Troa Qeje Nemen Gön La Itre Zonal

La Tour de Garde 1 Feb.

“Hapeue la mekuna i epun, tro kö a hetre ethanyine kowe la itre fami e thaa hnei angatre kö hna trongëne la eamo celë? [E jë la Efeso 4:31. Thupene lai, nue pi troa sa.] Kola hamëne hnene la hna cinyihane celë la itre mekune nyine ixatua qa hnine la Tusi Hmitrötr göi troa nyinyine la itre jol, me lapa madrine e hnine la faipoipo.” Amamane jë la hna cinyihane ngöne la götrane 18.

Réveillez-vous! Feb.

“Itre xan a mekune ka hape, Akötresieti a lapa fë la nöjei ngazo hne së hna kuca. Ame itre xan, angatr a mekune ka hape, Nyidrëti a nuetrije la nöjei ngazo asë, ngacama ka sisi ju hë la ngazo hna kuca. Hapeue la mekuna i epun? [Nue pi troa sa. Thupene lai, e jë la Ite Huliwa 3:19.] Kola ithanatane hnene la hna cinyihane celë la hna qaja hnei Tusi Hmitrötr, göne la köni nyine tro sa kuca matre troa utipi së me hnimi së hnei Akötresie.” Amamane jë la hna cinyihane ngöne la götrane 10.

La Tour de Garde 1 Maac

“Eni a pi atre la mekuna i epuni ngöne la xötre celë hne së hna atre hnyawa. [E jë la Ioane 3:16.] Hane kö epuni hnyingëne thele la aqane aijijëne la itre atr troa hetrenyi la mele ka thaa ase palua kö? [Nue pi troa sa.] Ka nualai hnyawa, nge ka lolo la hna qeje pengöne hnene la zonale celë la aqane kepe eloine hne së la meci Iesu.”

Réveillez-vous! Maac

“Hapeue la mekuna i epun, ka loi asë hi la nöjei hmi asë? [Nue pi troa sa.] Hanawange la hna qaja hnei Tusi Hmitrötr ngöne la hmi ne la itre xaa atr. [E jë la Mareko 7:7.] Troa atre tune kaa la ketre atr ka hape trenge nyipici la hna inine hnene la ketre hmi, nge thaa ‘wathebo i atr kö’? Ketre, atreine kö së troa eatrëne la nyipici ngöne la götrane la hmi? Kola sa lai itre hnyinge hnene la zonale celë.”