Kola Sa La Itre Hnyinge i Nyipunie

◼ Ame la easa tro fë la itre itusi së, ka loi kö tro sa hane hamëne fe lo hune tusi së nyine troa icinyanyikeu jëne ëternet?

Ame la itre xaa ka cainöj, tre, hnei angatr hna cinyihane me afedrene la aderes ne ëternet i angatr hune la itre zonal maine itre tarak hnei angatr hna tro fë kowe la itre xaa atr. Celë hi matre kola hë angatre hmaca hnene la itre atr ka kapa lai itre itus, matre troa sipo itre xaa ithuemacany. Thaa ka ngazo kö e tro sa catre thele troa xatuane la itre atr ka hetre hni ne ajane kowe la nyipici. Ngo, ame ngöne lo lai götrane pune la itre tarak me itre zonale së, tre, ase fe hë hane sija lo hune tusi Sasaiatri memine lo aderes ne ëternet. Celë hi matre, thaa nyipi ewekë hmaca kö tro sa hamëne maine afedrene pena la sipu aderesi së ne ëternet hune la itre itusi hne së hna cainöje fë.

Maine kola ajane troa hë së göi itre xaa ithuemacany hnene la ketre atr hne së hna iöhnyi memine ngöne la teritoar, memine la itre vizit, hapeu, tro kö sa hamë ithuemacanyi jëne la ketre sine pepa? Isa qanyi së kö. Loi e tro sa isa thele troa wange hmaca lo itre atr ka drei së, ngo thaa tro kö a treqene tro angatr a hë së matre troa sipo itre xaa ithuemacany. Troa canga pi drei së hnene la itre atr ka hni ka ajan, e hne së hna tro troa ithanata me angatr ngöne la itre hnalapa i angatr, troa ithanata iqëmekekeu.