Porogarame Ne Ini Ne Cainöje Qaathei Akötresie Göi Macatre 2001

Itre Hna Amekötin

Hane cahu aqane trongene la Ini Ne Cainöje Qaathei Akötresie Göi Macatre 2001.

ITRE ITUS: Les Saintes Écritures — Traduction du monde nouveau [bi12], La Tour de Garde [w], “Toute Écriture est inspirée de Dieu et utile” (édition 1990) [si], Comment raisonner à partir des Écritures [rs]; itre itusi hi lai ka troa nyi trepene la itre xötreqa.

Troa nyiqaane la icasikeu ngöne la HAWA HNA SA, jëne la nyima me thith. Thaa nyipi ewekë kö troa amexeje la itre hna troa ithahnatane hnine la porogaram. Ame la kola nyitrepene hnene la atre thupëne la ini la nöjei hnëqa hna troa cile fë, angeice a qaja fe la xötreqa hna troa ithahnatan. Sisedrëne jë tune la:

HNËQA NABA 1: 15 menetr. Troa athipe la hnëqa celë kowe la ketre qatre thupe maine ketre drikona. Troa nyi trepene ngöne la zonal, La Tour de Garde maine “Toute Écriture est inspirée de Dieu et utile.” Maine hna xome la itre mekune qa ngöne la zonal, La Tour de Garde, ke, troa cile fë kösë ketre cainöje ka 15 lao menetr, ngo thaa tro kö a nyi hnyinge nyine ce wange ngöne la pun; ngo maine hna nyi trepene la cainöje ngöne la itus “Toute Écriture,” troa kuca eje ngöne la 10 koi 12 lao menetr thatraqane la cainöj, nge 3 koi 5 lao menetre pë hë göi itre hnyinge hna fejane hnine la itus nyine ce wange hmaca la itre nyipi mekun. Ame la nyipi ewekë, ke, thaa ene kö la troa qaja nyimenyimëne ju hi la itre mekune nyine troa ithahnatan, ngo loi e troa amamane hnyawa la thangane ka sisitria hna troa kapa qa ngöne la itre mekune cili, me troa qaja atrune la mekun, jëne ixatua kowe la ekalesia. Tro la itre trejine a hnëkëne la taan hna hamën.

Loi e tro la itre trejine ka troa kuca la itre cainöje cili a metrötrëne la eqeane la traeme hna amekötine thatraqane lai. Atreine hi troa hamëne la itre xaa eamo ka ijij, ngo koi angatre caasi pë hë; nge maine angatre la ka ajan, ke, the cipane kö la itre ixatua.

MEKUNE KA SISITRIA QA NGÖNE LA ITRE MEKENE LA TUSI HMITRÖTRE HNA TROA E: 6 menetr. Troa cile fë hnyawa hnene la ketre qatre thup, maine ketre drikona, nge troa xome la itre mekune ka loi kowe la itre atrene la ekalesia. Thaa nyipi ewekë kö troa nyi tan. Thaa tro kö a goeëne nyimenyimëne ju hi lai götrane hna troa e. Loi pe e troa hamëne la trotrohnine ka ijij, ngöne la itre mekene hna amekötine troa e, ngöne la sine la menetr, maine caa menetre pena. Ame la hna ajane ngöne la cainöje celë, ke, ene la troa xatuane la itre atrene la icasikeu, troa trotrohnine hnyawa la kepine memine la aqane troa kepe thangane hne së la itre mekune hna troa hamën. Thupene la hna kuca la lue pane hnëqa celë, tro la atre thupëne la ini a könëne la itre hnainine troa isa tro kowe la itre hna ini.

HNËQA NABA 2: 5 menetr. Troa e la itre xaa xötre ne la Tusi Hmitrötre hna amekötine kowe la ketre trejin trahmany. Hna amekötine lai ngöne la hna ini ka tru, ngo memine fe lo itre xaa hna ini ju kö. Thaa qea menu kö la nyine troa e, celë hi ka troa aijijëne la hnainin, troa hamëne la itre xaa hnepe mekune ngöne la kola nyiqaan, me ngöne la kola nyipun. Atreine hi tro angeice a qaja la isitoare ka ihmeku memine la hnei angeice hna e, me qeje pengöne la itre hna perofetan, maine itre ini pena, maine troa hamë ini ngöne la itre trepene meköti hna hnëkën. Troa acaa tro e asë la itre xötre hna amekötine kowe la hnëqa cili. Maine thaa ka ce tro kö la itre xötr, loi e tro la hnainine a qaja la xötre hna troa e nyine sisedrëne lai itre xötre ne la tus nyine tro angeice a e.

