1650 Lao Ka Cainöj!

Celë hi etrune la itretre cainöje lai, hne së hna ajane troa e elanyi ngöne la rapor e Kaledonia, ngöne la treu ogas 1998. Atreine kö tro së a eatrëne lai? Eje hi, atreine hi! Kola e enehila la 1 662 la etrune la itretre cainöj, ngöne la itre ekalesia asë. Ngo ame la etrune la itretre cainöje enehila ngöne la macatre ne huliwa ne cainöj, ke, 1607. Nemene la nyine troa kuca matre troa sasaithe la etrune la itretre cainöje cili? Atreine hi tro së a sasaithe la etrune la itretre cainöje cili, e hnene la nöjei ka cainöje asë ngöne la ekalesia hna isa hnëkë hnyawa matre troa hane cainöje ngöne la treu ogas, me canga hamëne la rapore ne hna cainöje ngöne la treu. Pine laka, ame la lue pane drai ne la treu, ke, mecixeni me sabath, tune ka, matre nyiqaane fe epuni troa hane cainöje ngöne lai lue drai cili? Maine tro së a canga xejë la huliwa së ngöne la mekene treu, haawe, atreine hi tro së a eatrëne ngöne la treu ogas, la itre hawa ne cainöje së. Ketre, maine tro fe së a caasi ngöne la huliwa së, haawe, tro hë së a öhne la kola elë hmaca la etrune la itretre cainöj, matre sasaithe pi lo 1 650 lao trejine ngöne la nöje së. Drei la nine iatrunyi elany, hna troa kuca koi Iehova!​—Sal. 47:1.