Kola Sa La Itre Hnyinge i Nyipunie

◼ Nemene la itre itusi nyine troa amë ngöne la “bibliothèque” thatraqane la Ini Ne Cainöje Trootro Qa thei Akötresie?

Nyimutre la itre itusi hna hnëkëne thatraqane la nöje i Akötresie, matre hetre thangane ka loi koi angatre ngöne la ua. Hna kuca la “bibliothèque” ne la Uma ne Baselaia, göi Ini Ne Cainöje Trootro Qa Thei Akötresie; ketre jiane huliwa lai thatraqane la itre trejine ka ajane troa thele la itre mekune hnine la itre itusi sasaiatri, lo ka pë fe kö thei angatr. Qa ngöne lai, loi e troa hetrenyi e hnine eje la nöjei pengöne aqane ujëne la Tusi Hmitrötr, memine la nöjei itusi hna cinyihane hnei Sasaiatri, me itre Huliwa ne Baselaia, me itre zonal, La Tour de Garde me Réveillez-vous! hna iacasinekeun, me hnine la itre index. Ketre, loi e troa hetrenyi fe la ketre dikisioner hna hnyipi kuca. Maine ijij, ma loi e troa hane thele “encyclopédie” me “atlas,” maine itre itusi ne “grammaire” me “histoire.” Ngo eje hi laka, ame la sipu aja së, ke, ene la troa hetrenyi asë la itre itusi hna hamëne hnene la “hlue ka nyipici me ka inamacan.”​—Mat. 24:45.

Hna öhne laka, hetrenyi la itre itusi ka thaa ijije kö troa hane xeene ngöne la “biblothèque” ne la Ini Ne Cainöje Trootro Qa athei Akötresie. Celë hi matre, thaa loi kö troa hane xome la itre itusi ne “science fiction,” me itre mekune ka qaja angazone la Tusi Hmitrötr, maine itre itusi ne “philosophie” me nyine kuci haze. Loi e tro hmekuje hi a amë ngöne lai “bibliothèque,” la itre jiane huliwa nyine troa xatuane la itre trejine matre tro angatre a kökötre ngöne la ua.​—1 Tim. 4:15.

Ame la atre troa cilëne la “bibliothèque” ke ene la atre thupëne la Ini, maine ketre trejine pena trahmanyi hnei nyidrë hna iëne troa ixatua. Loi e tro nyidrë a thupëne pala hi troa canga hane amë lo itre itusi hna xötrei kapa. Loi e troa cinyihane hnyawa la ëje ne la ekalesia ngöne la icetrone la itus. Nge ngöne la nöjei macatre, nyipi ewekë troa wang, maine troa nyihnyawane maine troa nyihnane pena la itre xan.

Nyipi ewekë tro asë hi së a thupëne la “bibliothèque,” maine ngöne la aqane troa fe me ngöne la aqane troa huliwane itre ej. Thaa tro kö a nue la itre nekönatre troa elone itre ej, nge thaa tro pi kö a cinyihane itre ej. Loi e troa amë la ketre ithuemacanyi ngöne lai “bibliothèque,” ene laka, thaa tro kö a xome e tröne la Uma ne Baselaia la itre itus.

Pine laka, kolo pala hi a tru trootro hnei ekalesia ka hnyipixe, haawe, nyimutre catre fe la itre “bibliothèques” ka thaa pexeje itusin. Celë hi matre, maine hetrenyi thene la itre xaa ka cainöje la itre itusi ka hekö hë, pane hane ju nyiahnahnane itre eje kowe la ekalesia. Maine jë tro la itre qatre thupe a komadëne thei sasaiatri la itre zonale La Tour de Garde hna iacaasinekeun. Qa ngöne lai, maine tro së a trongëne la itre hna amekötine celë, tro ha ketre jiane huliwa ka lolo catre la “bibliothèque” ne Ini Ne Cainöje Trootro Qa athei Akötresie, nge ketre ixatua ka tru kowe la nöjei ka thele troa kapa la trengamo ka sihngödri ne la Wesiula i Akötresie, atre troa hamëne la atrehmekun, me inamacan, me trotrohnin.​—Ite edomë 2:4-6.