Xatuane Jë La Itre Xaa Atr Troa Hane Sine La Itre Icasikeu
1 “Ame koi itre sinee ka lapa ezi hun . . . nge ka ajane troa hane sine la itre icasikeu, ehuni a könë nyipunie.” Qaane lo kola mama la ithuemacanyi celë ngöne la zonal, Le Phare de la Tour de Sion, ne Nofeba 1880, hna thele pala hi hnene la itre Temoë i Iehova troa könëne la itre atr, troa hane ce kapa me angatre la ini qa hnine la Tusi Hmitrötr. (Hna ama. 22:17) Celë hi ketre götrane ka sisitria ne la nyipi hmi.
2 Nyipi Ewekë Troa Sine La Itre Icasikeu: Hetenyi la itre manathithi hne së hna kapa e hne së hna ce icsikeu memine la ekalesia. Tro hë së a atre Iehova hnyawa, Akötresie ka sisitria. Hnine la ekalesia, easë a traqa itronyi matre troa ‘ini së hnei Iehova.’ (Is. 54:13) Kola hamëne hnene la organizasio i Nyidrë, la ketre porogarame ne ini Tusi Hmitrötr, nyine troa aiasenyi së me Nydrë, nge ka hamëne la itre ixatua ka lolo matre atreine së troa trongëne la “nöjei hna mekuatin’ asë hnei Akötresie.” (Ite Huliwa 20:27; Luka 12:42) Kola isa ini së jëne la itre icasiekeu la aqane troa hamëne la ini qa hnine la Wesi Ula i Akötresie. Nyipi ewekë mina fe la kola xome hmaca la itre xötr, ke kola xatua së troa atreine ce mele memine la itre xan, nge me Iehova Akötresie. Eje hi laka, kola acatrene la lapaune së, e hne së hna caasi memine la itre atr ka hnimi Akötresie.—Rom. 1:11, 12.
3 Könëne Mekötine Jë La Itre Atr: The hmitre kö troa hëne la itre ka xötrei etid troa hane sine la itre icasikeu, canga könë angatre jë ngöne la kola xejë la eti. Hamë angeice jë lo pepa ne ithuemacanyi göi itre drai me hawa ne icasikeu. Qaja jë la eloine la ketre mekune ka xatua nyipunie ngöne lo icasikeu hnapan, nge ce wange ju fe la itre mekune hna troa ithahnatane ngöne la icasikeu ka troa traqa. Thuemanyi angeice jë la pengöne la Uma Ne Baselaia, nge loi e thaa jole koi angeice troa öhne ej.
4 Maine thaa canga hmala kö la hnainine troa sine la itre icasikeu, loi e tro pala hi së a catre könë angeic. Xome jë la itre hnepe menetre ngöne la nöjei wiik, troa amamane koi angeice la aqane trongene la organizasio. Xome jë fe la boroshüre Unis pour faire la volonté de Dieu, memine la video, Les Témoins de Jéhovah : un nom, une organisation, matre tro angeice a majemi koi së memine la itre icasikeu së. Ce tro jë fe memine la itre xaa trejine matre troa hane atre angatre hnene la hnainin. Ame ngöne la kola thithi koi Iehova, olene jë la organizasio i nyidrë, nge amexeje jë la fe la enyipi ewekëne kowe la hnainine troa caasi memine ej.
5 The luelue kö troa xatuane la itre atr ka ajane troa caasi me easë. Pine laka troa kökötre la ihnimi angatre koi Iehova, haawe tro fe hë angatre a hane trongëne la itre hnei angatre hna inin, ene pe hane ju fe hë angatre ce memine la organizasio i Akötresie ka caas.—1 Kor. 14:25.