HNËQA NABA 3: 5 menetr. Hna troa kuca hnene la itre trejine föe. Troa xome la itre mekune qa hnine la itus Comment raisonner à partir des Écritures. Troa kuca hmekuj, kösë lo kola cainöje e nöjei ijin, me kola iwai hmaca, maine kola etid, nge isa qanyi angatre kö wang, maine troa cile fë la xötreqa, maine troa lapa pena. Tro la atre thupëne la ini a wange hnyawa la aqane xatuane la atr hnene la hnainine troa thele mekun, me trotrohnine la itre mekune hna ce ithahnatan, memine fe la aqane troa trongëne la itre xötre ne la Tusi Hmitrötr. Loi e tro la hnainine ka troa kuca la hnëqa celë, a atreine e tus. Qa ne la atre thupëne la ini troa hamë sine ce porotrike ne la hnainin, ngo atreine fe hi tro la ketre atr a hane sine la porotrik. Ketre, loi e troa wangatrune catrëne la aqane troa hamëne la itre mekune jëne la Tusi Hmitrötr, hune la troa thele la jëne cainöj.

HNËQA Naba 4: 5 menetr. Troa nyi trepene la hnëqa celë ngöne la itus Comment raisonner à partir des Écritures. Atreine hi troa kuca la xötreqa Na. 4, hnene la trejine trahmanyi me föe. Maine hnëqa lai hna troa kuca hnene la ketre trejine trahmany, loi e tro angeice a cile fë la cainöj. Maine kola kuca pena la hnëqa celë hnene la ketre sör, loi e tro nyidro a xötrethenge la itre hna amekötine hna hnëkëne thatraqane la xötreqa naba 3.

POROGARAME NE E TUSI HMITRÖTR: Hna xatuane asë hi la itre atrene la ekalesia troa e pala hi la porogarame ne e tusi celë, maine caa götrane ngöne la drai.

ITHUEMACANY: Maine epuni a ajane la itre xaa ithuemacany, me itre xaa ixatua göi, traem, me Revizio, me hnëkë xötreqa, goeëne ju la Huliwa Ne Baselaia ne Okotropa 1996 götrane 3.

