Troa Qeje Nemen Gön La Itre Zonal
La Tour de Garde 1 Eip.
“Hanawange cahu ketre pui ne xeni hna majemine hën ka hape Xeni Hej Tixenuë. [Amamane jë la lue götran, ene la qaan me pune la zonal.] Atre fe hi nyipunie laka celë hmekuje hi la ijine lai hna amekötin kowe la itre Keresiano troa amekunën? [Nue pi troa sa. Thupene lai e jë la Luka 22:19.] Kola qejepengön hnene la zonale celë la kepin matre nyipiewekë catr troa atrun la ijine cili, memine fe la aqane troa ketr la itre hni së.”
Réveillez-vous! 8 Eip.
“Hapeu, nyipici kö laka hleuhleu tro sa goeën la itre thöthi enehila ka alanyim hna lepe hnene la xomi dorog? [Nue pi troa sa.] Ame ngöne la itre xaa ijin kola fetra la itre jol qa ngöne la hna ce elo memine la itre atr ka thiina ka ngazo. [E jë la 1 Korinito 15:33.] Kola ithanatan hnene la zonal Réveillez-vous ! la ewekë ka ajojezin la thiina ne la itre thöth matre angatr a nyiqaan troa xomi dorog, nge kola qaja fe la nyine troa kuca hnene la itre keme me thin matre troa thupën la itre nekö i angatr.”
La Tour de Garde 15 Eip.
“Nyimutre la itre atr ka wangatrehmekun laka ngöne la itre macatre ka ase hë kolo pala hi a jole trootro la aqane waiewekë ne la itre atr ngöne la götrane la ua. Hane kö epuni öhne lai? [Nue pi troa sa. Thupene lai e jë la Salamo 119:105.] Atreine hi tro la itre ewekë ngöne la ua a xatuan la itre atr troa thipetrij la itre hnö ka nyimutre ngöne la mele i angatr. Kola köjan hnene la zonale celë la hnë tro sa xom la itre ewekë cili ngöne la ua nyine thatraqane la mele së.”
Réveillez-vous! 22 Eip.
“Ame enehila ngöne la fene celë nyimenyime catr la aqane trongene la itre ewekë, matre nyimutre la itre atr ka öhne laka kola canga tru nyimenyime fe la itre nekönatr. Tune kaa fe la mekune i epun ngöne la ewekë cilli? [Nue pi troa sa. Thupene lai e jë la Ate Cainöj 3:1, 4.] Thatreine kö troa thue hnene la itre nekönatr la itre ehnef thatraqane la itre ka tru. Kola ithanatan hnene la zonal Réveillez-vous ! la aqane tro la itre keme me thin a thupëne hnyawa la itre nekö i angatr matre tro nyudren a tru hnyawa.”