Itre Nyine Amekunëne Göi Drai Ne Amekunën

Troa atrune la Drai ne Amekunëne e mecixeni ne 11 eiperem. Loi e tro la itre qatre thupe a wange hnyawa la itre mekune celë:

◼ Ame ngöne la kola troa sa traeme thatraqane lai icasikeu, loi e troa xecie hnyawa laka, troa tro fë la areto me waina thupene hë la hna lö la jö.

◼ Loi e troa thuemacane asë la itre trejin, ketre tune mina fe la ka troa cile fë la cainöj, la hawa hna sa me hnë troa icasikeu.

◼ Loi e troa canga hnëkëne la areto memine la waina.​—Wange ju La Tour de Garde ne 15 febuare 1985, götrane 19.

◼ Loi e troa canga traqa fë me hnëkëne ngöne la uma ne Baselaia, la itre peleitr, me itre ver, me caa laulau me hakune ej.

◼ Loi e tro fe a nyihnyawane hnyawa la uma ne Baselaia, maine ketre hnë troa icasikeu pena thatraqane la ijine cili, qëmekene la troa icasikeu.

◼ Troa canga thuemacane la itre atrene me itre ka troa tro fë areto me waina la aqane trongene la ijine cili memine la itre hnëqa i angatr.

◼ Loi e tro fe a tro fë la areto me waina kowe lo itre hna iëne ka wezipo, a thatreine kö angatre troa hane sine lai icasikeu.

◼ Maine nyimutre la itre ekalesia ka troa atrune la Drai ne Amekunëne ngöne la caa uma ne Baselaia, loi e troa pane ce iöhnyine la itre xaa hnepe ewekë nyine troa hmekëne ngöne la ijine cili matre, thaa tro kö a tru menu pala ha la itre atr ngöne la itre kuloar, troa ipepetrenyi pena ngöne la itre hna lö, maine ngöne la itre hnë tro ezine gojeny, me itre hnë ami loto.