Troa Qeje Nemen Gön La Itre Zonal

La Tour de Garde 15 Dis.

“Ketre hneijine la ngöne la macatre, ala nyimu la itre atr ka meku Iesu Keriso, ngacama ame itre xan, tre, thaa ka lapaune kö angatr koi nyidrë. Ame itre xan, tre, angatr a qaja ka hape, thaa ka mele kö nyidrëti ekö. Nemen la mekune i epun? [Thupen la hna sa, e jë la Mataio 16:15, 16.] Eni a mejiun laka, tro epuni a madrin troa e la hna cinyihane celë ngöne la ‘Nyipi Pengö i Iesu’ matre troa öhn la enyipi ewekën la mele i nyidrë koi epun enehila, me kowe mina fe la mele i epun ngöne la itre drai elany.”

Réveillez-vous! 22 Dis.

“Hapeu nyipunieti kö a hane kapa la mekun celë, laka, troa mele xetietë hne së e lolo nge pëkö ethan la xen hne së hna xom? [Nue pi troa sa.] Hanawang la hnei Akötresie hna thingehnaean kowe la nöje i Nyidrë, ngöne lo itre hneijine i Tusi Hmitrötr. [E jë la Levitiko 26:4, 5.] Kola ithanatan hnene la Réveillez-vous ! la aqane xou së enehila gön la pengön la xen. Kola hamën hnene la zonal, la itre mekun ngöne la ijin tro Akötresie a hamën la mele xetietë e cailo fene hnengödrai asë.”

La Tour de Garde 1 Jan.

“Hane kö epuni thel la kepin matre hetreny la itre atr ka mele hnyawa, nge itre xan pe kö a huliwa mec matre troa thele thupene xen? Hetre ewekë hnei Tusi Hmitrötr hna qaja göne la ewekë cili. [E jë la Iobu 34:19.] Hna qejepengöne hnine la zonale celë la aqane tro Akötresieti a apaatrene la mekun troa pi draië hnei ketre atr hui ketre.”

Réveillez-vous! 8 Jan.

“Atre asë hi së lo ewekë ka axouen la fen hnengodrai asë. Qaan la kola traqa lo lai ewekë cili, kola aja keukawa me ixatua hnene la itre atr ngöne la fene hnengödrai asë. Kola qeje pengön hnene la hna cinyihane celë, la hna kuca hnene la Itretre Anyipici Iehova, matre troa xatuan la itre ka mele pe, me itre ka huliwa ngöne la itre götran hna ketr hnene la ngazo, memine fe la itre ka trene sinee ka mec.”