Eatrongëne Jë Së La Itre Hnainine Kowe La Organizasio Hne Së Hna Lapa e Hnin
1 “Ketre maca la hna qaja trongëne ngöne la 200 nge sine lao qene hlapa. Ketre maca ka lapane la 210 lao nöje nge sin. Hna trofë eje kowe la itre atr ngöne la isa götrane hna öhnyi angatre ngön. Pëkö ketre huliwa ne cainöje trootro ka tru, hna hane tro fë tune e celë fene hnengödrai, ketre maca ka aicasinekeune la itre atr itre milio la etrun. Hna eköthe la itre temoë i Iehova troa kuca la huliwa celë, kola ha troa weje la caa macatre ne huliwa nge nango sisitria pi kö hune lai!”
2 Celë hi aqane nyiqaane la video Les Témoins de Jéhovah : Un nom, une organisation. Hna kuca la video cili matre troa sa la itre hnying, hna hape: Drei la itretre anyipici i Iehova? Tuneka la aqane eköthe la huliwa i angatr? tuneka la aqane cilën? Tuneka la aqane nyi manien? Kola hai hnene la itre atr ka öhne laka, “hna inine la itretre anyipici i Iehova ngöne la fene hnengödrai troa xatuane la itretre lapa easenyi angatr, matre troa lapaune kowe la Tusi Hmitrötr,” nge eje a ketre sipu amamane koi angatre la pengöne la organizasio hne së hna lapa e hnin. Thupene la hna goeëne la video celë, hna qaja hnene la ketre föe ka etidi hë, kola xölaxöla la trenge tihmidra i eahlo hnei madrine me ole, eahlo a hape: “Hapeu, atreine kö tro la ketre atr a qaja ka hape, thaa celë kö lai la organizasio i Iehova, ene lo nyipi Akötresie?”—Wange ju la 1 Korinito 14:24, 25.
3 Hnene la ketre föe hna anyimua etid, ngo thatreine kö eahlo troa kapa laka, ini ka ngazo la Tirinite. Haawe, hna hane amamai eahlo me fö i eahlo la video së. Hnei nyidroti hna haine atraqatre la aqane eköthe ej, nge hnei nyidroti hna alua goeëne ej ngöne la jidr. Ame hë la nyidroti a sisedrëne la etidi nyidro thupen, hnene la föe hna amamane la aja i eahlo troa hane ketre ka Anyipicin. Öni eahlo ka hape, nango tru menu pala ha la hnei eahlo hna mekune la Tirinite, ene lo ini hnei eahlo hna lapaune kow, nge thaa hane pë hë goeëne la organizasio së memine la itre atrene ej. Jëne la video, ame hna mama hnyawa pi koi eahlo ka hape, celë hi organizasio ne la nyipi Akötresie. Haawe, canga hetrenyi fe hë thei eahlo la ajane troa cainöje ngöne la itre hnalapa trootro. Thupene la hna qeje pengöne koi eahlo la itre nyine troa kuca, matre troa ketre ka cainöje hna thaa bapataisone petre kö, eahlo a qaja ju ka hape: “Haawe, nga loi e tro hö së a wange la itre nyine troa kuca.” Ame hnei eahlo hna utretre qa ngöne la hmi i eahlo, me nyiqaane troa hane xome la huliwa ne cainöje trootro, nge enehila ketre ka atreine hnyawa pena ha eahlo troa jelethoine la Tirinite.
4 Nyipici kola mama laka, maine tro la itre ka inine la Tusi Hmitrötre a atrehmekune la organizasio i Iehova me tro kow, haawe, tro hë angatre a canga kökötre me canga macaje ngöne la ua. Eje hi laka, thupene lo hna bapataisone lo 3 000 lao atr ngöne lo ijine e Penetekos, “angate pala hi a cate kowe la hna inine hnei ang’aposetolo, me ce hni.” (Ite Huliwa 2:42, ith. e cahu fen) Nyipi ewekë tro së a xatuane tune lai, la itre hnainine ngöne la hneijine së. Matre tuneka la aqane troa ixatua?
5 Xome Jë La Hnëqa: Loi e tro la nöjei ka nyihluei Iehova a trotrohnine hnyawa laka hnëqa i angatr, ene la troa eatrongëne la itre hna inine kowe la organizasio i Iehova. (1 Tim. 4:16) Loi e troa goeëne la itre etidi hna kuca, kösë jëne troa kökötre trootro kowe lo drai ka lolo, ene lo ijine kola troa bapataisone hnei timi la hnainin, nyine nyihatrene la aja i angeice troa nyihlue i Iehova. Hetrenyi la ketre hnyinge nyine tro angeice a mekune hnyawa ngöne la ijine angeice a xome la bapataiso, kola hape: “Hapeu, trotrohnine kö epuni laka, ame la epuni a sa xepu me bapataiso, ke, epuni hi lai a amamane ka hape, ketre Temoë i Iehova fe hë epun, nge epuni hë a hane caas memine la organizasio hna eatrongëne hnene la uati Hmitrötre i Akötresie?” Qa ngöne lai, nyipi ewekë tro angeice a atre hnyawa laka, thatreine kö angeice troa nyihlue i Akötresie, e thaa caasi kö angeice memine la ekalesia i keresiano.—Mat. 24:45-47; Ioane 6:68; 2 Kor. 5:20.
