie, troa easenyi Nyidrë. Atre hi epuni laka, Akötresie a hë së troa easenyi Nyidrë? [E jë la Iakobo 4:8.] Hane la itus ka troa xatuan la itre atr troa xom la Tusi Hmitrötr matre troa hane easenyi Akötresie.” E jë la pararaf 1, götran16.
“Itre thiina ka thaa meköti kö a haöth la fen hnengödrai. Hna qejepengöne lai e celë. [E jë la Ate Cainöj 8:9b.] Itre atr a thel ka hape, Akötresieti kö a hnehengazone lai. [E jë la lue pane xötrehnëewekë ne la pararagaf 4 götran 119.] Kola qejepengön la kepin matre Akötresie a pane nue la itre atr troa kuca la itre ewekë ka thaa meköti kö.”
Y a-t-il un Créateur qui se soucie de vous ?
“Troa xome ekaa la itre eamo ka sisitria matre troa nyinyin la itre jole së ka tru? [Nue pi troa sa. Thupene lai, e jë la Mataio 7:28, 29.] Kola qejepengöne la aqane ujë ne la itre atr thupene la hnei angatr hna drenge la Cainöje i Iesu hune la wetr. Hanawange la hna qaja hnene la itre xan e angatr. [Xome jë la itre mekun ngöne la götrane 152.] Kola ithanatan hnene la mekene celë la aqane mele i Iesu, memine la itre ini i nyidrë.”
“Hane kö epuni thele ka hape: ‘Maine nyipici laka hetre Akötresie, tro kö Nyidrëti a apaatren elanyi la iakötrë memine la itre thiina ka thaa meköti ngöne la fen?’ [Nue pi troa sa. Thupene lai, e jë la Hna Amamane 21:3, 4.] Kola qejepengöne hnene la itusi celë la hnei Akötresie hna troa kuca elanyi matre troa apaatren la akötr me feje trij la itre iwan ne ej.” Amamane jë la mekene 10.
Veillez !
“Nyimutre la itre atr ka hnehengazo pine la itre jol ka tru enehila, nge kola ketri angatr hnene la itre ewekë ka traqa. [Qaja jë la ketre jol ka hlemu ngöne la nöj.] Atre fe hi epuni laka hna ahnithe hë la itre ewekë cili hnine la Tusi Hmitrötr? [Nue pi troa sa. Thupene lai, e jë la ketre xötr ka ihmeku memine lai ceitun, tune la Mataio 24:3, 7, 8; Luka 21:7, 10, 11; maine 2 Timoteo 3:1-5.] Kola ithanatan hnene la boroshüre celë la kepin matre nyipi ewekë catr troa hmekën me wangatrune hnyawa la aliene la itre ewekë ka traqa koi së enehila.”
“Nyimutre la itre atr enehila ka xouen la itre ewekë ka ngazo maine ka akötre pena pine la ketre ewekë ka traqa koi angatr. Itre xan a thele la kepin matre Akötresieti a nue la itre ewekë cili. Kola qaja xeciën hnei Tusi Hmitrötr laka, tro Akötresieti elanyi a axapon la akötr ne la itre atr. [E jë la Hna Amamane 14:6, 7.] Hanawange la aliene la ihnyingë i Akötresieti elany kowe la itre atr. [E jë la 2 Peteru 3:10, 13.] Kola hamën hnene la boroshüre celë la itre ithuemacanyi ngöne la topike ka nyipi ewekë celë.”
Atrehmekune Ka Eatrongë Nyipunie Kowe La Mele Ka Pë Pun
“Maine hna könë nyipunieti ju troa hane mel ngöne la itre götrane ka mingöminge ka tune la, hapeu, tro kö epuni a kapa? [Amamane jë la iatr götrane 4-5, nge nue pi tro sa.] Hanawang la hnei Wesi Ula i Akötresie hna qaja, ngöne la jëne troa kapa lai aqane mele cili ka epine palua. [E jë la Ioane 17:3.] Kola troa xatua nyipunie hnene la itusi celë troa hetrenyi la atrehmekune ka eatrongë nyipunie kowe la mele ka thaa ase palua kö.” Wange ju matre troa ce ithanatan la pane faifi lao pane paragaraf ne la mekene 1 ngöne la kola iwai hmaca.
