Troa Qeje Nemen Gön La Itre Zonal

La Tour de Garde 15 Mei

“Tune kaa, aja i nyipunieti kö troa hane mele tune la itre aqane mele hna qejepengöne ngöne la xötre celë? [E jë la 2 Peteru 3:​13. Thupene lai nue pi troa sa.] Kola qejepengöne hnene la zonale celë la aliene la hnengödrai ka hnyipixe memine la fen ka hnyipixe. Kolo fe a qejepengöne la aqane isapengönene la mel elanyi ngöne la Akötresieti a troa eatrëne la aja i Nyidrëti kowe la ihnadro.”

Réveillez-vous! Mei

“Kola mekune hnene la itre xaa atr ka hape maine easa ajan troa mele ka loi ngöne la fene enehila, tre, loi e troa pi isi. Ngo pane goeëne jë pe së la hna qaja hnei Iesu. [E jë la Mataio 5:​5, 9.] Hapeu, epuni kö a hane kapa la mekune celë? [Nue pi troa sa.] Kola qaja atrune hnene la zonale celë la köni manathith qa ngöne la hna thele troa tingeting.” Fe jë la hna cinyihane ngöne la götrane 28.

La Tour de Garde 1 Juun

“Ame ngöne la itre xaa qene nöj, tre, hetre ijine ekö kola metrötrëne la itre qatr me qatre föe, tune la aqane ithuecatre ngöne la wathebo hnapane celë. [E jë la Levitiko 19⁠:32.] Tune kaa, hetrenyi petre kö enehila la aqane metrötre cili? [Nue pi troa sa.] Kola amamane hnene la zonale celë la aqane thupëne Akötresie la itre qatr me qatre föe memine fe la aqane tro sa hane metrötrë angatr.”

Réveillez-vous! Juun

“Thaa ka hnyipixe kö la pengöne isi hna hape Terrorisme, ngo ame enehila, tre, ej a kökötre nyimenyim e cailo fen, me ketr la mele ne la nöjei atr asë. Tune kaa la mekune i epun? [Nue pi troa sa.] Kola amamane hnene la Réveillez-vous ! celë la hnei Tusi Hmitrötr hna qaja göne la aqane troa paatre elanyi la terrorisme, memine la aqane tro Akötresieti a axulune la nyipi tingeting e celë fen.” E jë la Mika 4⁠:⁠4.