Huliwa Ne Pionie—Jëne Tro Së a Huliwane Hnyawane La Traeme Së!

¹ ‘Tru catre hë la hnei huliwang! Hapeu, loi kö e tro ni a hane nyiqaane xome enehila la huliwa ne pionie?’ Celë hi mekune la ka eje thene la ketre trejine föe, thupene la hnei nyidroti hna denge la cainöje hna cile fë hnene la ketre qatre thupe ka pionie ngöne la ijine asabele ne sirkoskripsio; ame la tane ke hna hape “Canga thele jë së troa hane pionie.” Hna mekune fe hnene la ketre thöthi ka hane drenge lai cainöje ka hape, ‘Tuneka la aqane kuca nyidrëti matre atreine troa xome la huliwa ne pionie? Thaa qatre thupe kö ni, ngo tru catre fe hnei huliwang!’

² Hna sisedrëne la cainöje hnene la qatre thup, me qaja la itre manathithi hna kapa qa ngöne la hna pionie; hnei nyidrëti hna sipone kowe la itre xaa pionie ka huliwa ngöne la sirkoskripsio troa qaja la itre hnei angatre hna kuca matre atreine troa pionie, memine fe la aqane amanathithine hnei Iehova la trenge catre hnei angatre hna kuca. Ame thene la itre pionie cili, ke hetrenyi la ketre trahmany, sine atr pë hë, ame ketre, ke, föe trene föe hmunë ka thaa ce hmi kö me nyidro, nge ame ketre ke, hnei angeice hna nue la huliwa ka tru thupen, ngo ame la thupe i angeice enehila, ke, ijije hi kowe la mele i angeic. Ame la angatre a drenge la itre thangane ka loi hna kapa hnene la itre pionie jëne la ixatua i Iehova, haawe, hna thele fe hnene lo lai trejine trahmanyi memine la sör, troa hane wange la mekune ka eje thei nyidro, memine la pengöi nyidro. Kolo fe a hane hë së troa hane waipengö së, enehila ase hë nango autine la itre hawa ne pionie, matre ijije kowe la ka ala nyimu troa xome la huliwa cili.

³ Iehova la Atre xupi së, nge Nyidrëti la ka pucatine asë e celë fene me e koho hnengödrai; haawe, Nyidrëti la ka musinëne la mele së. (Dan. 4:​17; Ite Huliwa 17:28) Thaa sihngödri kö koi së laka, Iehova a xomiujine hmekuje la caa organizasio. Easë a madrine troa nyihlue hnine la organizasio cili, me ce huliwa memine la “hlue ka nyipici nge ka inamacan,” ngöne la troa anyipicine la Baselaia, qëmekene troa traqa la pun. (Mat. 24:45; 25:40; 1 Pet. 2:9) Easë a melëne hnyawa enehila la “ite drai hnapin,” nge easë a wangatrehmekune hnyawa laka, xoxopatre pe hi la ijine troa cainöj. (2 Tim. 3:1) Ketre, ngöne la hnepe ijine cili, nyipi ewekë catre tro së a huliwa manie thatraqane la itre hnepe lapa së. (1 Tim. 5:8) Maine jë thaa ijije hmaca kö enehila tro la manie së qa thei maseta, a eatrëne asë la itre nyipi ewekë thatraqane la hnepe lapa. Maine hetrenyi pena ha la itre sine mec. Nge, maine troa mekune hnyawa, ame la sipu aja së ke, ene la troa hetrenyi la hnepe traem, nge itre ewekë ka ijije thatraqane la mele së. (Ate cai. 3:​12, 13) Qa ngöne lai, loi e tro së a inamacane ngöne la aqane tro së a waipengöne la huliwa ne pionie.

⁴ Isa qanyi së kö troa wange hnyawa la itre hnëqa ka eje the së, me thele maine ijije jë fe tro së a hane pionie. (Rom. 14:12; Gal. 6:5) Atraqatre la madrine së, ngöne laka, kola elë la etrune la itre trejine ka xemine la ihë troa pionie. Ngacama tru la itre hace, me itre jole enehila ngöne la itre drai hnapin, ngo hna amamane pe ngöne la Annuaire 1999 laka, 700 000 la itretre anyipici Iehova e cailo fen, ka sisiedrëne pala hi la huliwa ne pionie. Ngacama tru la itre ejolene göi mani, pëkö loto, tru la itre sine mec, maine kola qëmeke kowe la itre xaa jole pena, me kowe la itre itupath, ngo thaa hna kucakuca kö troa kuca la ewekë ka loi hnene lai itre trejine föe me trahmany, nge celë nyine haine lai. (Gal. 6:9) Hnei angatre hna drei Iehova, ene laka, troa pane tupathi Nyidrë. (Mal. 3:​10) Angatre a mekune laka, ame la troa pionie, celë hi aqane tro lai a huliwane inamacanëne la traeme hna sa tulune hi me itre ewekë thatraqane la mel; ketre, hna amanathithi angatre hnyawa, qa ngöne laka, angatre a kuca asë la hnei angatre hna atreine matre troa hane xome me catre fë la huliwa ne pionie.