Fe jë la iatr ngöne la götrane 188-9, nge xome jë la itre trenge ewekë hna cinyihan fene la itre iatr, me hnyinge kowe la atr ka hape: “Epuni kö a hane mejiune troa mele hnine la Paradraiso, ngöne lo kola troa haöth elanyi la ihnadro hnene la atrehmekune i Akötresie? [Nue pi troa sa. Thupene lai, e jë la Isaia 11:9.] Kola troa xatua epuni hnene la itusi celë troa atre la hnei Tusi Hmitrötr hna qaja göne la Paradraiso, memine la aqane tro sa hane kuca matre tro sa hane mele ngön.” Wange ju matre troa ce ithanatan la itre paragaraf 11-16 ne la mekene 1 ngöne la kola iwai hmaca.
Écoute le grand Enseignant
“Kapa fe kö nyipunie la mekune celë, ene la tro la ihnadro a ketre göhnë ka sisitria e tro la itre atr a melën la hna qaja celë? [E jë la Mataio 7:12a. Thupene lai, nue pi troa sa.] Eje e hnine la itusi celë la itre ini ka nyimutre hna xome qaathene la atr ka tru ne la fen asë.” Amamane hnyawa jë la itre iatr memine la itre mekun ka qejepengöne itre ej ngöne la mekene 17.
“Tru catre la itre keme me thin enehila ka thele troa inine la itre nekö i angatr la itre thiina ka nyipi ewekë kowe la mel. Hane fe hi epuni mekune tune lai? [Nue pi troa sa. Thupene lai e jë la Ite Edomë 22:6.] Kola mama ngöne la xötre laka, hna ithuecatr kowe la itre keme me thin troa nyiqaane inine la itre nekö i angatr e coco petre kö nyudren. Hna hnëkëne hi la itusi celë matre troa xatua angatre kowe la huliwa cili.” Amamane hnyawa jë la itre iatr memine la itre mekune ka qejepengöne itre ej ngöne la mekene 15, 18, maine 32.
“Ame ngöne la itre xaa ijin, tre kola haine hnene la itre keme me thin la itre hnyinge ne la itre nekö i angatr. Ame la itre xaa hnying tre nango jole pi hë e troa sa, hapeu nyipici kö lai? [Nue pi troa sa. Thupene lai e jë la Efeso 6:4.] Ijije hi tro la itusi celë a xatuane enehila la itre keme me thin troa sa la itre hnyinge ne la itre nekö i angatr e co petre kö nyudren.” Qaja amamane hnyawa jë la itre hnepe iatr memine la itre mekune ka qejepengöne itre ej ngöne la itre götrane 11 me 12 maine 34 uti hë 36.
La vie : comment est-elle apparue ? Évolution ou création ?
“Hna ketri së asë hi hnene la etrune la ihumuth, memine la iakötrë ngöne la götrane së. Tune kaa fe la hnei nyipë hna hane mekun, hetre atr kö ka atreine troa apaatrene la akötre celë? [Nue pi troa sa.] Hetre nyin qaathei Akötresie.” Fe jë kowe la götrane 196 ne la itus Création ; e jë, nge qejepengöne jë la Ite Edomë 2:21, 22 ngöne la paragarafe 19. Amamane jë la taane la mekene 16, nge hamëne jë la itus.
Fe jë la itusi kowe la götrane 6, nge qaja jë ka hape: “Ala nyimu la itre atr ka mekune laka ame la fene së ka mingöming, memine la mele ka eje hnin ej, tre, ka traqa xan, pëkö ka xup. Hapeu, thaa ka jole kö koi epuni troa kapa la mekune celë? [Nue pi troa sa.] Nyimutre la itre ewekë ka sajuëne la hna qaja hnene la Tusi Hmitrötr, göne la ketre Atre ixup ka hetrenyi la mene ka tru, nge ka tru ihnimin. Nyidrëti hi la nyipi Akötresie, nge ame la atresiwa i Nyidrë, tre, Iehova.” E jë la Salamo 83:18, nge qejepengöne jë, ngo thaa tro pe aqean, laka ame la trepene mekune i Akötresie, tre, ene la troa paradraisone la fen asë.
