Watchtower ONLINE LIBRARY
Ita Ne Thup
ONLINE LIBRARY
Drehu
  • TUSI HMITRÖTR
  • ITRE ITUS
  • ITRE ICASIKEU
  • km 1/06 götrane 8
  • Itre Thöth Ka Hudrum Tune La Itre Laam

Aucune vidéo disponible pour cette sélection.

Désolé, il y a eu une erreur lors du chargement de la vidéo.

  • Itre Thöth Ka Hudrum Tune La Itre Laam
  • Huliwa Ne Baselaia—2006
  • Ka Ihmeku
  • ‘Hudrume Jë Tune La Itre Lai Ne La Fen’
    Huliwa Ne Baselaia—2003
  • “Ahudrumene Jë La Lai Nyipunie” Matre Atrunyi Iehova
    Ita Ne Thup—2018
  • Loi e Tro Palahi Së a Ahudrumene La Lai Së
    Huliwa Ne Baselaia—1995
  • “Ahudumenejë La Lai Nyipunie”
    Huliwa Ne Baselaia—2001
Itre Xaa Nyine Wang
Huliwa Ne Baselaia—2006
km 1/06 götrane 8

Itre Thöth Ka Hudrum Tune La Itre Laam

1. Tune kaa la aqane amamane hnei Tusi Hmitrötr laka isapengöne kö la itre Keresiano, nge nemene la aqane eatr la itre trenge ewekë thene la itre thöth Keresiano enehila?

1 Öni Iesu kowe la itretre drei nyidrë: “Nyipunieti la lai ne la fen.” (Mat. 5:​14, 16) Ame la traon hna acil e hune la hene ne la ketre wetr, tre, e jö hë, ene pe ej a hudrum; ceitune hi lai, memine la itretre dreng. Ame enehila, nyimutre la itre thöth Keresiano ka ‘hudrume tune la itre lai ne la fen’ jëne la thiina ka loi i angatr memine la aqane catre cainöje i angatr.​—Fil. 2:​15; Mal. 3:​18.

2. Nemene la itre xaa aqane tro epuni a anyipicine kowe la itre ka hamë ini me itre sine ce ini epun?

2 Ngöne Hna Ini: Tro epuni a cainöje tune kaa ngöne la hna ini? Ame la itre xaa thöth, tre, hnei angatr hna hane thele troa anyipicine ngöne la kola ithanatane hnene la uma ne ini la itre xaa topik, tune la xomi dorog, me Évolution, me Holocauste, me itre xane ju kö. Hnene la ketre trejine föe hna kuca la ketre qa ngöne la pengöne lo ketre aqane isi hna hape, Terrorisme. Hnei angeic hna jëne lai matre troa hane cainöjën la Baselaia i Akötresie, ceitune me ketre mejiune ka catr kowe la itre atr. Hna haine la qa hnene la föe ka hamë ini, ene pe nue jë i eahlo jë hi troa hane drenge la maca ka loi.

3. Tune kaa la aqane tro epuni a ahudrumene la lai ngöne la hna ini, jëne la aqane ujë i epun?

3 Ame la ketre aqane troa hudrume tune la lai, tre, ene la tro epuni a thiina ka loi me qahmihmi la aqane heetr me isej. (1 Kor. 4⁠:9; 1 Tim. 2⁠:⁠9) Ame la kola öhne hnene la itre hnainin me itre ka hamë ini laka ketrepengöne kö la aqane ujë i epun, maine jë tro itre xan a hane thele la nyipici. Thangane hi la thiina ka loi i epuni lai, nge kola aijijë epuni lai troa hane ce thawa la nyipici qa hnine la Tusi Hmitrötr. (1 Pet. 2:​12; 3:​1, 2) Maine jë thaa ka hmaloi kö troa ujë thenge la aja i Akötresie, ngo tro kö Iehova a amanathithi nyipunie. (1 Pet. 3:​16, 17; 4:​14) Maine epuni a ajan troa ahlën la aja ne la itre atr kowe la maca ka loi, maine jë tro epuni e la itre itus ka qejepengöne la Tusi Hmitrötr ngöne la itre ijine mano, maine troa amë amamane pena ngöne la itre xaa götran.

4. Nemene la itre xaa manathith hna kapa qa ngöne la hna anyipicine ngöne la hna ini?

4 Maine tro epuni a ahudrumene la lai i epun ngöne la hna ini, tro ha acatren la lapaune i epun me xatua epuni troa mama fë laka epuni a nyihlue i Iehova. (Iere. 9:​24) Ketre, nyine tro mina fe lai a thupë epun. Hna qaja hnene la trejine föe, ka hape, “Hetrenyi la ketre manathith hnenge hna kapa qa ngöne la hnenge hna qaja la itre ini qa hnine la Tusi Hmitrötr. Ame la itre ka ce ini me eni, tre, thaa thele hmaca kö angatr troa uku ni troa kuca la itre ewekë ka thaa ihmeku kö memine la hnei Tusi Hmitrötr hna qaja.”

5. (a) Tune kaa la aqane akökötren hnene la itre xaa thöth la huliwa ne cainöje i angatr? (b) Nemene la itre ewekë hnei epuni hna thele troa traqa kow?

5 Hna Akökötren La Huliwa Ne Cainöj: Ame la ketre aqane tro la itre thöth a hudrum tune la lai, tre, ene la troa akökötren la huliwa ne cainöje i angatr. Ame hë la kola afenesine hnene la ketre trejine trahmany la itre ini ka tru, hnei angeic hna tro troa cainöj ngöne la ketre götrane gaa aja ka cainöj. Caasi hi la qatre thup ngöne lai nekö i ekalesia hnei angeic hna tro kow. Hnei angeic hna cinyanyi kowe la ketre sinee me hape: “Madrine catre ni la meleng e celë. Kola akeukawanyi ni hnene la huliwa ne cainöj! Ame ngöne la nöjei hnalapa, tre, 20 menetre ne ithanata pala hi hun, pine laka, kola drei hun hnene la itre atren.” Öni angeice fe: “Ame la mejiuneng, tre, tro la nöjei thöthi asë a kuca tune la, me hane melën la madrine ka eje theng. Pëkö ewekë ka sisitria ka tru hune la troa nyihlue i Iehova cememine la itre ewekë hne së hna hetreny.”

6. Nemene la ka amadrinë epuni thenge la itre thöth ngöne la ekalesia i epun?

6 Eahuni a madrin me atrunyi epuni itre thöth, itre ka hudrum ceitun me itre lai e cailo fen! (1 Thes. 2:​20) Ame la epuni a nyihlue i Iehova cememine la hni ka pexej, me u, me mekun me trenge catr, tro hë epuni a menuën me “kapa enehila ngöne la ijine celë ca hadede . . . nge mele ka tha ase palua kö ngöne la ijine ka tro ha traqa.”​—Mar. 10⁠:​29, 30; 12⁠:⁠30.

    Itre Itus Qene Drehu (1997-2025)
    Tha Connecter
    Connecter
    • Drehu
    • Iupi fë
    • Hna ajan
    • Copyright © 2025 Watch Tower Bible and Tract Society of Pennsylvania
    • Itre Hna Amekötin
    • Pengöne La Ka Thele Ithuemacany
    • Hna amekötin
    • JW.ORG
    • Connecter
    Iupi fë