6 Catre jë troa inine la atr ka etid, la pengöne la ekalesia ngöne la nöj, memine la organizasio hna lapa e hnin hnene la itre Temoë i Iehova ngöne la fene hnengödrai. Qeje pengöne ju ngöne la kola kuca la itre etid, maine troa nyiqaane lai ngöne la kola xötrei etid, ene la pengöi ekalesia. Ame ngöne lo ijine kola xötrei xejë la etid, hane ju fe hëne la hnainine kowe la itre hna icasikeu, nge the mano kö troa amexeje lapaane lai.—Hna Ama. 22:17.
7 Xome Jë La Itre Jiane Huliwa Hna Hnëkën: Hetrenyi la itre jëne ka sisitria tro së a nyiqaane inine la Tusi Hmitrötre memine la itre atr, ene lo boroshüre hna hape, Nemene La Hnei Akötresieti Hna Thele The Së? me itus La connaissance qui mène à la vie éternelle. Lue eje asë hi a amamane la enyipiewekëne la troa caas memine la ekalesia. Hna nyipune la ini 5 ne la boroshüre Thele ka hape: “Nyipi ewekë troa atre Iehova, me drenge thenge la itre hnei Nyidrëti hna amekötin. Troa xatua epuni troa trongëne lai, e hnei epuni fe hna hane sine la itre icasikeu ngöne la Uma ne Baselaia ne la itre Temoë i Iehova.” Ketre, kola anyimua hamë ixatua hnene la itus Connaissance, kowe la itre hnainine matre troa hane tro kowe la itre hna icasikeu. Kola qaja atrune la ihë celë ngöne la mekene 5, paragarafe 22, ka hape: “Itretre anyipici Iehova a . . . hane iele epuni troa ceme angatr, matre troa hmi koi Akötresie ‘ngöne la [ua, NW] me nyipici.’ (Ioane 4:24)” Kola qaja fe ngöne mekene 12, paragarafe 16, ka hape: “Maine tro epuni a catre inine pala hi la Tusi Hmitrötr, me trongëne eje ngöne la mele i epun, haawe, tro ha catrecatre la lapaune i epun.” Ame ngöne mekene 16, paragarafe 20, kola qaja ka hape: “Loi e tro fe epuni a hane sine la itre icasikeu ne la itre Temoë i Iehova.” Hna hape fe: “Celë hi ka troa xatua epuni lai troa trotrohnine la atrehmekune qa thei Akötresie me trongëne eje ngöne la mele i epun, nge jëne tro epuni lai a hane kapa la manathith. Maine sine fe epuni la fami ka iacasinekeune la itre trejine ngöne la fene hnengödrai asë, ke tro lai a thuejë i epuni troa hane lapa easenyi Iehova.” Kola ithahnatane ngöne la mekene 17, la aqane tro la ketre atr a öhne la nyipi hnapo, e hnine la nöje i Akötresie. Ngöne la easë a etidi memine la itre atr, qa së troa qeje pengöne la itre mekune celë.
8 Ketre jiane huliwa ka lolo catre la boroshüre Les Témoins de Jéhovah — Unis pour faire la volonté de Dieu sur toute la terre, pine laka, hna kuca eje nyine troa thuemacane la nöjei atr la pengöne la organizasio i Iehova enehila e celë fen, nge Nyidrë a nyijëne eje matre troa kuca la aja i Nyidrë. Ketre, pine laka, kola qejepengöne hnyawa hnine la boroshüre cili la huliwa ne cainöje së, me itre icasikeu, me organizasio, haawe, tro ha xatuane la itre ka e eje troa hane ce tro me easë troa hmi koi Akötresie. E cile huti hnyawa ha la etid, hna amekötine koi së troa hamëne kowe la hnainine la caa boroshüre ka tune matre tro angeice a ketre e. Thaa nyipi ewekë kö troa ce wange me angeic, tune lo aqane kuca së hnapan.