POROGARAME

1 Januare E Tusi Hmitrötr: 2 Ite Joxu 13-16

Nyima N. 62

N. 1: Acaa Qeje Menu Nge Kola Fe La Gojenyi Ne Mel (w99 1/1 g. 30-1)

N. 2: 2 Ite Joxu 14:1-14

N. 3: Thi Upune—Pine Nemene Matre Wathebo? (rs g. 39-41 § 3)

N. 4: Aqane Troa Sa Koi Ange Ka Qaja Ka Hape: ‘Ketre Qanyinge Kö Mekune Thatraqane La Ngönetreing’ (rs g. 41 § 4)

8 Januare E Tusi Hmitrötr: 2 Ite Joxu 17-20

Nyima N. 116

N. 1: Ihaji Ka Hmaloi Troa Kapa (w99 15/1 g. 21-4)

N. 2: 2 Ite Joxu 18:1-16

N. 3: Adamu Me Eva—Itre Atrene Ifejicatre? (rs g. 25-6 § 5)

N. 4: Aqane Sa Koi Ange Ka Qaja Ka Hape: ‘Mekuana i Akötresieti La Tro Adamu a Ena La Wathebo’ (rs g. 27 §§ 1-2)

15 Januare E Tusi Hmitrötr: 2 Ite Joxu 21-25

Nyima N. 61

N. 1: 2 Ite Joxu—Hetre Thangane Hna Troa Kapa Qa Ngön (si g. 74 § 33-6)

N. 2: 2 Ite Joxu 21:1-16

N. 3: Pine Nemene Matre Ka Gufa e Troa Hmi Kowe La Itre Xötrapan? (rs g. 81-3 § 2)

N. 4: Pine Nemene Matre Xelene Kö Akötresie e Tro Sa Hmi Kowe La Itre Xötrapan (rs g. 83 § 3-g. 84 § 1)

22 Januare E Tusi Hmitrötr: 1 Aqane lapa ite joxu 1-5

Nyima N. 16

N. 1: Pane Nyine Troa Atre Ngöne La Tusi 1 Aqane lapa ite joxu (si g. 75-6 § 1-7)

N. 2: 1 Aqane lapa ite joxu 1:1-27

N. 3: Drei La Itre Ithupëjia Me Keriso? (rs g. 34-6 § 3)

N. 4: Troa Atrehmekune La Itre Perofeta Thoi (rs g. 36-8 § 3)

29 Januare E Tusi Hmitrötr: 1 Aqane lapa ite joxu 6-10

Nyima N. 73

N. 1: Troa Mama Tune Kaa La nyipi Ipië (w99 1/2 g. 6-7)

N. 2: 1 Aqane lapa ite joxu 9:1-21

N. 3: Nemene La Aqane Tro Sa Ujë Kowe La Itre Perofeta Thoi? (rs g. 38 § 3–g. 39 § 4)

N. 4: Thaa Hnei Keriso Kö Hna Nyitrepene La Uma Ne Hmitrötr Hui Peteru (rs g. 386-8 § 4)

5 Febuare E Tusi Hmitrötr: 1 Aqane lapa ite joxu 11-16

Nyima N. 65

N. 1: Loi Tro Pala Hi Së a Ketre Qeqene Ithuecatre Koi Itre Xan (w99 15/2 g. 26-9)

N. 2: 1 Aqane lapa ite joxu 11:1-19

N. 3: Nemene La Itre Kii Hna Xome Hnei Peteru? (rs g. 388 § 5-g. 391 § 2)

N. 4: Thaa Itre Nyipi Keresiano Kö La “Itre Atr Ka Uune Ka Hape Angatre La Itre Hnane La Itre Aposetolo” (rs g. 391 § 3–g. 393 § 6)

12 Febuare E Tusi Hmitrötr: 1 Aqane lapa ite joxu 17-23

Nyima N. 122

N. 1: Loi e Troa Hetrenyi The Së La Hni Ka Ipië (w99 1/3 g. 30-1)

N. 2: 1 Aqane lapa ite joxu 18:1-17

N. 3: Ekaa La Hna Troa Traqa Hnei Amagedo? (rs g. 181-3 § 4)

N. 4: Drei Nge Nemene La Ka Troa Paatre e Amagedo? (rs g. 183 § 5-g. 184 § 3)

19 Febuare E Tusi Hmitrötr: 1 Aqane lapa ite joxu 24-29

Nyima N. 119

N. 1: 1 Aqane lapa ite joxu—Hetre Thangane Hna Troa Kapa Qa Ngön (si g. 79 § 22-5)

N. 2: 1 Aqane lapa ite joxu 29:1-13

N. 3: Drei Pë hë La Itre Ka Troa Mele Pe e Amagedo? (rs g. 184 § 4-9)

N. 4: Amagedo—Hapeu Ka Ihmeku Memine La Ihnimi Akötresie (rs g. 185 § 1-3)

26 Febuare E Tusi Hmitrötr: 2 Aqane lapa ite joxu 1-5

Nyima N. 168

N. 1: Pane Nyine Troa Atre Ngöne La Tusi 2 Aqane lapa ite joxu (si g. 80-1 § 1-6)

N. 2: 2 Aqane lapa ite joxu 1:1-17

N. 3: Hapeue e Amagedo La Itre Atr Ka Thaa Qale Kö Koi Akötresie, Maine Fen, Ngo Kuhu Pehi Nyipin (rs g. 185 §§ 4-7)

N. 4: Nemene La Ka Upe La Itre Nöje Ka Tru Troa Caasi e Cailo Fen, Me Isi Me Akötresie? (rs g. 186 § 1-2)

5 Maac E Tusi Hmitrötr: 2 Aqane lapa ite joxu 6-9

Nyima N. 103

N. 1: The Tro Kö a Kukehni Menu Pala Ha (w99 15/3 g. 21-3)

N. 2: 2 Aqane lapa ite joxu 8:1-16

N. 3: Tro Sa Atrepengöne Tune Kaa Lo Babulona Hna Qaja Hnene la itusi Hna Amamane (rs g. 42 § 1-2)

N. 4: Nemene La Ka Ahlemune Lo Babulona Ekö? (rs g. 42 § 3–g. 44 § 5)

12 Maac E Tusi Hmitrötr: 2 Aqane lapa ite joxu 10-15

Nyima N. 59

N. 1: Drei La Ka Wenë La Itre Mekune i Nyipunie? (w99 1/4 g. 20-2)

N. 2: 2 Aqane lapa ite joxu 10:1-16

N. 3: Pine Nemene Matre Kola Hane e Thei Babulona Atraqatr La Itre Hmi Ka Qaja Ka Hape Itre Keresiano Fe Angatr (rs g. 45 § 1–g. 46 § 1)

