Hetre Huliwa Ka Tru e Treu Ogas!

1. Nemene la ketre huliwa ka tru hna troa kuca e cailo fen, hmekune lai ijine kola traqa koi 100 lao macatre ne cile la Baselaia?

¹ Easenyi hë matre 100 pi hë lao macatre ne kola cile la Baselaia i Akötresie e koho hnengödrai. Ijine tro hi së lai a pane atrunyi Iehova! Ame e Ogas, tre easa troa tro fë e cailo fene hnengödrai, lo tarak ka hnyipixe; “Drei La Ka Troa Sa La Itre Hnyinge Ka Tru?” Tro la tarak celë a thuecatrene la itre atr troa thele ixatua e hnine la Tusi Hmitrötr me e hnine lo sit jw.org.

2. Nemene la nyine troa kuca, matre tro sa ce “hë cate draië ngöne la hna atrunyi Iehova,” e treu Ogas?

² Nyima Ne Iatruny: Hna amekötine laka, ame koi itre ka ijij, tre hna nue angatr troa pionie ka ixatua e treu Ogas, matre aijijë angatr troa huliwa atruny. Ame ngöne lai treu cili, ijije tro la itre trejin a pionie ka ixatua koi 30 lao hawa. Ame e Ogas, faifi lao Draikatru, me Mecixen me Sabath, matre ijije tro la itre ka huliwa i maseta me itre ka ini a hane pionie ka ixatua. Maine hetre thangane la hna ini Tusi Hmitrötr hnene la ketre atr maine ketre nekö i epun, nge angeic a ajane troa hane cainöj, canga ithanatane ju memine la kordinatör ne la lapa ne la itre qatre thup. Itre xa jëne ithuecatre lai, e tro nyudreni a hane cainöje me easë ngöne lai treu cili! Ngacama ala nyimu la itre pionie lapa ka majemine mano hmekune lai treu Ogas, ke ase hë angatr aeatrëne lo etrune lo hawa hna athipe koi angatr, ngo maine ijij, tha ngazo kö tro angatr a hane catre cainöje ngöne la treu cili. Enehila hi la ijine tro la itre hnepe lapa a ce ithanatane la nyine troa kuca, matre ijij tro angatr a ce “hë cate draië ngöne la hna atrunyi Iehova,” e treu Ogas.—Ezera 3:11; Ite edomë 15:22.

3. Nemene la hne së hna thele troa kuca ngöne la treu Ogas?

³ Nyipici laka, hne së hë hna hane sine la itre xa huliwa ka tru ngöne la itre macatre ka ase hë, ngo epi tro pala kö sa catre huliwa ngöne la treu Ogas. Tro jë së a traqa koi ije hawa ne huliwa ngöne la treu Ogas, nge ije ka cainöj, nge ijetre lao ka troa pionie ka ixatua? Easenyi hë matre nyipune pi hë së la macatre ne huliwa 2014; nge epi tro Iehova a amanathithine la itre trenge catre ne la itre hlue i Nyidrë qa cailo fen, ngöne la angatr a catre cainöje ngöne la treu Ogas!—Mat. 24:14.