Canga Wai Angatre Ju

Qaane lo kola saze lo sit Ëternete së, ala nyimu catre la itre atr ka sipo ini Tus jëne lai sit cili. Ketre, ala nyimu fe la itre atr ka sipone troa ini Tus kowe lo itre trejin ka cainöje jëne lo présentoir. Kola tupath hnene la hnalapa ne thewe huliwa troa canga sa kowe la itre ka sipo ini Tus. Maine ca atr ka sipo ini Tus jëne lo sit jw.org, ame ju fe kö lai casi maine lue drai thupen, kolo fe a canga thuemacane la itre qatre thup ka lapa ngöne lai götran hna lapa hnene lai atr. Ngazo pe, hetre ithuemacany ka qaja ka hape, hetre itre atr ka sipo ini Tus, nge pëkö ka traqa troa wai angatr. Nemene la nyine tro sa canga kuca, wanga patre pi thene lai atr la aja troa ini Tus?—Mar. 4:14, 15.

Maine hetre atr ka pi porotrikë Tusi Hmitrötr, ngo nanyi la hnalapa i angeic, canga nyi aliene ju lo sine pepa Veuillez suivre l’intérêt (S-43), nge hamëne pi kowe la seketere ngöne la ijine icasikeu. Ame ju fe kö ngöne lai cas maine lue drai thupen, tro la seketere a hamëne lai pepa kowe la ketre ekalesia, maine thuemacane la hnalapa ne thewe huliwa, jëne lo götrane hna hnëkëne kowe la itre qatre thup ngöne jw.org. Ngo maine pëkö ëternet thei angatr, tro hi a cinyany. Nyipi ewekë tro la itre qatre thup a lapaa goeëne lo sit Ëternet. Maine hetre atr ka pi porotrikë Tusi Hmitrötr hnei angatr hna atre, loi e tro angatr a canga wang. Maine hetre atr hne së hna atre ka hape, troa wange hmaca, celë hi pane hnëqa së hi lai. Maine patre kö la atr ngöne la easa wai angeic, sija ju ngöne ipepa la nyine tro angeic a kuca matre ijij tro epuni a iöhny.