⁵ Hetre Manathtithi Hna Kapa Hnene La Itre Pionie: Hnene la ketre söre ne Cameroun trene kuku jajiny, hna qaja ka hape: “Qaane lo kola mala la nekönge jajiny, hnei angeice pala hi hna ce tro me eni troa cainöje trootro. Thaa tro petre kö nyën, ngo eni fe hë a ifë nyëne trootro ngöne ngönepeng. Ame ngöne la ketre hmakanyi eni a cainöje trootro, eni a pane cile ju ngöne la ezine la gojeny. Hna tro pi hnene la nekönge fë la itre zonale hnei angeice hna xome qa hnine la watrengeng. Hnei angeice hna nango tro cil, me tro pi ezine la hnenge hna cil. Ngacama thaa tru kö la hnei angeice hna qaja, ngo hnei angeice pe hna ahlëne la aja ne la föe, me amamane la ketre zonal. Hna sesëkötre hi la föe, pine laka, nyidroti a öhne lai nekönatre a hane cainöj. Haawe, canga kapa ju hi nyidroti la zonal, me nyiqaane troa inine la Tusi Hmitrötr!”

⁶ Hna xemine fe e Afrique la ihë troa tru hnei pionie ka ixatua; celë hi matre hnene la ketre hene lapa ne Zambie ka qatre thupe nge ka huliwa drai ka pexeje koi maseta, hna mekune troa pane pionie ka ixatua, ngacama tru la jole i nyidrë. Nyidrëti a ajane troa amamai tulu kowe la ekalesia, me kowe fe la hnepe lapa i nyidrë. Hetrenyi la itre ijin, nyidrëti a acile la loto i nyidrë ezine la gojeny; nge nyidrëti a ahone jë la ikaho ne la loto, me amë la kaset ne lo itus, Le secret du bonheur familial, me hëne la itre ka tro ezi nyidrë, matre troa hane drenge la ikaho. Hetre thangane ka loi la huliwa i nyidrë, pine laka, hnei nyidrëti hna hamëne la 16 lao itus, Bonheur familial, nge 13 lao itus, Atrehmekune, me nyiqaane la lue etid.

⁷ Kola mama hnyawa fe e Zimbabwe, laka, hetre ajane la itre trejine troa xome la huliwa ne pionie. Ame ngöne la treu eiperem 1998, hna e ngöne la ketre ekalesia ka 117 lao ka cainöj, 70 lao pionie ka ixatua, nge 9 lao ka pionie lapa. Ame ngöne la ketre, ke, 94 la etrune la itretre cainöj, nge 58 lao ka xome la huliwa ne pionie ka ixatua. Ame ngöne ketre, ke, 126 lao ka cainöj, 58 lao ka mekune troa pionie ka ixatua nge 4 lao ka pionie lapa. Ketre macatre ka sisitria catre la macatre ne huliwa hnapane e Zimbabwe. Ngacama tru catre la itre jole ka eje thene la itre trejine cili, pine laka, atraqatre la itre hnëqa hnine la hnepe lapa, tru la itre huliwa hnine la ekalesia, nge kolo fe a xupe la Bethela, ngo eje hi laka, hnei angatre hna catre thele troa inamacane ngöne la aqane huliwane angatre la traeme matre atreine troa hetre ijine troa cainöje trootro.

⁸ Kola wangatrehmekune fe hnene la itre pionie laka, thaa hnei trenge catre i angatre hmekuje kö, la angatre a troa atreine nyiqaane la huliwa ne pionie, me lapa fë ej. Loi e tro angatre a pane kapa e kuhu itre hni angatre la mekun, ene laka, maine angatre a ajane troa xome la huliwa ne pionie, ke, “loi e tune la ateine hna hamëne hnei Akötesie.” (1 Pet. 4:​11) Kola upi angatre hnene la lapaune i angatre troa cainöje trootro ngöne la nöjei drai. Thaa hnei angatre kö hna ië ewekë thatraqai angatre kö, me thele la ka hmaloi thatraqai angatr, ngo hnene la itre pionie hna wangatrehmekune laka, maine angatre a ajane troa catre xome la huliwa ne pionie, haawe, loi e troa pane “aköte ataqat,” ngo ame pe la thangane koi angatr, ke itre manathithi ka kösau.​—1 Thes. 2:2.