L’humanité à la recherche de Dieu
“Pine laka nyimutre la itre pengöne hmi enehila, hane kö epuni thele la aqane tro sa atrehmekun la hmi hna kapa hnei Akötresie?” Thupene la hna sa, fe pi kowe la götrane 377. Amamane hnyawa jë la mekun naba 7, nge hnyingëne jë kowe la atr maine angeice fe a hane kapa laka, ame la nyipi hmi tre eje a acaasin la nöjei pengöne atr asë. Pane goeëne ju la ketre e itre xötr hna hamëne hë, nge maine ijije hi la traem, ithanatane jë la itre xaa mekun hna amë wengën. Maine hetrenyi la nyipi aja, hamëne ju la itus. Ame ngöne la easë a tro trije lai atr, hnyingë angeice ju ka hape, “Tune kaa la aqane troa mama la nyipi hmi ngöne la aqane ujë ne la ketre atr?” Wange ju matre troa iwai hmaca me sa lai hnying.
Maine tro la ketre atr a qaja ka hape angeic la ketre atrene la ketre hmi ka tru, maine jë epuni a sa ka hape: “Madrine ni troa ithanata memine la itre atr ne la nöjei hmi asë. Nyimutre la nöjei wapicin ka isapengön hna xom hnene la atr, matre troa thele Akötresie. [Maine ijij, e jë la Ite Huliwa 17:26, 27.] Ala nyimu la itre atr ka xome la hmi ne la itre keme me thine i angatr. [E jë la paragaraf 12 ngöne götrane 8.] Hetre ini hne së hna xom qa ngöne la hne së hna thele troa hane atre la pengöne la itre xaa hmi. Kola qejepengön hnene la itusi celë la qaan, memine la itre hna majemine kuca, me itre ini ne la itre hmi ka nyimutre enehila ngöne la fen.” Amamane jë la itre ithuemacany hna hamën hnene la itus göne la hmi ne lai atr, hna qejepengön e cahu ngöne la itre götran ne la itus: Sikhisme (100-101); Hindouisme (116-17); Bouddhisme (141); Taoisme (164-6); Confucianisme (177); Shintoïsme (190-5); Judaisme (220-1); me Islam (289).
La Révélation : le grand dénouement est proche !
“Maine jë hane fe hë nyipë drenge lo la nouvelle [qaja jë lai ithuemacany]. Ame la kola thupatëne la mele ne la itre atr, kola thele hnene la itre atr ka ala nyimu la aqane troa akeukawane la hni ne la itre trene sinee ka mec. Nemene la hnei epuni hna mekun?” Nue pi troa sa. Thupene lai, fe jë la itus Révélation, götrane 299, nge köjane ju jëne lai iatr la aqane amamane la mele hmaca i itre ka mec. Sisedrëne jë me hape: “Nyimutre la itre atr ka hai laka, kola troa amelene hmaca la itre ka meköti me itre ka thaa meköti kö, matre tro angatre a lapane la paradraiso e celë fen. [E jë la Ite Huliwa 24:15, xötre hna cinyihane ngöne la paragarafe 9 götrane 297, nge qejepengöne jë jëne la paragarafe 10.] Kola ithahnatane fe hnene la itusi celë la itre xaa mekune ka nyimutre nge ka nyipi ewekë, ngöne la aja i Akötresie kowe la itre drai elany.
La Bible : Parole de Dieu ou des hommes ?
“Easë a melëne enehila la ketre hnedrai ka tru ejolen, pë ju pë hë atr hna thaa ketr. Ala nyimu la angetre ujë kowe la itre atr ka hamë nöjei pengöne eamo. Itre xane a thele ixatua thene la itre droketre ne mekun, lo itre hna hëne ka hape, psychologue. Ngo tro epuni a öhne ekaa la itre nyipi eamo nyine loi koi epun? [Nue pi troa sa.] Tusi Hmitrötre a amamane koi së asë la ketre mekune ka nyipi ewekë catre nyine tro së a trotrohnin. [E jë la 2 Timoteo 3:16. Thupene lai, fe jë la götrane 187, nge e jë la paragarafe 9.] Kola troa xatua epuni hnene la itusi celë troa atrehmekune pala hi la aqane troa trongën la itre ini hna hamën hnei Tusi Hmitrötr, ka troa hetre thangane ka lolo pala hi kowe la mele së.”
