“Celë Hi Mate Lapaune Ngöne La Hna Deng”
1 Ngöne la easë a öhne la ketre atr ka hetrenyi lo “lapaune lo hna hnëkëne kowe la mele ka tha ase palua kö,” ke, nyipi ewekë troa acatrene la lapaune i angeice ngöne la ewekë hnei angeice hna dreng. (Ite Huliwa 13:48; Rom. 10:17) E ajane së troa aeatrëne lai, ke, loi e tro së a bëeke hmaca thupene la hna abone maine thupene hna ami zonal, matre troa hamëne hmaca la itre ka hnyipixe, me troa porotrikëne la itre xaa mekune me angeic. Ngo, loi e tro pala hi a lapa mekune la hna isi kow, ene la troa nyiqaane inine memine la itus La connaissance qui mène à la vie éternelle. Hane hi cahu itre xaa mekune ka ijije nyine troa xatua epun:
2 Maine epuni a kuca la iwaihmaca, nge hnei epuni hna ithahnatane la hna cinyihane hna hape “Atrune jë la Joxu ka epine palua!,” nyiqaane jë tune la:
◼ “Ame lo ketre porotrike so, ke, hne so hna ce wange la itre xaa mekune ka sisitria nyine anyipicine laka hetre Akötresie ka pucatin asë. Ngo, tha eje hmekuje kö la troa atre laka hetre Akötresie. Nyipi ewekë tro së a atre la ejë i Nyidrë. Nemene la aqane hë Akötresie hnei epun. [Nue pi troa sa.] Itre milio lao atr ka hë Nyidrë ka hape ‘Joxu’ maine ‘Akötresie,’ a itre ëje lai nyine amamane la pengöi Nyidrë. Ketre mina fe, Nyidrëti a ajane tro së a atre Nyidrë hnene la ëje i Nyidrë. [E jë la Salamo 83:18.] Easë a atre Iehova hnyawa jëne la Tusi Hmitrötr, tune la hna qejepengöne hnine la itusi celë.” Amamane jë la iatr ngöne la götrane 29 ne la itus Connaissance, nge e jë la hna cinyihane e kuhu fen. Thupene la hnei epuni hna ithahnatane la köni paragarafe hnapane la mekene 3, ke, ase hë epuni lai nyiqaane la etid!
3 E hnei epuni hna ce wange memine la atr la hna cinyihane ka hape “Pine nemene matre troa paatre la nöjei hmi asë,” ke, xatua angeice jë jëne la itre aqane ithahnata celë:
◼ “Thupene la hnei epuni hna e lo hna cinyihane hne so hna ce wang, ke, drei la epuni a sesëkötre ka hape thatreine kö troa xome ceitune la nöjei hmi asë. Hetrenyi la nyipi hmi, nge ketre hetrenyi fe la hmi ka thoi. Celë hi matre nyipi ewekë troa hnyinge ka hape, drei la hmi hnei Akötresieti hna kapa? Hnei Iesu hna sa la hnyinge celë, nge hna qaja atrune ej hnine la itusi celë.” Fe jë la itus Connaissance, ngöne la mekene 5, nge e jë la paragarafe 4, memine la xötre Ioane 4:23, 24. Thupene lai, hnyinge ju ka hape, “Ajane fe kö epuni troa hane ini Tusi Hmitrötr, tha nyine nyi thupene kö?” Maine ajane hi, ke, fe jë kowe la mekene 1, nge nyiqaane jë la etid.
4 Maine hetre aja hna amamane kowe la “Réveillez-vous!” ne 22 eiperem, ke, ngöne la epuni a iwaihmaca, tupathe ju la aqane trofë celë matre troa nyiqaane la etid jëne la itus “Connaissance:”
◼ “Ma mekune pala kö nyipë lo porotrike so göne la troa mele ngöne la ketre fene ka pë isi. Thatreine kö tro së a mekune enehila ka hape ijije troa hetrenyi elanyi la ketre fene hnengödrai ka tune lai. Hanawange la hna xupiatrëne hnene la ketre atr, angeice a amamane la pengöne cili. [Amamane jë la iatr ngöne la götrane 188-9 hnine la itus Connaissance.] Hapeu, tha loi kö koi epuni e tro epuni a mele ngöne la fene ka mingöminge tune la? [Fe jë kowe la götrane 4-5, amamane jë la iatr, nge e jë la hna cinyihane hna eköhagen.] Caasi hi la taane la itusi celë memine la trenge ewekë i Iesu ngöne la tusi Ioane 17:3. [E jë.] Maine ajane nyipë, eni a ajane troa amamai nyipë la aqane tro la itusi celë a amamai së hnyawa la itre ini qa hnine la Tusi Hmitrötre matre ijiji nyipë troa öhne la atrehmekune ka iamele.” Maine ajane hi lai atr, ke, nyiqaane jë la etid hnene la mekene hnapan.
5 Maine hnei epuni hna ithahnata memine la ketre atr ka tru jolene ngöne la xötrei iöhny, ke, qaja ju ngöne la kola iwaihmaca ka hape:
◼ “Ame lo pane traqa ni, ke, hnenge hna amë pe la lue zonale La Tour de Garde, me Réveillez-vous! Itre ej a upi së troa metrötrëne la Tusi Hmitrötr memine lo itre tulu ne mele ne ej. Ka mama cile hnyawa koi ni laka sisitria tro la nöjei atr a atrepengöne la Wesiula i Akötresie, celë hi matre eni a bëeke hmaca troa amamai nyipë la ketre ewekë ka troa xatua nyipë troa atrepengöne lai.” Amamane jë la itus Connaissance, nge qaja atrune jë la itre aliene, ene lo itre taane ngöne la götrane 3. Hnyingëne ju la mekene hna ajane troa atrepengöne hnyawa, fe jë hë kowe la mekene cili, nge nyiqaane jë la etid.
6 Troa tru la madrine së e hne së hna atreine ‘thawa la qëhnelö ne la lapaune koi angete ethen,’ lapaune ka thuejë së kowe la mele ka tha ase palua kö.—Ite Huliwa 14:27; Ioane 17:3.