“Mele La Wesi Ula i Akötesie, Me Men”
1 Hna cinyihane hnei Paulo aposetolo ka hape, “Mele la wesi ula i Akötesie, me men.” (Heb. 4:12) Nemene la aliene la trenge ewekë celë? Atreine hetre thangane kowe la mele ne la itre atr, la Wesi Ula i Akötesie, maine maca pena hna qatrenge e hnine la Tusi Hmitrötr. Atraqatre la mene ne la inamacane ka eje e hnine la Tusi Hmitrötr, ke, atreine eje troa saze me alolone la mele ne la itre atr. Kola ea la itre atr kowe la Atre Hamë Mel, ene Iehova, Akötresie qa ngöne la ithuecatre me mejiune hna hamëne hnene ej. Hnene la ithuemacanyine eje hna aijijëne la itre atr ka hni ka meköt, troa xome la gojenyi ne tro kowe la mele ka pë pun. Ngo ame pe, maine easë a ajane troa öhne la itre thangane celë, ke, nyipi ewekë tro sa huliwaane la Tusi Hmitrötre ngöne la easë a cainöje koi itre xan.
2 E jë La Caa Mekene Tusi Ngöne La Nöjei Ijine Ka Ijij: Kola mama laka nyimutre la itretre cainöje ka thaa majemine kö huliwane la Tusi Hmitrötr, ngöne la angatre a cainöje trootro ngöne la itre hnalapa. Hapeu, hnei nyipunieti kö hna majemine tune lai? Pine laka pëkö traeme ne la itre atr ka nyimutre troa porotrike aqeany, haawe, maine jë, hnei nyipunie hna majemine amë ju hi la itre itusi, maine qaja pena hi la aliene la caa mekene tus. Eahuni a thuecatre kowe la nöjei ka cainöje troa catre e la caa mekene tusi ngöne la angatre a tro fë la maca ka loi, jëne tro lai a xatuane la atr troa goeëne laka, ame la ithuemacanyi hne së hna traqa fë, ke, eje e hnine la Wesi Ula i Akötresie.
3 Ngacama xalaithe hi la itre atr ka majemine e la Tusi Hmitrötr, ngo ame pe, ke, hna metrötrëne eje pala hi hnene la ka alanyim. Ame fe la itre atr ka tru jolen, ke, tro angatre a xome la itre menetre ka xalaithe matre troa drenge la ithuemacanyi hna e mekötine qa hnine la Wesi Ula i Akötresie. Maine hne së hna e la caa mekene tusi ka ijije cememine la keukawa, me nango qeje pengöne ej, ke, atreine troa ketr la hni ne la atr ka drei së, hnene la mene ne Wesi Ula i Iehova. Ngo, tune kaa la aqane tro sa kuca matre troa caasi la aqane nyiqaane ithahnata së, memine la mekene tusi hne së hna troa e?
4 Tupathe Jë La Aqane Kuca Celë Ngöne La Huliwa Ne Tro Fë Zonal: Hetre thangane catre la aqane huliwaane la itre mekene tusi hnene la ketre atre thupe ka wange trongëne la itre ekalesia, ngöne la kola tro fë trongëne la itre zonal. Angeice a aline la sine Tusi Hmitrötre ngöne la poosi ne la trauzizi angeic. Thupene la hna tro fë la itre zonal, me nango amamane la ketre hna cinyihan, angeice a canga fe jë la Tusi Hmitrötr, me e la ketre mekene tusi ka ihmeku memine la mekune ne lo lai ketre hna cinyihan. Ijije tro sa hnyinge ka hape, “Hapeue la mekune i nyipunie göne la hna thingehnaeane celë ka hamë ithuecatr?” nge thupene lai, e jë la ketre xötre hna iëne qa hnine la Tusi Hmitrötr.
5 Loi e tro sa catre troa eatrëne la mekune celë, ene la troa amamane kowe la nöjei atr ka drei së, la caa xötre maine luetre qa hnine la Tusi Hmitrötr. Atreine tro la mene ka catre qa ngöne ej, a fe gojenyine la itre atr ka nyimutre matre troa easenyi Akötresie.—Ioane 6:44.