Troa Qeje Nemen Gön La Itre Zonal
La Tour de Garde 15 Eip.
“Kola mekune hnene la itre xaa atr ka hape, ame la itre hulö ka traqa kowe la mele së, tre Akötresieti la ka axulune itre ej. Hapeu, ase hë hane traqa koi nyipunieti la mekune cili? [Nue pi troa sa.] Nyimutre la itre atr ka atre la thithi celë. [E jë la Mataio 6:10b.] Nemene la aja i Akötresieti kowe la fen, nge eue la kola troa eatre hnyawa la aja i Nyidrë? Kola hamën hnene la zonale celë la mekuna i Tusi Hmitrötr.”
Réveillez-vous! 22 Eip.
“Ame ngöne la fene enehila, hetrenyi la itre xaa atr ka pëkö mejiun. Hapeu hna hane traqa kö la mekune cili koi nyipunie ngöne la itre xaa ijin? [Nue pi troa sa. Thupene lai, e jë la Roma 15:4.] Kola atrehmekune hnene la itre atr la enyipiewekëne la troa hetrenyi la mejiun. Troa eje thei nyipunieti la madrin troa pane goeën la sevene lao kepin qa hnine la Tusi Hmitrötr ka hamë mejiun, a hna amamane hnene la zonale celë, Réveillez-vous !”
La Tour de Garde 1 Mei
“Kola lö hnine la kuci politik enehila hnene la itre hene hmi, ke angatr a ajan troa tro loi la mele ne la itre atr. Ngo hanawange la hna kuca hnei Iesu ngöne lo kola thele hnene la itre atr troa acili nyidrëti troa joxu. [E jë la Ioane 6:15.] Hnei Iesu hna wangatrune la ketre ewekë ka troa hamëne la loi ka troa cile huti kowe la itre xaa atr. Kola ithanatane lai hnene la zonale celë.”
Réveillez-vous! 8 Mei
“Nyimutre la itre atr ka cile kowe la itre itupathi ngöne la hna huliwa. Ame itre xan tre, hna qanangazo angatr hnene la itre sine huliwa i angatr. Atre fe hi nyipunieti laka, hetrenyi e hnine la Tusi Hmitrötr la itre eamo ka troa xatua nyipunie troa cile kowe la itre itupathi cili? [Nue pi troa sa. Thupene lai, e jë la Ite Edomë 15:1.] Kola hamëne hnene la zonale celë la itre mekune nyine ixatua ngöne la aqane troa ce mele tingeting memine la itre xaa atr ngöne la hna huliwa.”