Kola Sipon Matre Troa Canga Hane Wai Angatr
Drei la hna troa canga wang? Kola troa wange lo itre atr ka sipo itus maine ka kapa pala hi lo itre zonale së, maine itre ka ajane pena tro la ketre trejin a iwai ngöne la hnalapa i angatr. Ka qaa kaa la itre sipo cili? Qaathene lo itre atr ka cinyanyi koi sasaiatri jëne tus maine ka hë pena ngöne telefone maine jëne ëternet. Maine kola mama ka hape hetre hni ne ajane i angatr, haawe tro la Bethela a thuemacan la ekalesia jëne la pepa S-70, hna cinyihane ngön la hna hape “ Intérêt à suivre dans une langue étrangère ”. Ame ngöne la kola kapa hnene la itre qatre thup la pepa S-70, loi e tro angatr a canga hamëne ej kowe la ketre trejin ka troa wange lapaan lai atr matre troa akökötren la aja ka eje thei angeic. Maine jole troa öhne lai atr ngöne la hnalapa i angeic, maine jë tro la trejine a hë angeic ngöne telefon maine troa amë acone la ketre sine pepa nyine ithuemacany. Maine kola sipo nyipunie troa hane wange lai itre atr cili, haawe, catre pi nyipunie troa canga thele angatr itre atr ka hetre hni ne ajan.