Troa Qeje Nemen Gön La Itre Zonal

La Tour de Garde 15 Feb.

“Ame ngöne la itre xaa ijin, tre easë a drenge la kola qaja ka hape hna kuca la ketre iamamanyikeu. [Qaja jë la ketre ceitun.] Kola mejiune hnene la itre xaa atr la itre ithuemacanyi cili. Ame itre xan, tre thaa hane fe kö angatr mejiune kowe lai. Kola ithanatan hnene la zonale celë la itre iamamanyikeu hna hamën hnei Tusi Hmitrötr, maine ka nyipici itre ej, nge maine itre ewekë lai ka traqa fe enehila.” E jë la Ieremia 32⁠:⁠21.

Réveillez-vous! 22 Feb.

“Ame ngöne la itre drai ekö, hnei Akötresie hna ahnith kowe la itre nekönatr troa atrun la itre thine i angatr tune mina fe la itre keme i angatr. [E jë la Esodo 20⁠:12.] Tune kaa la mekuna i epun, kolo kö a hane atrune hnyawa la itre thin enehila? [Nue pi troa sa.] Kola ithanatan hnene la zonale celë la itre jol hna cile kow hnene la itre thin ngöne la itre nöj ka nyimutre, memine la aqane qëmeke angatr kowe la itre jole cili.”

La Tour de Garde 1 Maac

“Tune kaa la mekune i epun, tro kö a ketre göhnë ka sisitria la fen, e hnene la nöjei atr hna trongën la eamo celë? [E jë la Roma 12⁠:​17, 18. Thupene lai, nue pi troa sa.] Ame la engazon tre, kola fetra e itre xaa ijin, la itre xaa hnepe jole ngöne la kola ce mel. Kola amamane hnene la zonale celë la aqane troa trongën la eamo qa hnine la Tusi Hmitrötr, ewekë ka troa xatua së troa cile kowe la itre ihmönyinyi me thele troa eköth la tingeting.”

Réveillez-vous! 8 Maac

“Ame ngöne la nöjei macatre, kolo pala hi a kökötr la aja ne la itre atr troa hetre karesin, me sas me itre ewekë ju kö ka tune lai. Hane kö epuni mekun e traqa ju elanyi la ketre ijin nge pë ju hi la itre ewekë cili? [Nue pi troa sa.] Kola ithanatan hnene la zonale celë la itre xaa jëne troa hetrenyi la itre ewekë ka tune lai saas, me karesin ngo ka pë pe ethane kowe la mele së. Eje mina fe a amamane hnyawa la Qaan la nöjei trenge catr asë.” E jë la Isaia 40⁠:26.