Loi e Troa Xecie Koi Së Laka Tro Së a Bëeke Hmaca!
1 “Lolo pi hë la porotrike i nyiho! Tro hmaca pë hë ni a bëeke troa iwai hmaca. Hapeu, ma trenge ewekë së hi la lo itre xaa ijin, ngo ame pe e thupen, easë a thëthëhmine la hnalapa ne lai atr? Haawe, ame la ewekë nyine troa kuca matre thaa tro kö së a thëthëhmine troa bëeke hmaca troa iwai, ke ene la troa cinyihane asë la nöjei ewekë ka ijije troa amekunë së hmaca.
2 Cinyihane Asë Jë: Ame la easë a ase porotrike memine la itre atr ka drei së, me nue angatr, loi e troa canga cinyihane la nöjei ithuemacanyi asë qa ngöne la hne së hna xötrei ithahnata me angeic. Cinyihane ju la ëje i angeic, memine la aqane troa wangatrehmekunyi angeic. Cinyihane ju la hnalapa i angeic, ngo the ijelaxötrane kö—loi e troa meköti la hna cinyihan. Cinyihane ju fe la itre hne së hna ithahnatan, itre xaa xötre ne la Tusi Hmitrötre hne së hna e, me itusi hne së hna amë pe.
3 Maine hne së hna nue la ketre atr me qaja koi angeice ka hape, tro së a sa la hnyinge i angeice ngöne la kola troa iwai hmaca, haawe, loi e troa cinyihane la hnyinge cili. Maine hnei angeice hna hane qaja koi së la hnepe lapa i angeic, maine hmi angeice pena? Cinyihane ju la itre mekune cili. Ketre, matre ame la kola iwai hmaca, haawe, troa amexeje hmaca itre ej, easë hi lai a amamane ka hape, easë a hnime lai atr. Thupene lai, loi e tro mina fe a cinyihane la drai me traeme ne kola xötrei porotrik, memine la ijine easë a mekune troa bëeke hmaca troa iwai. Maine tro fe së a xomi not hnyawa, thaa tro kö a jole koi së troa hnëkëne la iwaihmaca, nge thaa tro kö së a thëthëhmine lo hna isa pui.—1 Tim. 1:12.
4 Maine pexeje hnyawa ha la itre ithuemacanyi hne së hna xom, haawe, ce amë ju memine la itre jiane huliwa së thatraqai cainöje trootro—trengene itus, Tusi Hmitrötr, itus Comment raisonner, me itre xaa itus—loi e tro pala hi a xome trongëne itre ej. Ka loi kö e troa aisane la itre not hna xom; itre xane ngöne lo pepa ne xomi not hna hnëkëne hnei ekalesia, nge itre xane pë hë hne së hna troa xome göne la easë a troa iwai hmaca. Eje hi laka, kola upi së pala hi troa xome hnyawa la itre not, matre thaa jole tro sa iwai hmaca, ngo ame la nyipi ewekë, ke ene la troa xecie koi së laka, tro sa bëeke hmaca!
5 Mekune Ju Lai Atr: Ame ngöne la easë a hnëkë troa cainöj, wange hmaca ju la itre not göi troa iwai hmaca. Wange ju la itre mekune hna troa hamëne koi angatr isa ala caas, itre hna troa wange hmaca, nge troa mekune hnyawa fe la aqane troa nyiqaane ithahnata ka sisitria koi angatr. Mekune ju fe la aqane troa akökötrene la aja ne lai atr, matre troa hane nyiqaane inine la Tusi Hmitrötr. Maine tro sa hnëkë tune lai, atreine hi troa wawene la huliwa së, itretre tro fë la maca ka loi, nge kolo mina fe a akökötrene la madrine së.—Ite edomë 21:5a.
6 Haawe e drei së jë hnene la ketre atr elanyi ngöne la hna cainöje trootro, the mekune kö ka hape, atreine hi tro sa lapa mekune paluane la ëje i angeic. Loi pe tro sa cinyihane la itre ithuemacanyi göi angeic, wange hmaca ju la itre not, mekune hnyawa kö lai atr, nge thupene lai, loi e troa xecie koi së ka hape, easë a troa bëeke hmaca!