Huliwa Ne Cainöje Së—Hatrene La Nyipi Ihnim
1 Easë a amamane hnene la aqane cainöje së laka, easë a drenge thenge la lue trepene meköti ka tru. (Mat. 22:37-39) Qa ngöne laka, tru la ihnimi së koi Iehova, haawe, easë a qaja aloinyi Nyidrëti pala hi. Ketre tune mina fe la ihnimi së kowe la itre ka lapa easenyi së, laka, kola upi së troa xatua angatre troa thele troa atre la aja i Akötresie memine la itre mekuana i Nyidrë; haawe, tro fe hë angatre a hane tu së, laka, troa hane kökötre la ihnimi angatre koi Iehova, matre aijijë angatre fe troa hane kapa la mele ka thaa ase palua kö. Celë hi matre, qa ngöne la aqane huliwa së ngöne la hna cainöj, easë hi lai a atrune la atresiwa i Iehova, me ce thawa memine la itre atr ka lapa easenyi së la ketre mejiune ka sisitria, ene la mejiune kowe la Baselaia. Nyipici, ame la easë a huliwa ngöne la hna cainöj, easë hi lai a amamane la etrune la ihnimi së koi Akötresie, me kowe la itre atr.
2 Kola upi së hnene la ihnimi ka eje e kuhu itre hni së, troa ithahnata kowe la nöjei atr asë, ngacama isa pengöne ju hë la itre aqane mele i angatr. (1 Kor. 9:21-23) Hanawange la ketre ceitun: Hna ce ti avio hnene la ketre qatre thupe keresiano memine la ketre hene hmi katolik. Hnene la qatre thupe hna thele troa ithahnata me nyidrë, me amexeje hnyawa la itre xaa hnepe hnying, thupene lai, hnei nyidrëti hna tro xome la porotrike uti hë la ithahnatane nyidro la Baselaia. Ame hë la kola uti hnene lai hene hmi qa hnine la avio, nyidrëti a tro xome trongëne la lue itusi hna hamëne hnene la qatre thup. Drei la ketre pune ka lolo kowe la qatre thup, thangane hi la etrune la ihnimi nyidrë kowe la itre ka lapa easenyi nyidrë!
3 Nyipi Ihnimi a Upi Së Troa Cainöj: Kola amamane hnene la itre trejine ka pionie ka ixatua me ka pionie lapa, la etrune la ihnimi angatre koi Akötresie me kowe la itre xaa atr. Tru catre la itre hawa me trenge catre hna huliwane hnene la itre pionie troa xatuane la itre xaa atr ngöne la götrane la ua. Nemene la ka upi angatre troa huliwa tune lai? Hna qaja hnene la ketre trejine föe ka pionie ka hape: “Atre hi ni ka hape, ame la ihnim, celë hi ketre wene ne la ua i Akötresie. Maine paatre ju la ihnimi theng, thatreine jë kö tro ni a tro ngöne la gojenyi ne la nyipici, the qaja pala ha la troa ketre pionie ka maca catre troa cainöj. Ame la eni a eëne la thiina celë, eni a atrehmekune la itre ewekë hna ajane hnene la itre atr, nge eni fe a öhne hnyawa me madrine laka, hetre thangane ka loi la ihnimi thei angatr.” Hnei Iesu hna amamane la ihnimi cili kowe la itre atr. Ngöne la ketre ijine kola kucakuca hnei nyidrë me itretre drei nyidrë, angatre a pane mekune ju troa thele la ketre götrane gaa pë atr matre troa “pane mano;” hmitre i nyidrëti pë hë nge traqa pane kö la ka ala nyimu a treqe nyidrë me angetre dreng. Nemene hë la hnei Iesu hna kuca? Nyidrëti a “utipi angat,” me pane amë la itre aja i nyidrë matre troa “ini angate la nöjei ewekë ka nyimutre.”—Mareko 6:30-34.
4 Maine tro la itre atr a xele ma drenge la maca ka loi hne së hna tro fë, ngo troa hetrenyi e kuhu itre hni së la madrin, ke atre hi së laka, hna upi së hnene la ihnim; haawe, easë a kuca la hne së hna atreine troa xatua angatr, matre hetrenyi fe angatre la mel. Ame hë elanyi la kola amekötine tixenuë së hnei Keriso, haawe, troa atraqatre la madrine së laka, hne së hna hane amamane fe la etrune la ihnimi së, ngöne laka, hne së hna ‘kuca asë la qâ së.’—2 Tim. 4:5.