N. 4: Pine Nemene Matre Nyipi Ewekë Troa Lö Pi Qa Hnine La Babulona Atraqatr (rs g. 46 §§ 2-7)

19 Maac E Tusi Hmitrötr: 2 Aqane lapa ite joxu 16-20

Nyima N. 69

N. 1: Loi e Tro Sa Thupëne Wanga Thapa Pi La Itre Hni Së Hnene La Hmi Koi Baala (w99 1/4 g. 28-31)

N. 2: 2 Aqane lapa ite joxu 16:1-14

N. 3: Nemene La Bapataiso, Nge Pine Nemene Matre Nyipi Ewekë Troa Xome La Bapataiso Hnene La Itre Ka Lapaun (rs g. 47 § 1-4)

N. 4: Bapataiso i Keresiano—Thaa Tro Kö a Fie, Nge Thaa Thatraqai Itre Medrenge Kö (rs g. 47 § 5–g. 48 § 2)

26 Maac E Tusi Hmitrötr: 2 Aqane Lapa i Itre Joxu 21-25

Nyima N. 212

N. 1: The Hmitre Kö Së Troa Amamane La Ole Së (w99 15/4 g. 15-17)

N. 2: 2 Aqane lapa ite joxu 22:1-12

N. 3: Thaa Bapataiso Kö La Ka Köletrije La Itre Ngazo Së (rs g. 48 §§ 3– 6)

N. 4: Drei La Hna Bapataisone Hnei Uati Hmitrötr? (rs g. 48 § 7-g. 50 § 1)

2 Eiperem E Tusi Hmitrötr: 2 Aqane lapa ite joxu 26-29

Nyima N. 49

N. 1: Hapeu Ka “Qali” La Itre Jë i Akötresie? (w99 1/5 g. 28-9)

N. 2: 2 Aqane lapa ite joxu 28:1-15

N. 3: Thaa Ceitune Kö La Bapataiso Hnei Eë Memine La Bapataiso Hnei Uati Hmitrötr (rs g. 50 §§ 2-6)

N. 4: Itre Kepine Matre Nyipi Ewekë Troa Wangatrune La Tusi Hmitrötr (rs g. 51-2 § 5)

9 Eiperem E Tusi Hmitrötr: 2 Aqane lapa ite joxu 30-33

Nyima N. 1

N. 1: Nemene La Aqane Tro La Itre Atr a Ole Iehova Akötresie? (w99 15/5 g. 21-4)

N. 2: 2 Aqane lapa ite joxu 33:1-13

N. 3: Nyine Anyipicine Ka Hape Qaathei Akötresie La Tusi Isaia Me Ieremia (rs g. 53 § 1–g. 54 § 2)

N. 4: Kola Anyipicine Hnene La Aqane Eatre La Itre Hna Perofetane Hnei Iesu Laka, Hna Cinyihane La Tusi Hmitrötre Jëne La Uati Hmitrötr (rs g. 54 §§ 3- 4)

16 Eiperem E Tusi Hmitrötr: 2 Aqane lapa itre joxu 34-36

Nyima N. 144

N. 1: 2 Aqane lapa ite joxu—Hetre Thangane Hna Troa Kapa Qa Ngön (si g. 85 §§ 34-6)

N. 2: 2 Aqane lapa ite joxu 36:1-16

N. 3: Hna Jele Nyipicine La Tusi Hmitrötre Hnene La Sias (rs g. 55 § 1–g. 57 § 2)

N. 4: Troa Sa La Itre Hnyinge ka ajolëne la enyipicine la Tusi Hmitrötr (rs g. 57 § 3–g. 60 § 3)

23 Eiperem E Tusi Hmitrötr: Ezera 1-6

Nyima N. 90

N. 1: Pane Nyine Troa Atre Ngöne La Tusi Ezera Nge Hetre Thangane Hna Troa Kapa Qa Ngön (si g. 85-6 §§ 1-7; g. 87-8 §§ 14-18)

