Tro Ha Etidine La Itus Bonheur familial

Hetre madrine së ngöne la wiike ne 6 okotropa 1997 troa nyiqaane etidi ngöne la itus Le secret du bonheur familial ngöne la Ini Tusi ne la ekalesia. Easë asë hi a ajane troa ce memine la gurupe së troa inine la itre hna amekötine qa hnine la Tusi Hmitrötr, nyine manathithi kowe la mele ne la fami. Troa aijijë së hnene la porogarame ne la etidi troa ce wange asë la nöjei paragarafe ne la itus, memine la nöjei xötre ne la Tusi Hmitrötr ka eje e hnine ej.

Troa etidine asë la mekene waan ne la itusi ngöne la pane wiike ne Ini Tus, pine laka, co hi hnei xötre ne la Tusi Hmitrötre hna fejane ngöne la itre paragaraf. Ketre tune mina fe la mekene 15, tro hi a acaa kuca. Ngo ame asë pë hë la itre xaa mekene la itus, troa isa thawaluëne itre ej, troa kuca la sin ngöne la wiik, nge tro pë hë a afenesine la mekene ngöne la ketre wiike pena ha. Qa ngöne lai, tro ha munë ju pe kö la hawa ne troa e me ce ithahnatane la nöjei xötre ne la Tusi Hmitrötre hna fejane hnine la itus, nge hetre ijine mina fe troa hane wange hnyawa la ini hna troa xome qa ngöne la itre xaa xötr ka eje ngöne la paragaraf.

Ame la ketre ewekë ka sisitria nyine troa kuca ngöne la kola etid, ke, ene la troa ce ithahnatane la itre ini hna eköhagene ngöne la pune la nöjei meken. Celë hi matre loi e troa thawa hnyawa la traeme ka ijije troa ce wange la itre hnyinge me itre xötre hna fejane ngöne la itre hna cinyihane hna eköhagen.

Nyipi ewekë troa hnëkëne hnyawa hnene la itre ka troa elemekene la itre Ini Tus, me xatuane asë la itre atrene itre ej, memine fe lo itre atr ka xötrei hane traqa troa hnëkë hnyawa, me hane sine pala hi la nöjei Ini Tus.​—om 74-6.