Xupi Uma Ne Baselaia e Cailo Fen Ngöne La Itre Xaa Nöj Ne La Götrane Ahië Ne Erop
1 Ame petre kö ngöne lo itre macatre ka ase hë, hna wathebon la huliwa ne la Itretre Anyipici Iehova ngöne la itre xaa nöje ka tru ne Erop, a kola e fe la itre nöj ne la götrane ahië. Catrehnine catr la icilekeu ngöne la itre nöje cili. Jole catr troa ami trepen la itre icasikeu, nge ketre thatreine kö troa hnen la itre icasikeu hnine la itre Uma Ne Baselaia. Ngo ame hë lo itre macatre hnapan, “Ase hë Iehova kuca atrune koi shë; eësha madrin.”—Sal. 126:3.
2 Ame hë lo kola xejë la macatre 1983, kolo ha nango co kötre trootro la aqane thahluën la Itretre Anyipici Iehova. Ame ngöne lo 1989, hna kapa hnei mus la hmi Itretre Anyipici Iehova e Pologne me Hongrie. Ame lo 1991, Hna kapa la hmi angatr e Rusi. Qaane ju hi lai, kola kökötre lolo la huliwa ne cainöj e Rusi, me ngöne fe lo itre nöje ne lo Rusi hnapan. Ame lo treu Maac 1996 koi Okotropa 1998, hnei Collège central hna kapa la sipo manie ne la itre filial ne la 11 lao nöj ne Erop, matre troa xup la 359 lao Uma Ne Baselaia.
3 Ame la easë a goeëne hnyawa la itre iatr hnine la sinecetron la Huliwa Ne Baselaia celë, mekune hnyawa ju së la etrun me elolon la itre ewekë hnei Iehova hna kuca thatraqane la nöje i Nyidrë. (Sal. 136:4) Troa atraqatr la madrine së laka hna huliwane hnyawa lo itre ahnahna hna hamën thatraqane la huliwa e cailo fen, nyine troa amamane lo hna qaja hnei Iesu, a hna cinyihan ngöne Ioane 13:35: “Celë hi mate tro nöjei ate asëjëihë a wangate hmekune laka itete dei ni nyipunie, e tro nyipunie a ihnimikeu.”
4 Ame ngöne la itre nöje ka tru e Erop ka kepe ixatua göi troa xupi Uma Ne Baselaia, ngo thaa tru kö la manie, tre, Roumanie, matre 36 hë lao Uma Ne Baselaia hna xupe qaane lo Julai 2000. Caasi hi la pengöne Uma Ne Baselaia hna kuca e Ukren, matre 61 lao hnei angatre hna xupe lo macatre 2001 nge kola ajan troa nyixan hnene la 65 lao uma e 2002. Qa ngöne laka hetre ixatua göi manie hna kuiën hnine la Kees Göi Xupi Uma Ne Baselaia, haawe, itre hadredre lao Uma Ne Baselaia hna xup e Bulgari, me Koroasi, me Makedonia, me Moldavie, me Rusi, me Serbi me Motenegro.
5 Thaa ewekë ka hmaloi kö troa xupi uma ngöne la itre xaa nöje ka tru, ke, tru catre la itre nyine troa kuca qëmekene troa nyiqaane acile la itre iuma enehila. Ame ngöne la itre xaa ijin, tre, hmitr ke kola pane hnëkë qëmekene troa acile la uma. Ketre tru catr kö la thupen la itre Uma Ne Baselaia ne la götrane cili ne Erop, hune la itre uma ngöne la itre götrane e Afirik maine götrane ahuë ne Amerika. Ngo pine laka kola elë catr la etrun la itre hlue i Iehova ngöne la itre nöje ka tru ne Erop, nge co hi la itre jiane huliwa e cili, haawe, kola ajane mina fe troa acile la itre Uma Ne Baselaia, itre hadredre la etrun!
6 Drei la madrine së troa goeën la aqane kökötre nyimenyim la xupi Uma Ne Baselaia ngöne la itre nöje cili! Lolo catr la thangan la xupi uma kowe la itre atr ka lapa ngöne lai nöje hna xupi uma ngön, tune la aqane anyipicin hnene la itre atr. Ame ngöne la itre xaa götran, hna hain hnei mus la aqane ce huliwa ne la itre trejin ngöne la kola xupe la itre uma, pëkö isazikeu.
7 Hnei Isaia hna perofetane hnyawa la aqane troa kökötre la nyipi hmi ngöne la itre hnedrai së enehila. Hna ahnithe jëne la perofeta i Akötresie ka hape: “Tro ni Iehova a asaqen’ eje ngöne la ijin’ ej.” (Is. 60:22) Eje hi laka, ame ngöne lo trene lao macatre ka ase hë, tre kola mama hnyawa laka hnei Iehova hna akökötren la ijine i Nyidrë ngöne la itre nöje ahië ne Erop. Epi tro Iehova a amanathithine pala hi la trenge catr hne së hna kuca troa acile nyimenyimën la itre Uma Ne Baselaia, jëne la ixatua së kowe lo Keesi Göi Xupi Uma Ne Baselaia ngöne la itre nöje ka nyimutre! Ene pe nyimutre catr la itre Uma Ne Baselaia hna troa xupe ngöne la itre nöje ka cile kowe la itre jole göi manie. Kolo hi lai a akökötrene fe la hmi ka wië ngöne la itre götran e Erop, nge kola anyipicine hnyawa fe “uti hë la cane la fene hnengödrai.”—Ite Huliwa 13:47.
[Iatr ne la götran 3]
Itre Uma Ne Baselaia Hna Iacaasin Mosku, Rusi
[Iatr ne la götran 4]
Strumica, Makedonia
[Iatr ne la götran 4]
Daruvar, Koroasi
[Iatr ne la götran 4]
Sokal, Distrik Ne Lviv, Ukren
[Iatr ne la götran 4]
Bitola, Makedonia
[Iatr ne la götran 4]
Itre Uma Ne Baselaia Ka Hnyipixe Ne
[Iatr ne la götran 5]
Götrane Ahië Ne Erop
[Iatr ne la götran 5]
Mladost, Bulgari
[Iatr ne la götran 5]
Plovdiv, Bulgari
[Iatr ne la götran 5]
Krasnooktyabrskiy, Mikop, Rusi
[Iatr ne la götran 5]
Bački Petrovac, Serbi Me Motenegro
[Iatr ne la götran 6]
Tlumach, Distrik Ne Ivano-Frankivsk, Ukren
[Iatr ne la götran 6]
Rava-Ruska, Distrik Ne Lviv, Ukren
[Iatr ne la götran 6]
Stara Pazova, Serbi Me Motenegro
[Iatr ne la götran 6]
Zenika, Bosini Me Herezegovin
[Iatr ne la götran 6]
Sokal, Distrik Ne Lviv, Ukren
[Iatr ne la götran 6]
Zhydachiv, Distrik Ne Lviv, Ukren