Troa Qeje Nemen Gön La Itre Zonal

La Tour de Garde 1 Feb.

“Nyimutre la itre atr enehila ka hnehengazo pine laka pëkö huliwa, nge itre xan a cil kowe la itre itupath ka tru ngöne la hnë huliwa. Tune kaa, ijije kö troa hetre madrin me thaa tro kö a luelue göi huliwa? [Nue pi troa sa. Thupene lai e jë la Isaia 65:21-23.] Kola ithanatan hnene la zonale celë La Tour de Garde, la ijine tro la nöjei atr asë a kapa la itre manathith qa ngöne la hnei angatr hna huliwa.”

Réveillez-vous! 8 Feb.

“Kola qaja hnene la Réveillez-vous ! celë la ketre ewekë ka ngazo catr hna kuca ngöne la hneijine së​—kola thele maniën la ngönetrei ne la itre nekönatr. Ketre aqane qanangazon la itre nekönatre lai, ka troa paatr elany tune la aqane thingehnaean hnei Tusi Hmitrötr. [E jë la Ite Edomë 2:21, 22.] Kola amaman hnene la zonale celë la itre ka qanangazon la itre nekönatr, memine fe la aqane troa apaatrene lai.”

La Tour de Garde 15 Feb.

“Kola thel hnene a itre xaa atr maine ka mel Akötresie. Öni itre xan ka hape ka mele Nyidrë, ngo nanyi catre nyidrë koi angatr. Hane kö epuni mekune tune lai? [Nue pi troa sa.] Hanawange la kepin matre nyipi ewekë tro sa isa atre Akötresieti hnyawa. [E jë la Ioane 17:3.] Kola qejepengöne hnyawa lai hnene la itre mekune ka fe qene la zonal celë.”

Réveillez-vous! 22 Feb.

“Hapeue la mekune i epun, aja i Akötresie la troa thëxeni ju pë hë la itre atr, ene mina fe la itre nekönatr? [Nue pi troa sa.] Hanawang la ketre hna thingehnaean hnine la Tusi Hmitrötr, ka troa akeukawanyi së. [E jë la Salamo 72:16.] Kola ithanatan hnene la Réveillez-vous ! celë la qaan la thëxen, nge ame la nyipi ewekë, tre, ene la hna thingehnaean hnei Akötresie laka easenyi hë matre paatre pi la jole cili.”