Akeukawanekeune Ipitöne Jë
1 Tru catr la hnei Paulo aposetolo hna kuca matre thuecatrene la itre sine huliwa i nyidrë. (Ite hu. 14:19-22) Ceitune hi memine la kola traqa la itre jol kowe la itre trejin me easë, laka easë a hnehengazo me thele troa xatua angatr. Tusi Hmitrötr a amamane laka, thaa qa i itre qatre thup hmekuje kö troa kukehnine la itre xan. (Rom. 15:1, 2) Drei la lue aqane tro sa drenge hnyawa la eamo ne ihnim: “Eamo jë nyipunie, me akeukawane ipitön.”—1 Thes. 5:11.
2 Atrehmekune Jë La Itre Aja Ne La Itre Xan: Kola qaja hnene la Wesi Ula i Akötresie göi Doreka, ka hape, “tiqa [nyidro] hnene la nöjei huliwa ka loi me ihnim.” (Ite hu. 9:36, 39) Hnei eahlo hna wanga atrehmekune la itre ka aja ixatua, me xatua angatr. Drei la ketre tulu ka loi koi së! Maine jë tro sa atre laka kola aja ixatua hnene la ketre qatr troa tro kowe la hna icasikeu. Maine pena, ketre pionie ka pëkö sinecetro troa cainöj e nöjei hnaipajö ne la wiik. Drei kö la ithuecatr hna troa kapa hnene la ketre atr, hnene laka easë a öhne la hace thei angeic nge easë a canga xatua angeic!
3 Loi e Troa Porotrikë Hmi: Ijije fe tro sa ithuecatren la itre xan hnene la itre hne së hna qaja. (Efe. 4:29) Önine la ketre qatre thup ka maca: “Maine easa ajan troa ithuecatr, ithanatane jë la itre ewekë ngöne la ua. Maine easë a ajan troa ithuecatr, maine jë tro hi a xome la ketre hnying ka thaa jole kö, troa hape, ‘Hnei epuni hna atre tune kaa la nyipici?’ ” Hane jë wanga atrune hnyawa la itre thöth ne la ekalesia. Mekune ju fe lo itre ka nanazij memine lo itre ka nango lapa pe hi. (Ite edomë 12:25) The nue kö tro la itre porotrik ngöne la itre madrine ne la fen a sewe së troa ithanatan la itre ewekë ngöne la ua memine la itre sine hmi së.—Rom. 1:11, 12.
4 Matre nemene hë la aqane tro epuni a ithuecatrene la itre xan? Ame ngöne la epuni a isa e me inin la Tusi Hmitrötr, hane kö epuni öhne la ketre trepene meköti ka akökötren la ihnimi me ole i epuni koi Iehova? Hane kö thuecatre i epuni hnene la ketre ewekë hnei epuni hna dreng ngöne la ketre cainöj maine ngöne la ini ne la zonal La Tour de Garde ? Maine hna ketr pena la hni epun me acatren la lapaune i epun hnene la hna melën hnene la ketre atr? Maine tro sa thupëne hnyawa lai itre trenga mo cili ngöne la ua, tro pala pë hë a hetrenyi the së la ketre ewekë nyine ithuecatre kowe la itre xan.—Ite edomë 2:1; Luka 6:45.
5 Maine tro sa hamën la itre ixatua ka loi me inamacane ngöne la aqane tro sa ithanata, maine jë tro hë së a iakeukawanekeune la lapaune së.—Ite edomë 12:18.