Xatuane Jë La Itre Trejine Ka Nanazije Troa Nyihlue i Akötresie Hmaca
1 Hnei Paulo hna hnengazone la mele ngöne la ua ne la itre keresiano ka xötrethenge nyidrë, celë hi matre hnei nyidrëti hna cinyihane ka hape: “Ijine hlë hë nyipuni qa hna mekö; ke eashenyi enehila la mel, ngo nanyi ekö lo lapaun shë.” (Rom. 13:11) Kola hnehengazo hnei Paulo pine laka kola nanazije ngöne la ua hnene la itre trejine me nyidrë; tru la aja i nyidrë troa thuecatre koi angatre matre tro hmaca angatre a hane huliwa i Akötresie.
2 Atreine hi tro së a qaja hnyawa ka hape; kola tro la jidri ne la fene celë ka hekö, nge easenyi hë la lai ne la fene ka hnyipixe. (Rom. 13:12) Hetre sipu kepine ka loi matre thaa loi kö la hni së pine la easë a wange laka thaa ce tro fë hmaca kö me easë la maca ka loi hnene la itre xaa trejine me easë. Ame lo thangane huliwa ne lo macatre hnapan, ke, 25 lao itretre cainöje e Kaledonia hna amejëne hmaca troa cainöj. Tro së a xatuane tune ka la itre xaa ka nanazine troa nyihlue i Iehova hmaca?
3 Nemene La Itre Nyine Kuca Hnene La Itre Qatre Thup: Nyimutre catre la itre ka nanazije ka thaa nuetrije kö la nyipici; angatre hi a thaa cainöje hnei kucakuca, me itre jole hna isa qëmeke kow, me aja ewekë, maine itre xaa ejolene la mele pena. (Luka 21:34-36) E ijij, ke, ka sisitria catre kö la troa xatua angatre qëmekene tro angatre a nanazij. Tro la seketere ne la ekalesia a thuemacane la atre elemekene la Ini Tusi ne la ekalesia, laka, hetre treu hna sasaithe hnene la atre cainöje troa hamëne la rapore ne la huliwa ne cainöje i angeic. Tro angatre a ce wange matre amë la ketre ijine troa wange lai atre cainöj. Tro fe angatre a tupathe troa waipengöne la qaane la jol, me hamëne la ixatua ka ijij.—Goeëne ju La Tour de Garde ne 15 semitrepa, 1993, götrane 20-3.
4 Nemene La Aqane Troa Ixatua: Hetrenyi la itre atr hne së hna atre ka nanazij. Maine ketre atr jë hne së hna atre hnyawa ekö. Nemene la nyine tro së a kuca matre troa hamë ixatua? Hnauëne laka thaa pane cile kö troa vizitë angeic. Qaja ju koi angeice ka hape, tru la hnei epuni hna meku angeice pine laka, qea ha la hna thaa iöhny. Loi e tro pala hi a qaja la itre mekune ka loi. Qaja ju la pengö i epun, ngo the hane kö ithahnatane la kucakuca i angeice ngöne la ua. Qaja ju la itre hna melëne nyine ithuecatr, maine itre xaa ewekë ka loi hna kuca hnene la ekalesia. Qaja ju cememine la madrine la taane la kovasio ne distrik hna hape “Itretre trofë la maca ne tingetinge qa thei Akötresie,” nge xatua angeice jë troa hane sine la kovasio. Maine tro hmaca angeice a ce itrohnyi me iöhnyi memine la ekalesia, ke, tro lai a tru la ixatua koi angeic. Qaja ju koi angeice ka hape, ijije tro epuni a ce tro me angeice kowe la itre icasikeu. Qaja ju kowe la itre qatre thupe la pengö i angeic.
5 Ame la kola bëeke kowe la itre icasikeu hnene la ketre atr ka nanazij, ke, ma tro angeice a nango hmahma ngöne la angeice a iöhnyi memine lo itre atr hnei angeice hna atre ekö. The hnyinge kö koi angeice ka hape, “A qa i eö eka?” Ngo, amamane ju pe koi angeice ka hape, tru la madrine i epuni troa iöhnyi me angeic. Ce porotrike jë me angeic. Tro sai angeice jë kowe la itre xaa trejine hnei angeice hna thatre. Ce lapa ju me angeice ngöne la kola icasikeu, wange ju ka hape hetre itusi ne nyima i angeice kö, memine la itre itusi nyine troa ce wang. Xatua angeice jë matre tro hmaca angeice a hane sine la itre xaa icasikeu, nge qaja ju koi angeice ka hape, maine angeice a aja ixatua ke, ijije hi tro epuni a hane hamë ixatua koi angeic.
6 Atraqatre la madrine i Iehova me Iesu ngöne la kola bëeke hmaca la ketre atr ngöne la ua, celë hi matre loi e troa akeukawane la itre ka nanazij. (Mal. 3:7; Mata. 18:12-14) Atreine tro së a hetrenyi la madrine cili maine hne së hna atreine xatuane la itre xane troa nyihlue i Iehova hmaca.