Ketre Hna Amekötine Ka Hnyipixe Göi Troa Ce Wange Hmaca La Itre Porogarame Ne Asabele
Kolo pala hi a ngazo catre la fene i Satana, nge ketre Iehova pala hi a thuecatre së “tro sha xelene la thina ka tha ijiji Akötesie me nöjei aja ne la fen, ngo tro sha lapa mekun, me thina meköt, me thina ka ijiji Akötesie ngöne la mele celë.” (Tito 2:12) Ame ngöne la itre hna hnëkëne hnei Nyidrë jëne “la hlue ka nyipici me ka inamacan,” tre, ene la porogarame ne la asabele ne sirkoskripsio e nöjei macatre, memine la porogarame ne la asabele ka ketre pengöne ka caa drain. (Mat. 24:45) Drei lai ithuecatre hne së hna kapa qa ngöne lai itre icasikeu cili ngöne la ua!
Kola troa kuca la ketre hna amekötine ka hnyipixe thatraqane la itre porogarame ne la itre asabele celë ngöne la macatre ne huliwa 2005, nyine troa xatua së troa lapa mekun, me trongëne la itre ini hne së hna kapa qa ngön. Hetrenyi ngöne la götrane 5-6 ne la sinecetrone celë, la itre hna cinyihane ka hamëne la itre ithuemacanyi hna troa cile fë, memine la itre hnyinge nyine troa ce wange thatraqane la nöjei porogarame ne asabele. Tro la itre ekalesia a nango ce wange la itre ithuemacanyi cili qëmekene la itre asabele i angatr me thupene itre ej. Tune kaa la aqane trongene lai?
Maine caas maine lue wiike qëmekene tro la ekalesia a sine la asabele ne sirkoskripsio, tre loi e troa xome la treen lao menetre ne cainöj hna nyitrepene hnene la hna cinyihane hna hape “Porogarame Ka Hnyipixe Göi Asabele Ne Sirkoskripsio,” nge troa cile fë ej ngöne la Icasikeu Ne La Huliwa matre troa nyiqaane lapa fë la itre mekune hna troa wange ngöne la porogaram. Tro la ka cile fë la cainöj a wangatrune la itre hnyinge nyine ce wang, me xatuane la itre atrene asë ne la icasikeu troa xomi not thatraqane la revizio hna troa kuca, a lue wiike thupene la asabele.
Ngöne la itre wiike thupene la asabele, troa xome la 15 lao menetre nyine ce wange la porogarame ne la pane drai ne asabele ngöne la Icasikeu Ne La Huliwa. Nge ame ngöne la wiike thupen, tre troa xome la 15 lao menetre nyine ce wange la porogarame ne la hnaaluene drai. Tro la itre hnyinge nyine ce wange hna hamëne ngöne la sinecetrone celë a nyitrepene lai itre hna troa ce ithanatane cili. Loi e troa qaja atrune la aqane troa trongëne la itre mekune hna troa ce wange hmaca. Tro la itre qatre thup a kuca matre troa ahopatrene la Icasikeu Ne La Huliwa, maine saze hmaca la porogarame ne ej, maine uthe pena la ketre cainöje matre ce wange hmaca la itre mekune ne la asabele.
Tro fe a kuca tune kowe la porogarame ne la asabele ka ketre pengöne ka caa drain, ngo tro pe a acaa kuca hi la 15 lao menetre ne troa ce wange hmaca la porogarame ka pexeje ne la asabele. Easë asë hi a ajane troa thupëne hnyawa la sinecetrone celë, me xome ej matre tro sa kepe thangane hnyawa la ini hna hamën hnei Iehova.—Is. 48:17, 18.