Aqane Troa Huliwane La Sine Pepa, Hna Hape, Veuillez suivre l’intérêt (S-43)

Loi e troa nyialiene la pepa cili ngöne la easa ixelë memine la ketre atr ka thaa mele kö ngöne la teritoare së, maine ka ithanatane pena la ketre qene hlapa kö. Ame ekö, hne së hna xome la sine pepa cili ngöne la easa cainöj, kowe la ketre atr ka ithanatane la ketre qene hlapa kö, ngacama ka ajane angeic maine thaa ka ajane pena; ngo ame hë enehila, tro hmekuje hi sa nyialiene la sine pepa cili ngöne la easa öhne laka ka ajane la atr troa drei së. Ngo tro pe kö a sija lai pepa ngöne la easa cainöj kowe la ketre atr ka simi hnangenyë. Eje hi, maine easa ixelë memine la ketre atr ka simi hnangenyë nge hetre aja i angeice ju hë maine pëkö, ngo loi e tro pala hi sa nyialiene lai sine pepa celë, S-43.

Nemene la hne së hna troa kuca, thupene la hna nyialiene asë la sine pepa cili? Loi e tro sa hamëne ej kowe la seketere ne la ekalesia. Maine atre hi nyidrë la ekalesia nyine troa iupi fë kow la sine pepa cili, haawe, ijije hi tro nyidrëti a hamëne mekötine kowe la itre qatre thup ne la ekalesia, matre tro pë hë angatr a xatuane la atr cili ka hetre hni ne ajan. Ngo maine thatre kö nyidrëti la ekalesia nyine troa iupi fë kow, haawe, loi e tro nyidrëti a iupi fë eje kowe la Filial.

Maine easa cainöje kowe la ketre atr ka ithanatane la ketre qene hlapa kö, nge ka lapa ngöne la teritoare së haawe, loi e tro pala hi sa wai angeic uti hë la kola sisedrëne hnene la ketre atre cainöj ka sine la ekalesia ka ithanatane la qene hlapa ne la atre cili.—Wange ju la Huliwa Ne Baselaia ne Nofeba 2009, götrane 4.