Troa Qeje Nemen Gön La Itre Zonal

La Tour de Garde 15 Feb.

“Nyimutre la itre atr ka hnehengazon la itre ewekë ka ngazo hna kuca ngöne la ëje ne la hmi. Ame itre xan, tre angatr a mekune ka hape hmi la atrekë zön la itre jol ka traqa kowe la atr. Hnei nyipunieti kö hna hane isa hnyingëne tune lai? [Nue pi troa sa. Thupene lai e jë la Hna Amamane 18:24.] Kola ithanatan hnene la zonale celë la hna qaja hnei Tusi Hmitrötr göne la mekune cili.”

Réveillez-vous! 22 Feb.

“Nyimutre la itre atr ka madrine troa inine la pengöne la itre öni, nge itre xan a ajan troa xome itre ej matre nyine si i angatr. [Nue pi troa qeje mekun.] Kola ithanatan hnene la zonale celë la itre xaa jol göi troa nyi si së la itre öni. Eje mina fe a qejepengöne la hna thingehnaean hnei Akötresie göi ijine tro la nöjei öni asë a ce mele tingeting, angatr itre öni, nge easë me angatr.” E jë la Isaia 11:6-9.

La Tour de Garde 1 Maac

“Ame ngöne la ketre ijin, hna hnyingë Iesu Keriso ka hape: ‘Nemene la pane wathebo ngöne la nöjei wathebo asë?’ Hanawang la aqane sa i nyidrë. [E jë la Mareko 12:29, 30.] Hnei nyipunieti kö hna hane thele la aliene la mekuna i Iesu? [Nue pi troa sa.] Kola amamane la aliene lai itre trenge ewekë ka hlemu celë hnene la hna cinyihan, hna hape, ‘Tune Kaa La Aqane Tro Sa Amamane La Ihnimi Së Koi Akötresie.’ ”

Réveillez-vous! 8 Maac

“Enehila kola xouen hnene la itre atr e traqa pi la ketre isi nge ihnakeune jë la itre boob atomik. Hapeue la mekune i epun, tro kö a hane ketri së hnene lai isi ka tune lai? [Nue pi troa sa.] Kola ithanatane hnene la zonale celë la itre ewekë hna kuca enehila, laka loi e tro asë hi së a hane wangatrun. Eje mina fe a qejepengöne la hna thingehnaean hnei Tusi Hmitrötr thatraqane la ketre fen gaa pë hmaca kö xou ngön, tro ha paatre palua la xou cili.” E jë la Zefania 3:13.