9 Lolo catre la itre xaa video hna kuca hnei Sasaiatri, pine laka, itre jiane isi ka troa eatrongëne la itre hnainine kowe la organizasio hne së hna lapa e hnin. Ka loi e tro angatre a hane goeëne itre ej: (1) La société du Monde Nouveau en action, ketre film ne 1954 hna kuca hmaca; eje a amamane hnyawa la tingetinge me eloine la aqane wai huliwa pine laka caasi hi la mekune hna thele troa traqa kow hnene la organizasio i Iehova; (2) Unis grâce à l’enseignement divin, ka amamane la caasi me tingetinge ngöne la itre kovasio ne la nöjei nöj, hna kuca ngöne la götrane ahië ne Erop, me götrane ailojë ne Amerika, me Afirik, me Azi; (3) La fermeté des Témoins de Jéhovah face à la persécution nazie, kola qaja la mele ne la itre Temoë, laka, hnei angatre hna catre me hune qëmekene la itre iakötrë i Hitler; (4) Jusqu’aux extrémités de la terre, nyine amekunëne la hna 50 ne macatre, qaane lo kola acile la Uma ne Ini Tusi Hmitrötre i Watchtower e Gileada, nge kola amamane la thangane la hna cainöje hnene la itre mesinare ngöne la fene hnengödrai asë; nge hne së hna kapa fe lo, (5) Les Témoins de Jéhovah : Un nom, une organisation.
10 Thele Ewekë Jë Thatraqane La Itre Icasikeu: Loi e troa qejepengöne hnyawa kowe la itre hna inine laka, thaa jëne hmekuje kö la etidi angeic, la troa kapa la itre ixatua, ngo jëne fe la la itre icasikeu ne la ekalesia. (Ioane 6:45) Nyipi ewekë tro la hnainine a kökötre ngöne la aqane trotrohnine angeice la itre xötre qa hnine la Tusi Hmitrötr, me ngöne la organizasio. Nge maine angeice a ajane troa traqa kowe lai, haawe, thaa tro kö a wange sixane la enyipiewekëne la itre icasikeu. (Heb. 10:23-25) Loi e troa canga hëne pala hi la atr troa hane sine la itre icasikeu ne la ekalesia. Nyimutre la itre atr ka nyiqaane sine la itre icasikeu, ngo thaa itre ka etidi pala kö. Qa ngöne lai, nyipi ewekë tro së a amamai tulu koi angatr, ene la troa sine pala hi la itre icasikeu.—Luka 6:40; Fil. 3:17.
11 Thuemacanyi angeice jë la pengöne la itre icasikeu, memine la aqane trongene itre ej, matre lapa hnyawa la mekune i angeice ngöne la pane icasikeu hnei angeice hna troa hane sin. Ma loi e troa ce tro memine la hnainine kowe la Uma ne Baselaia, maine kolo petre hi a xötrei hane sine la itre icasikeu, pine laka, nyimutre la itre atr ka nango xou e troa xötrei traqa kowe la ketre götrane e tröne la hnalapa i angatr. Thaa tro kö angeice a xou, e ce epuni me angeice ngöne la kola ibozu memine la itre atrene la ekalesia. Ngo ame la ewekë ka sisitria catr, ke, ene la tro epuni a kapa hnyawa la atr ka traqa ngöne ekalesia, ene la troa kuca matre drenge angeice e kuhu hni angeice laka, lolo la aqane kepe angeic, nge matre hetre madrine i angeice fe.—Mat. 7:12; Fil. 2:1-4.
12 Xatuane jë la hnainine troa canga hane sine la asabele ka ketre pengön, me asabele ne sirkoskripsio, maine kovasio ne distrik. Maine jë, ijiji epuni fe troa hane trothei angeice kowe la hna icasikeu.
13 Loi e Hetrenyi Jë Thei Angeice La Hni Ka Madrin: Kola qaja hnene la itus Organisés pour bien remplir notre ministère, götrane 92, ka hape: “Maine kola mama ngöne la epuni a lapaa porotrike memine la itre atr ka hni ka ajan, laka, atraqatre la ole i epuni kowe la organizasio i Iehova, haawe, tro ha hmaloi koi angatre troa akökötrene la ole i angatr, nge tro fe hë a catre thele troa atre Iehova.” Loi e tro pala hi epuni a qaja aloine la ekalesia i epun, thaa tro pi kö a qaja angazone ej. (Sal. 84:10; 133:1, 3b) Ngöne la epuni a etid, thithi fë ju la ekalesia, memine la enyipiewekëne la tro la hnainine a caasi pala hi memine la itre atrene ej.—Efe. 1:15-17.
14 Eje hi laka, ame la aja së ke, ene la tro la itre ka xötrei etidi a hetrenyi ngöne la hni angatre la madrine troa ce mele memine la nöje i Akötresie, me goeëne eje kösë ketre hnapo ngöne la ua. (1 Tim. 3:15; 1 Pet. 2:17; 5:9) Qa ngöne lai, loi e tro së itre Temoë i Iehova a kuca asë la hne së hna atreine troa eatrongëne la itre ka inine la Wesiula i Akötresie kowe la organizasio hne së hna lapa e hnin.
[Iatr ne la götran 3]
Kola canga kökötre ngöne la ua la itre hnainin, ngöne la angatre a ketre sipu öhne la pengöne la organizasio
[Iatr ne la götran 4]
The hmitre kö troa hëne la itre hna inine troa hane sine la itre icasikeu