Réveillez-vous ! Ketre Zonal Ka Ketre Pengön Hna Troa Tro Fë e Semitrepa
1 Ala nyimu së itre ka hain, me madrine la kola ho la itre waco me palulu la hnengödrai ngöne la kola lö la jö. Ngo nyimutre pe kö la itre ka xele ma kapa laka, hna xupe la itre ewekë cili hnene la Tretretroti e koho hnengödrai ka ihnim. Hetrenyi la ketre pengöne aqane tro sa anyipici Iehova lo Atre Ixup, hnene la troa ce thawa memine la itre atr la ketre Réveillez-vous ! ka ketre pengöne kö. (Is. 40:28; 43:10) Hna hnëkën la zonale celë ne Semitrepa, göne matre troa ithanatane la topik: “Hapeu, Hetre Atre Xupi Së Memine La Nöjei Ewekë Asë?”
2 Ngöne La Teritoare Së: Maine ijij, wange ju matre troa ce cainöje ngöne la itre hnalapa trootro memine la ekalesia e nöjei mecixen. Eje hi lai laka, ijije hi tro sa tro fë la itre xaa zonal ka ketre pengön ngöne la itre xaa ijin ne la wiik. Troa hetre aja thene la itre ka hamë ini, me itre ka huliwa ngöne la itre hnë ini, troa hane kapa la zonale cili. Haawe, wange ju matre troa vizitëne la itre atr cili ngöne la teritoare së.
3 Maine kola drei së hnene la ketre atr, ame la kola nue angeic, amë ju pë hë la ketre hnying nyine troa sa ngöne la iwai hnapin. Drei la ketre ceitun, ijije hi tro sa hnyingë kepine la kola nue hnene la Atre xupi së la itre akötr. Thupene lai, ame ngöne la kola iwai hmaca, atreine hi tro sa xome la itus Ini Tusi Hmitrötr ngöne la mekene 1 maine 11. Maine jë tro pena a amejën la ketre hnying ngöne la aja ne la Atre Ixup kowe la ihnadro, nge thupene lai, wange ju la mekene 3 ngöne la kola bëeke hmaca troa iwai.
4 Kowe La Itre Enehmu Me Itre Sine Ce Ini Epun: Maine jë ka loi e tro epuni a pane hamëne la numero ka ketrepengön ne la zonal Réveillez-vous ! kowe la itre enehmu me itre sine ce ini epun. Maine tro la ka hamë ini koi epuni a sipo epuni troa qaja la kepine matre epuni a mejiune laka hna xupe la itre ewekë, thaa ka traqa xane kö itre ej, haawe, e ase hë epuni qejepengöne lai, hamëne ju la ketre zonal. Ketre tro mina fe a hetre thangane ka loi lai zonale cili, ngöne la epuni a hnëkëne la itre qa i epun, me troa sa la itre hnyinge göne la lapaune i epun. Troa xatua epuni hnene la numero ne zonale celë, pine laka hetrenyi la ketre hna cinyihane hna hape, “Les jeunes s’interrogent...” (Itre thöth a hnying) ; ame la taan, tre, “Tune Kaa La Aqane Tro Ni a Cilëgöline La Lapauneng Ene La Mekune Laka Hna Xupe La Itre Ewekë?”
5 Pine laka Iehova la ka xupe la itre ewekë, Nyidrëti hmekuje hi la hna troa atrun. (Hna ama. 4:11) Ijije hi tro sa atrune la Atre xupi së me xatuane la itre xaa atr troa hane tu së, hnene la hna tro fë cememine la madrin la zonal Réveillez-vous ! ne Semitrepa.