Thaa Tro Kö a Mano Cainöje Koi Angatr
1 Ame ngöne la easë a tro fë la maca ka loi, easë a ithanata memine la itre atr ka mel e tröne la teritoare së, maine ka qaja pena la ketre qene hlapa, memine la troa ithanata memine la itre ka qene hum. Ame la itre xaa hne së hna majemine porotrikë Tusi Hmitrötr memin, tre maine jë angatre hë a mele e tröne la teritoare së. Nemene la nyine tro sa kuca matre troa pexeje la hne së hna cainöje kowe la itre atr cili? Troa xome la pepa hna hape Veuillez suivre l’intérêt (S-43).
2 Ame ngöne la itre xaa ijin, kola drenge hnyawa la maca ka loi hnene la itre atr, ngöne la easë a qaja la maca ngöne la sipu qene hlapa i angatr. (Ite hu. 22:1, 2) Qa ngöne lai, ame ngöne la easë a iöhnyi memine la ketre atr ka qaja la ketre qene hlapa, loi e tro sa nyialien lai pepa ngacama thaa mama kö ka hape hetre ajan la atr troa kapa la maca ne Baselaia. Ngo maine hetrenyi la itre atr ka qaja la ketre qene hlapa, nge hna cainöje pala hi kow ngöne la qene hlapa i angatr, maine jë thaa nyipi ewekë kö troa nyialien la pepa; tro pe a nyialien maine kola mama la aja ka eje thei angatr.
3 Troa Nyialien La Pepa: Loi e troa xome la ëje ne la atr, me hnalapa i angeic, me numero ne telefone i angeic. Qaja ju fe la etrun la aja ka eje thei angeic, eu la ijine troa iwai, itus hna amë pe maine hna sipon, me qene hlapa hna trotrohnine hnyawa hnei angeic. Thupene la hna nyialien lai pepa, canga hamëne ju kowe la seketere ne la ekalesia, nge tro pë hë nyidrë a iupi fë kowe la ekalesia maine gurup ka ijij troa ixatua.
4 Troa Iupi Fë La Pepa: Maine thatre kö la seketere la ekalesia maine gurup ka troa kapa lai pepa, maine pë pena kö hune tusin, haawe, loi e tro nyidrë a telefon kowe la filial ka troa hamë ithuemacanyi ka ijij göi teritoar. Thaa nyipi ewekë kö troa thuemacan la atre thupën la nöj ngöne la kola troa iupi fë la pepa.
5 Ame ngöne la kola kapa hnene la ekalesia maine ketre gurup la pepa hna hape Veuillez suivre l’intérêt, loi e troa canga thel matre troa wange la atr. Ame ngöne la easë a kuca la hnëqa së, easë a mejiune laka tro Iehova a fe la itre hni ne la itre atr “hna hnëkëne kowe la mele ka tha ase palua kö.”—Ite hu. 13:48.