Tuneka Matre Tro Fë Fe Së La Itus Créateur?

Hne së asë hi hna madrine lo macatre hnapane troa kapa la itus, Y-a-t-il un Créateur qui se soucie de vous ? Ketre itusi lai hna kuca thatraqane lo itre atr ka inamacane ka kuca la itre ini ka tru, nge maine jë thaa lapaune kö koi Akötresie. Ka ihmeku catre la itusi celë memine la ajane la itre atr enehila, a kolo pala hi a elë trootro la etrun.

Hetre itre kepine ka ijije matre kola amekötine troa tro fë la ketre itusi ngöne la treu; itre itusi ka qatrenge la itre mekune ka ijije troa ahlëne hnyawa la aja ne la itre atr. Hapeu, kolo la a qaja ka hape, thaa loi kö tro së a tro fë la itus Créateur? Ohe! Atreine hi troa tro fë la itusi celë ngöne la nöjei treu ne la macatre, kowe lo itre atr ka thaa lapaune kö koi Akötresie, nge ka troa kepe thangane ka loi qa ngön. Maine jë tro fe a hane tro fë kowe la itre atr ka lapaune koi Akötresie, ngo thaa nyipi atre hnyawa kö la pengöi Nyidrë, me itre thiina i Nyidrë, me itre mekuana i Nyidrë. Haawe, loi e tro së a tro fë eje kowe la itre atr hne së hna öhne laka, troa hetre ajane thei angatre troa e la itusi cili.