N. 2: Ezera 4:1-16

N. 3: Pine Nemene Matre Thaa Hane Kö La Itre Keresiano Atrune La Itre Drai Ne Mala angatr? (rs g. 32-34 § 2)

N. 4: Pine Nemene Matre Thaa Ka Öni Madra Kö La Itre Keresiano? (rs g. 359-60 § 2)

30 Eiperem Revizio. E Tusi Hmitrötr: Ezera 7-10

Nyima N. 203

7 Mei E Tusi Hmitrötr: Nehemia 1-5

Nyima N. 56

N. 1: Pane Nyine Troa Atre Ngöne La Tusi Nehemia (si g. 88-9 §§ 1-5)

N. 2: Nehemia 1:1-11

N. 3: Pine Nemene Matre Thaa Hane Kö La Itre Keresiano Xome Me Hamë Madra? (rs g. 360 § 5–g. 362 § 1)

N. 4: Kola Sa La Itre Hnyinge Göi Xome Me Hamë Madra (rs g. 362 § 2–g. 364 § 2)

14 Mei E Tusi Hmitrötr: Nehemia 6-9

Nyima N. 155

N. 1: Ketre Ixatua Ka Tru Koi Së La Ekalesia i Keresiano (w99 15/5 g. 25-8)

N. 2: Nehemia 9:1-15

N. 3: Nemene La Aliene La Hna Hape Troa Hnahone Hmaca? (rs g. 259-60 § 8)

N. 4: Thaa Hetrenyi Kö La Mel Pine Laka Hna “Hnaho Së Hmaca” (rs g. 261 § 1–g. 262 § 1)

21 Mei E Tusi Hmitrötr: Nehemia 10-13

Nyima N. 46

N. 1: Nehemia—Hetre Thangane Hna Troa Kapa Qa Ngön (si g. 91 §§ 16-19)

N. 2: Nehemia 12:27-43

N. 3: Kola Sa La Itre Hnyinge Göi Troa Hnahone Hmaca (rs g. 262 § 3–g. 263 § 2)

N. 4: Troa Qeje Ngazo Koi Itre Hene Hmi Katolik—Pine Nemene Matre Thaa Hna Kapa Kö Hnei Tusi Hmitrötr? (rs g. 68-9 § 9)

28 Mei E Tusi Hmitrötr: Esetera 1-4

Nyima N. 38

N. 1: Pane Nyine Troa Atre Ngöne La Tusi Esetera (si g. 92 §§ 1-6)

N. 2: Esetera 1:1-15

N. 3: Thaa Hna Kapa Kö Hnei Akötresieti Me Itre Atr La Qeje Ngazo Koi Hene Hmi Katolik (rs g. 71 § 2-8)

N. 4: Pine Nemene Matre Loi e Troa Qaja La Itre Ngazo Kowe La Itre Qatre Thup? (rs g. 71 § 9–g. 72 § 4)

4 Juun E Tusi Hmitrötr: Esetera 5-10

Nyima N. 37

N. 1: Esetera—Hetre Thangane Hna Troa Kapa Qa Ngön (si g. 94 §§ 16-18)

N. 2: Esetera 5:1-14

N. 3: Pine Nemene Matre Ka Loi e Troa Mejiune Ka Hape Thaa Ka Xulu Xane Kö La Itre Ewekë Ngo Hna Xupe Itre Ej. (rs g. 72-4 § 2)

N. 4: Loi e Tro Sa Trotrohnine La Kola Qejepengöne Hnei Tusi Hmitrötre La Hna Xupi Atr Hnei Akötresie. (rs g. 75 § 1–g. 76 § 5)

11 Juun E Tusi Hmitrötr: Iobu 1-7

Nyima N. 84

N. 1: Pane Nyine Troa Atre Ngöne La Tusi Iobu (si g. 95-6 §§ 1-6)

N. 2: Iobu 1:6-22

N. 3: Pine Nemene Matre Thaa Hna Upi Së Kö Hnei Tusi Hmitrötr Troa Thili Kowe La Satauro? (rs g. 80 § 1–g. 81 § 2)

N. 4: Pine Nemene Matre Kola Meci La Itre Atr? (rs g. 253-4 § 6)

18 Juun E Tusi Hmitrötr: Iobu 8-14

Nyima N. 192

N. 1: Saulo—Ketre Ge Hna Iëne Hnei Joxu (w99 15/5 g. 29-31)

N. 2: Iobu 8:1-22

N. 3: Ekaa La Itre Ka Mec, Nge Nemene La Pengöi Angatr? (rs g. 255 § 1–g. 256 § 4)

N. 4: Pine Nemene Matre Thaa Hane Kö La Itretre Anyipici Iehova Hane Kuca La Itre Hna Majemine Hnei Atr Göi Hnëmec? (rs g. 257 § 1–g. 258 § 2)