⁹ Loi e Tro Së a Xome La Tulu i Paulo: Kola qaja hnei Tusi Hmitrötre la itre ewekë hnei Paulo hna kuca ngöne la huliwa ne cainöje trootro, memine la ixatua ka lolo hnei nyidrëti hna hamëne kowe la itre atr ka ala nyim. Tru catre la itre jole hnei nyidrë hna qëmeke kow. Hnei nyidrëti hna xomihnine la icilekeu, memine la iakötrë, matre troa cainöjëne la maca ka loi, me ithuecatre kowe la itre ekalesia. Hnei nyidrëti fe hna xomihnine la itre sine mec. (2 Kor. 11:21-​29; 12:​7-​10) Hetrenyi e kuhu hni nyidrëti la ajane troa huliwane hnyawa la traeme i nyidrë. Hnei nyidrëti fe hna atrehmekune hnyawa laka, nyidrëti a atreine kuca asë la itre huliwa jëne la ixatua qa thei Iehova. (Fil. 4:​13) Pëkö atr hna xatuane hnei Paulo, ka troa qaja ka hape, hnei angeice hna aluzine la traeme i angeic, me trenge catre i angeice ngöne la huliwa i Iehova, maine hetre huliwa kö ka sisitria hna troa kuca hune lai. Hanawang, easë pala fe enehila a kepe thangane la aqane huliwane inamacanëne Paulo la traeme i nyidrë! Drei la madrine së troa kapa la itre eamo hna hamëne hnei nyidrë, hnine la Tusi hmitrötr; itre eamo lai nyine xatua së troa iëne la itre ewekë nyine tro së a kuca, me lapa xome hnyawa la nyipici ngacama catre la itre jole ka traqa koi së enehila!

¹⁰ Kola mama hnyawa enehila hneijine së laka, ‘xoxopatre pe hi la ijin’ troa cainöjëne la maca ka loi. (1 Kor. 7:​29; Mat. 24:14) Qa ngöne lai, loi e tro së a isa thele ka hape, ‘Maine tro ni a meci elany, hapeu, ijije kö tro ni a qaja koi Iehova enehila, ka hape, hnenge hna huliwane hnyawa la traemeng?’ (Iako. 4:​14) Hapeue matre thithi koi Iehova enehila, me fe amamane koi Nyidrëti la aja së troa huliwane hnyawa la traeme së ceitune me ketre atre anyipici Nyidrë? (Sal. 90:12) Sipone jë së koi Iehova jëne la thith, matre tro Nyidrëti a xatua së troa ahmaloeëne la mele së. Maine jole koi së e cili lo troa pionie, hapeu enehila, ijije jë fe hë koi së troa hane nyi göhnene la huliwa cili ngöne la mele së?

¹¹ Loi e Wangatrune Hnyawa Së La Itre Ewekë Ka Traqa Koi Së: Eje hi laka, pine la itre ewekë hne së hna melën, thatreine kö tro asë hi së troa pionie lapa, me kuca la 70 lao hawa ngöne la treu. Haawe, nyimutre pe la itretre cainöje ka thele troa pionie ka ixatua, me kuca la 50 lao hawa ngöne la treu; angatre a pionie ka ixatua ngöne la hnepe ijin, maine pena kola sisedrëne la huliwa cili ngöne la nöjei treu. Maine thaa ijije kö koi së, troa pionie ka ixatua, maine pionie lapa, the kucakuca kö së. Catre pi së troa thithi me mekune laka, troa saze la itre ewekë ngöne la mele së. Nge maine easë a ajane troa pionie, ngo jole catre troa saze la itre ewekë ngöne la mele së, loi e keukawa la itre hni së ngöne laka, atraqatre la madrine i Iehova ngöne la Nyidrëti a goeëne laka, easë a nue asë la hne së hna atreine kuca, thatraqane la huliwa i Nyidrë. (Mat. 13:23) Nyidrëti a öhne laka, easë a qale catre koi Nyidrë, me catre thele troa ketre atre cainöje ka catre huliwa, nge pëkö treu ne thaa cainöje së. Maine jë ijije tro së a kökötre ngöne la huliwa ne cainöj, ene pe idrei jë la aqane tro së a anyipicin; ketre tro fe së a ketre atr ka atreine ini me cainöjëne la maca ka loi.​—1 Tim. 4:​16.

¹² Easenyi catre hë la “drai i Iehova atraqate me hna qouen.” Qa ngöne lai, maine easë a ajane troa afenesine la huliwa hna upi së troa kuca, nyipi ewekë tro së a inamacan ngöne la aqane tro së a huliwane la itre hnepe ijine ka xoxopatre pe hi. (Ioela 2:​31) Atre hnyawa Satana laka, easenyi catre hë la traeme i angeic, qa ngöne lai, angeice a nue asë la hnei angeice hna atreine troa nyi ejolene la itre aqane mele së, me thele troa ea la mekuna së matre ananyine la itre ewekë ka sisitria thatraqane la mele së. (Fil. 1:​10; Hna ama. 12:12) Thaa tro pi kö së a wangacone la ihnimi Iehova koi së. Atreine hi tro Nyidrëti a xatua së troa ahmaloeëne la mele së, me aijijë së troa eatrëne hnyawa la huliwa ne cainöje së. (Sal. 145:16) Nyimutre la itre trejine ka pane waipengöne hnyawa la itre ewekë hnei angatre hna melën, matre angatre madrine me öhne laka, ijiji angatre fe troa hane pionie ka ixatua me pionie lapa. Nyipici, atraqatre catre la madrine ne la itre pionie troa huliwane inamacanëne la traeme i angatr. Hapeue fe së, tro fe hë së a hane tui angatr?