Catre Jë Troa Qaja La Nyipici
1 Hna qaja hnene la itre aposetolo ka hape: “Thateine kö nyiho troa thaa qaja la nöjei ewekë hnei nyiho hna goeëne me deng.” Easë fe enehila, ketre nyipi ewekë fe tro së a catre qaja la nyipici. Ngacama jëne La Tour de Garde me Réveillez-vous!, easë a öhne la itre atr ka troa drei së, ngo loi e tro fe së a bëeke hmaca troa qejepengöne hnyawa la nyipici kowe la itre ka hetre aja.
2 Maine epuni a wange hmaca la itre atr hnei epuni hna amë thene lo “Réveillez-vous!” ka tru aliene ne eipereme memine lo taane cinyihane hape “Quand la guerre aura disparu” ke, atreine tro epuni a nyiqaane inine la Tusi Hmitrötre memine la atr jëne la hnyinge celë:
◼ “Ame lo ketre traqa ni, ke, hne so hna ce ithahnatane la itre isi ne la itre nöj, memine la aqane löhnine itre eje hnene la itre hmi. Hapeu atre fe kö epuni laka itre ewekë lai ka anyipicine laka easë a mele ngöne lo itre drai hnei Tusi Hmitrötre hna hëne ka hape itre drai hnapin? [Amamane jë la itus Connaissance. E jë la pane paragarafe ne la mekene 11, nge qaja atrune jë la itre hna cinyihane hna eköhagene ngöne la götrane 102.] Kola qejepengöne hnene la itusi celë lo taane mekune hne so hna ce wang, memine fe la 18 lao xaa taane mekune hna fejane e celë. [Amamane jë la götrane 3.] Maine aja i nyipë ke, eni a ajane troa amamai nyipë la aqane tro nyipëti a kapa la ketre ixatua qa hnine la itusi celë matre tro nyipëti a hane trotrohnine hnyawa la itre mekune qa hnine la Tusi Hmitrötr.” Maine ijije hi, ke, nyiqaane jë la etid jëne la götrane 6.
3 Maine hnei epuni hna sa la ijine troa bëeke hmaca me qejepengöne laka atreine troa hetrenyi la madrine me mele tingetinge enehila, ke, qaja ju ka hape:
◼ “Ame ngöne lo xötrei iöhnyi so, ke, hne so hna ce wange lo ketre xötre qa hnine la Tusi Hmitrötre ka hamë së la kepine matre easë a mejiune laka troa lolo la mele ne la itre atr ngöne la itre drai hnapin. Ame enehila, ke, eni a ajane troa amamane hnyawa la ketre mekune kola qaja la pengöne la atr kola hape ijije troa hamë së la mele xetietë enehila.” E jë la Salamo 4:8. Fe jë la itus Connaissance kowe la götrane 168 nge e jë la paragarafe 19. Thupene lai hnyinge ju ka hape: “Ajane fe kö nyipë troa ini Tusi Hmitrötre pë thupene ngöne la hnalapa i nyipë, matre troa amamane hnyawa koi nyipë la aqane troa hetrenyi la mele xetietë ngöne la mele i nyipë?” Maine kola kapa hnene lai atr, ke fe jë kowe la mekene 1.
4 Maine hnei epuni lo hna amë pe la “Réveillez-vous!,” ne 22 Mei, ame la epuni a bëeke hmaca, ke, öni epuni jë hi:
◼ “Eni a öhne laka hetre madrine i epuni qa ngöne la hna e la Réveillez-vous! hnenge hna hamëne koi epun, kola qaja lo aqane isipo ihanyi ngöne la hna huliwa. Hapeu la mekune i epuni ngöne la thiina cili? [Nue pi troa sa.] Nyimutre la itre ka majemine e la Réveillez-vous! ka qaja aloine lai zonale cili pine laka thaa jole kö troa e itre ej, nge lolo la aqane qeje pengöne la nöjei ewekë ka nyipi ewekë catre kowe la mele së. Hane hi la ketre nyine anyipicine ngöne la zonale ka hnyipixe hnenge hna ajane troa hamëne hmaca koi epun. [Amamane ju la taane mekune ka eje ngöne la icetröne ej.] Hapeu, ajane kö epuni troa hane e ej?”
5 Ijije tro epuni a hnyingëne mekötine kowe lai atr ka hape ajane kö angeice troa etid ngöne la kola iwaihmaca, qaja ju ka hape:
◼ “Eahuni a tro fë trongëne la itre zonale huni e cailo fene hnengödrai matre troa thuemacane la itre atr ngöne la nöjei götrane la ini hna hamëne hnei Tusi Hmitrötr. Maine hetre madrine ne la itre atr kowe la hnei angatre hna inin, ke, ijije tro eahuni a inine la Tusi Hmitrötre koi angatr. [Amamane jë la itre hna cinyihane hna eköhagene hna hape ‘Accepteriez-vous une visite?’ ngöne la hutröne La Tour de Garde.] Eahuni a xomeceitune la itusi celë, La connaissance qui mène à la vie éternelle me ketre ka troa ieatrongë. Eni a ajane troa amamai epuni la aqane troa etid, thaa qea kö.”
6 Maine hne së hna catre qaja la nyipici, ke, ka xecie koi së laka troa hetre itre atr ka troa drenge me kapa hnyawa ej.—Mareko 4:20.