Loi e “Xetrëne Hnei Nyipunie La Ate Ka Hnyipixe”
1 Atraqatre la madrine ne la itre keresiano troa atre la nyipici! Hna ini së la aqane troa thipetrije la thiina ne la itre atr ne fen. Pine laka “trehnyiwa ha ene la iamele i Akötesie,” haawe, “xeti hë la ite hni angat.” (Efe. 4:18) Hna ini së hë troa xome trije la itre mekune ne la fen, qa hnine la itre mekune ne la hni së, matre troa trije la ate ka hekö, me xetrëne la ka hnyipixe.—Efe. 4:22-24.
2 Maine thaa trije kö hnene la itre atr la ate ka hekö, eje hi laka, tro ha kökötre catre thei angatre la thiina ka ngazo, ene pe apuingazone ju la mele i angatr, me ee angatre kowe la mec. Qa ngöne lai, loi e tro së a xatuane hnyawa la itre atr ka troa drenge la maca ne Baselaia, matre tro angatre a trije la elëhni, me iwesitrë, me iangazo, me nyi tru, me ewekë ieth. Loi e troa xecie hnyawa, me pexeje e kuhu hni ne la itre atr ka ajane troa amadrinë Akötresie, laka, hetre hni ne ajane i angatre troa una trije la ihetre ka dro.—Kol. 3:8, 9.
3 Trenge Catre Ka Hnyipixe Ka Saze La Mekun: Ame la troa xetrëne la ate ka hnyipixe, ke, kolo lai a hape, troa ahmadradrane hmaca ngöne la mekune ne la itre hni së. (Efe. 4:23) Nemene la aqane troa xome hnene la ketre atr la trenge catre maine aqane mekune celë ka hnyipixe, matre nyine troa eatrongë angeice ngöne la gojenyi ka meköt? Nyipi ewekë troa catre inine hnyawa pala hi la Wesi Ula i Akötresie, me waipengöne hnyawa la aliene ej. Qa ngöne lai, tro ha hnyipixe la aqane waimekunene la atr, nge atreine hi tro angeice a trotrohnine la itre ewekë tune la aqane mekune i Akötresieti me Keriso. Troa saze la mele ne la atr, e hnei angeice hna xetrëne la itre thiina ne la keresiano, tune la troa utipin, me thiina ka loi, me hni ka ipië, me thiina ka menyik, me xomi hni ahoeany, me ihnim.—Kol. 3:10, 12-14.
4 Troa mama hnyawa laka, easë a iananyi memine la fen, e hne së hna xetrëne la ate ka hnyipixe. Haawe, ketre pengöne kö së qa ngöne la aqane mele së. Easë a qaja la nyipici, me hamëne la itre trenge ithahnata ka loi, matre troa ithuecatre kowe la itre atr ka drei së. Easë fe a xomihnine la elëhni së, me iananyi memine la trengehni ka haitre, me kakaeo, me nyi tru, me nöjei ngazo asëjëihë, nge easë pe a xetrëne la itre thiina ka meköti Akötresie. Eje hi laka thaa ewekë ka hmaloi kö la troa kapa la ngazo ne la itre xaa atr, ngo loi e ewekë lai hne së hna kuca, cememine la hni ka pexej. Nge tro asë hi a mama the së la itre thiina cili, e hne së hna thele itre eje hnene la hni ka ajan.—Efe. 4:25-32.
5 The tro pi kö së a nue trije la ate ka hnyipixe. Thatreine kö tro sa nyihluei Iehova hnyawa, e paatre kö eje the së. Loi e xatuane hnene eje la itre atr troa kapa la nyipici, me atrune la atresiwa i Iehova, Atre xupi së me aijijë së troa eëne la thiina ka hnyipixe, ene la ate ka hnyipixe nge ka sheming.—Efe. 4:24.