Atr Ka Tru Ne La Fene Hnengödrai
“Ame ngöne la itre hneijine celë, ala nyimu la itre ka meku Iesu. Ngo, eje hi laka, pine laka elë catre hë la ngazo e celë fene hnengödrai, matre itre xan a isa hnyinge ka hape kukehni së kö hnei Iesu. Hapeue la mekune i nyipë?” Treqene ju troa sa hnene lai atr. Fe jë kowe la mekene 24 ne lai itus Atr Ka Tru, nge qaja jë la kepine matre Iesu a traqa e celë fene hnengödrai, thaa tro pe a aqean. Thuepene lai, e jë la Ioane 15:13, nge amamane hnyawane jë la ihnimi Iesu qa kuhu hni kowe la itre xan.
“E kola qaja la eje i Iesu Keriso, tre, hna majemine mekune hnene la itre atr laka ketre nekönatr, maine ketre atr hna akötrëne uti hë la mec. Angatre hmekuje hi a mekune la kola hnahone me meci hnei nyidrë. Thaa hne së kö hna nyipiewekëne la itre ewekë ka sheminge hnei nyidrëti hna qaja me kuca e celë fene hnengödrai. Haawe, ame la hnei nyidrëti hna aeatrën, tre, thatraqane la nöjei atr. Celë hi matre sisitria catre e tro së a thelejëne troa atrehmekune la itre hnei nyidrëti hna kuca thatraqa së.” E jë la Ioane 17:3. Fe jë ngöne la götrane 1, lo qaane lai itusi Atr Ka Tru, nge e jë la paragarafe 4.
Nemene La Hnei Akötresieti Hna Thele The Së?
“Tune kaa la mekuna i epun, aja i Akötresieti kö troa nue së troa mele hnine la itre jole hne së hna qëmeke kow enehila? [Nue pi troa sa. Thupene lai, e jë la Mataio 6:10.] Hapeu, atre fe hi epuni la pengöne la Baselaia i Akötresie?” Fe jë kowe la ini 6, nge e jë la itre hnying ka eje ngöne la qaane la ini. Nyiqaane ithanatane jë la ini, maine wange ju pena matre troa kuca lai ngöne la kola iwai hmaca.
“Ngacama tru la itre hna kuca thatraqane la mele ne la atr enehila, ngo kolo pala hi a akötrën me ahleuhleun la itre atr hnene la itre sine mec me mec. Atre fe hi epuni la hnei Iesu hna troa kuca thatraqane la itre ka wezipo, itre ka qatre hë, me itre ka meci hë?” Nue pi troa sa. Maine kola ajan hnene la ketre atr troa atre la mekun ka sa la hnyinge cili, fe jë kowe la ini 5, nge e jë la itre hnying thatraqane la itre paragaraf 5-6. Ithanatane jë la itre paragaraf, maine wange ju matre troa kuca lai ngöne la kola iwai hmaca.
Thili Jë Kowe La Akötresie Ka Caas
“Tune kaa la mekuna i epun, tro sa thele ekaa la ixatua matre troa cile kowe la itre ejolene la mel? [Nue pi troa sa. Thupene lai, e jë la Roma 15:4.] Nyipici laka, kola hamë së hnene la Tusi Hmitrötr la ini, memine la keukawa, me mejiun, ene la itre ewekë ka troa acatren la lapaune së matre troa xomihnine la itre jole së. Kola hamëne la itre ixatua hnene la itusi celë, ngöne la aqane tro sa kepe thangane ka loi qa ngöne la hna e la Tusi Hmitrötr.” Amamane hnyawa jë la foa lao mekune ka tru hna hamën ngöne la götran 30.
“Qaane lo Iesu ekö e celë fen, nyimutre pë hë la itre atr ka thithi matre troa traqa la Baselaia i Akötresie. Hane kö epuni thele la alien kowe la itre atr lai hna hape troa traqa la Baselaia? [Nue pi troa sa. Thupene lai, e jë la Daniela 2:44.] Kola qejepengön hnene la itusi celë la pengöne la Baselaia i Akötresie, memine la hnene ej hna troa kuca, memine la aqane tro sa kepe thangane ka loi qa ngöne la musi nyidrë ka meköt.” Amamane jë la iatr ngöne götrane 92-3.