Hna Amekötin Ka Hnyipixe Gön La Itre Hna Ami Tus Hnin La Uma Ne Baselaia

Nyimutre hë la itre macatre enehila, hetre thangane ka lolo la aqane huliwan hnene la itre ekalesia e cailo fen la itre hna ami tus ne la Uma Ne Baselaia, hna ati ëjene hë ekö, hna ami tusi ne la Ini Ne Cainöj Qaathei Akötresie. Hna amekötine hë e cili lo kowe la itre ekalesia laka, nyipi ewekë troa isa hetre hna ami tus. Ngo hnene laka, nyimu ekalesia enehila ka icasikeu ngöne la itre Uma Ne Baselaia ka caas, itre xan, tre, ka qaja la itre xaa qene hlapa kö; haawe, ma loi e troa caa hna ami tus kowe la isa caa qene hlapa, nge troa nyihnyawan, me ahnyipixen hmaca itre ej, nge troa ej ngöne la nöjei ekalesia. Ame koi itre Uma Ne Baselaia ka hetre itre xaa hnahag, loi e troa hnen la itre hna ami tusi ngön, matre thatraqan la isa qene hlapa.

Kola amekötine tune lai, matre ixatua göi göhnë me thupen. Ketre, troa ketre hna ami tusi ka sisitria lai, pine laka kola troa ce hnen la hna ami tusin la caas maine nyimu ekalesia. Pine laka, hna ce hnen la itre hna ami tus, haawe, maine jë troa nyimu itus ka ceitun; loi e troa xome la itre xan me xeen hnyawa matre troa nyi itusin elany la itre Uma Ne Baselaia ka hnyipixe. Ketre jiane huliwa ka lolo catr koi itre xan, maine hetre ordinatör me Watchtower Library hnine CD-ROM hnine la Uma Ne Baselaia.

Loi e tro hi la caa trejin a cilën la hna ami tus, maine jë tro la ketre e itretre thupën la Ini Ne Cainöj Qaathei Akötresie. Tro angeic a nyialien trongëne la hna ami tus, me nyihatren hnyawa la itre itus ne la Uma Ne Baselaia. Ame ngöne la nöjei macatre, loi e tro angeic a pane wang la hna ami itus maine hetre ka paatr, me goeën maine ka pëkö itus ka zezeny nge nyine troa nyihnyawan. Thaa tro kö a xome a tro trön la itre itusi ne la Uma Ne Baselaia.

Loi e wangatrune pala hi la hna ami tus hnene asë hi la itre atren la ekalesia. Epi tro pala hi së a amaman la enyipiewekën la hna amekötine cili, hnene la tro sa wangatrune ej, me tro sa huliwane ej matre troa thel troa “ate Akötesie.”​—Ite edomë 2:5.