Ketre Huliwa Ne Cainöj Hna Thaa Hane Kö Öhne Ekö!

Kolo ha troa 100 lao macatre enehila, nge kolo pala hi a ce huliwa hnene la Itretre Anyipici Iehova troa cainöjëne e cailo fen la maca ka loi. (1 Kor. 9:23) Ame ngöne la huliwa ne cainöje celë, tre, kola qaja la maca cili ngöne la itre qene hlapa ka nyimutre, itre hadredre la etrun. Easa tro fë eje ngöne la itre nöje ka nyimutre, 230 nge sin la etrun. (Mat. 24:14) Ngo pine nemene matre ka nyipi ewekë catre la huliwa cili? Nge tune kaa la aqane trongene la huliwa cili e cailo fene hnengödrai?

Kola sa hnene la video hna hape, Les Témoins de Jéhovah : organisés pour proclamer la bonne nouvelle, la itre hnyinge celë, me hamëne la itre igötranene ka nyimutre ne la itre huliwa e cailo fen. Ame ngöne la epuni a goeëne la video, wange ju la itre hnyinge celë: (1) Tune kaa la aqane eköthe me elemekene la huliwa së? (2) Nemene la etrune la huliwa hna xome hnene la biero ne Cinyany, me biero ne Ujë Qene Hlapa, me itre ka kuca la Itre Iatr, me itre ka kuca la itre Video, göi troa thawa la maca ka loi? (3) Nemene la hna thele troa traqa kow ngöne la kola akökötrene catrëne la aqane troa fejane la itre itus memine la itre aqane troa iupi fë itre ej? (Ioane 17:3) (4) Ije itusi hna fejane ngöne la caa macatre? (5) Nemene la hna eatrëne hnene la itre itusi ka qeje pengöne la Tusi Hmitrötr? (Heb. 4:12) (6) Nemene la hna kuca matre troa inine la Tusi Hmitrötr kowe la itre atr ka thaa öhne hnyawa hmaca kö koilo, maine itre ka thaa drenge hnyawa pena? (7) Hna nyithupene tune kaa la huliwa së? (8) Tro sa kepe thangane tune kaa qa ngöne la huliwa ne la Biero Ne Ithuemacanyi Göi Pital, me Biero ne la itre Huliwa, me Biero göi itre Kovasio? (9) Pine laka Itretre Anyipici Iehova së, tune kaa la aqane akökötrene hnene la video celë la trotrohnine së memine la hni ne ole së kowe la (a) trenge catr hna kuca hnene la organizasio i Iehova matre troa cainöjëne la maca ka loi? (b) 100 nge sine la etrune la itre fami ne Bethela e cailo fen? (c) ini hna hamëne kowe la itre qatre thup memine la itre mesinare? (d) enyipiewekëne la troa nyiqaane ngöne la nöjei drai troa goeëne la topike ne la drai, me hnëkëne la itre icasikeu ngöne la nöjei wiik? (e) itre manathith hne së hna kapa qa ngöne la hna sine la itre icasikeu i Keresiano? (f) la pengöne elanyi la Paradraiso e celë fen? (Is. 11:9) (g) hne së isa ala caas hna hane sine la huliwa ne menu laka kola kökötre trootro pala hi?—Ioane 4:35.

Nemene la aqane ujë ka loi hnei nyipunieti hna öhne ngöne la kola amamane la video celë kowe la itre sinee i epun, me itre atr hnei epuni hna atre, me itre atr hnei epuni hna wange hmaca, me itre ka inine la Tusi Hmitrötr me epun? Hapeue matre troa canga hane amamane la video celë kowe la itre xaa atr me hane cainöje koi angatr?—Mat. 28:19, 20.