Inine Jë La Itus Prophétie de Daniel
1 Qaane e 17 eiperem me wiike cili, troa ce wange ngöne la itre Ini Tusi ne la Ekalesia, la itus, Prêtons attention à la prophétie de Daniel. Ala nyimu hë la itre ka e la itusi ka lolo cili, ngo enehila, kola aijijë së troa ce kapa madrine la itre thangane ka loi, qa ngöne laka, easë a troa ce ithahnatane eje ngöne la itre ijine Ini Tus. Hna hë së asë hi itre trejine asë, me itre ka ajane troa atre la nyipici, me itre nekönatr, hna ithuecatre koi së troa traqa pala hi ngöne la nöjei wiik, matre troa kapa la itre ini ka sisitria qa hnine la tusi Daniela.—Deu. 31:12, 13.
2 Troa Wange La Porogaram Me Itre Hna Amekötin: Eje e hnine la Huliwa Ne Baselaia celë, la porogarame thatraqane la Ini Tus. Loi e troa thupëne matre troa hetrenyi pala hi la ketre. Kola amamane hnene eje la mekene me itre paragarafe ngöne la itus, ketre tune mina fe la itre xötre qa hnine la tusi Daniela, hna troa ce ithahnatane ngöne la nöjei wiike ne Ini Tus. Kola qeje pengöne hnene la itre ithuemacanyi e cahu fen, la aqane me ijine troa ini ngöne la itus. Ame la kola nyipune ngöne la nöjei wiike la Ini Tus, loi e tro la atre xomiujine lai, a ce wange hmaca memine la hnepe lapa cili la itre xötre ka tru qa hnine la tusi Daniela, a hna amë wengëne hë ngöne la porogarame thatraqane la wiik. Maine ijije la traem, troa e me ce ithahnatane la itre xötr. Ame itre xaa xötr, ke thaa hna ce ithahnatane kö itre eje ngöne la wiike ka caas, ngo ngöne fe la ketre wiik, ke, nyimu pengöne aqane troa xomi ini qa ngön, matre kola hane ce wange hmaca fe ngöne la ketre wiik, ke tru catre la nyine troa qeje pengön.
3 Nyipi Ewekë Catre Tro Së a Hnëkë Hnyawa: Hna eköthe hnyawa la porogarame ne Ini Tus, thenge la itre hawa hna troa xome ngöne la nöjei wiik, matre ijije troa ce ithahnatane la itre mekune hna amekötin. Foa lao ini ka xoxopatr. Ame la kola nyipune la Ini Tusi ngöne la 5 juun me wiike cili, tro la atre xomiujine la ini a wange hmaca la Daniela 2:1-40. Ame ngöne la 26 juun, me wiike cili, troa ce wange hmaca la Daniela 3:1-30. Ame ngöne la 4 semitrepa me wiike cili, loi e troa pane ce ithahnatane hnyawa la itre iatr me itre xötre ngöne la götrane 139. Loi e troa ce ithahnatane fe la carte ne la götrane 188 me 189, e 2 okotropa me wiike cili.
4 Catre pi së troa hnëkë hnyawa, me hane hamë mekune ngöne la nöjei wiike ne Ini Tus. Loi e troa hetre ajane së troa caasi memine la organizasio i Iehova e celë fen, me hane kepe thangane ka loi qa ngöne la trotrohnine memine la atreine waiewekë, hna hamëne hnene la itre hlue i Nyidrë hna iën, ka mele nyipici. (Dan. 12:3, 4) Catre pi së troa ithuecatre kowe la itre xane troa hane sine pala hi la Ini Tus. Epi tro pala hi së a wangatrune hnyawa la itre hna thingehnaeane hnei Akötresie, hna amamane jëne la tusi nyine haine i Daniela. —Heb. 10:23-25; 2 Pet. 1:19.