Aqane Troa Maca Ngöne La Hna Cainöj—Troa Cainöj Kowe La Ketre Atr Ka Qaja La Ketre Qene Hlapa

Enyipiewekën: Ka wangatrune Iehova la mele ne la itre atr ngöne la u ngöne la “nöjei nöj.” (Ite hu. 10:34, 35) Celë hi matre Iesu a qaja ka hape, troa cainöjëne la maca ka loi “e cailo fene” me “kowe la nöjei nöj.” (Mat. 24:14) Hnei Zakaria hna perofetane ka hape, troa kapa hnene la itre atr “qa ngöne la ite qene hlapa asë.” (Zaka. 8:23) Tune la hna meköle goeën hnei Ioane aposetolo, ame la itre ka troa mele pe ngöne lo ijine akötr atraqatr, tre, kolo hi a qaja la itre atr “qa ngöne la ite xöte nöj’ asë, me ite tribu, me nöjei ate, me ite qene hlapa.” (Hna ama. 7:9, 13, 14) Matre, ame la easa iöhnyi memine la ketre atr ngöne la teritoare së ka qaja la ketre qene hlapa, loi e tro sa thele troa cainöje koi angeic.