25 Juun E Tusi Hmitrötr: Iobu 15-21

Nyima N. 81

N. 1: Thaa Hmitre Kö Akötresie Ngöne La Hnei Nyidrëti Hna Thingehnaean (w99 1/6 g. 4-7)

N. 2: Iobu 17:1-16

N. 3: Troa Amekötine La Itre Mekune Ka Ngazo Göi Mec (rs g. 258 § 3–g. 259 § 1)

N. 4: Itre Pu: Qaathene La Uati Hmitrötr Me Itre Xaa Qaane Ju Kö (rs g. 333-4 § 7)

2 Julai E Tusi Hmitrötr: Iobu 22-29

Nyima N. 173

N. 1: Tro Kö Epuni a Saze La Aqane Wai Ewekë i Epun? (w99 15/6 g. 10-13)

N. 2: Iobu 27:1-23

N. 3: Dorog—Ngöne Nemene La Kola Wathebone Kowe La Itre Keresiano (rs g. 112-14 § 3)

N. 4: Pine Nemene Matre Tro La Itre Keresiano a Thipetrije La Marijuana (rs g. 114 § 4–g. 115 § 2)

9 Julai E Tusi Hmitrötr: Iobu 30-35

Nyima N. 108

N. 1: Pine Nemene Matre Ijije Tro Nyipunie a Mejiune kowe La Itre Hna Perofetane Hnei Tusi Hmitrötr (w99 15/7 g. 4-8)

N. 2: Iobu 31:1-22

N. 3: Pine Nemene Matre Itre Keresiano a Thipetrije La Ufi Sixa? (rs g. 116 § 1–g. 117 § 4)

N. 4: Troa Qëmeke Tune kaa Kowe La Itre Hna Majemine Ka Ngazo? (rs g. 118 § 1-4)

16 Julai E Tusi Hmitrötr: Iobu 36-42

Nyima N. 160

N. 1: Iobu—Hetre Thangane Hna Troa Kapa Qa Ngön (si g. 100-1 §§ 39-43)

N. 2: Iobu 36:1-22

N. 3: Hapeu Tro Kö La Itre Nöje a Sewe Akötresie Troa Kuca La Aja i Nyidrë Kowe La Ihnadro (rs g. 403-4 § 5)

N. 4: Hapeu, Iehova a Troa Apaatrene La Ihnadro Hnei Eë? (rs g. 404 § 6–g. 406 § 1)

23 Julai E Tusi Hmitrötr: Salamo 1-10

Nyima N. 5

N. 1: Pane Nyine Troa Atre Ngöne La Tusi Salamo—Götrane 1 (si g. 101-2 §§ 1-5)

N. 2: Salamo 3:1–4:8

N. 3: Thaa Tro Hmaca Kö a Troa Bëeke a Tro Celë Fen, Hnene La Itre Atrene La Ierusalema Ka Hnyipixe, Thupene La Hna Apaatrene La Fene Ka Ngazo Celë (rs g. 406 § 2–g. 407 § 1)

N. 4: Hapeu Saze Hë Lo Mekuana i Akötresie Ngöne La Qaan, Göi Ihnadro? (rs g. 407 § 2–g. 408 § 2)

30 Julai E Tusi Hmitrötr: Salamo 11-18

Nyima N. 48

N. 1: Pane Nyine Troa Atre Ngöne La Tusi Salamo—Götrane 2 (si g. 102-3 § 6-11)

N. 2: Salamo 11:1–13:6

N. 3: Nemene La Aqane Tro Sa Ithuecatre Kowe La Itre Atr Hna Tithe Hnei Mec? (rs g. 119 §§ 1-4)

N. 4: Tro Sa Xatuane Tune Kaa La Itre Atr Ka Meci Sinen (rs g. 119 § 5–g. 120 § 4)

6 Ogas E Tusi Hmitrötr: Salamo 19-26

Nyima N. 117

N. 1: Troa Tro Loi La Faipoipo e Hnei Nyidroti Pala Hi Hna Catre Ithahnatakeu (w99 15/7 g. 21-3)

N. 2: Salamo 20:1–21:13

N. 3: Ithuecatre Kowe La Itre Hna Akötrëne Pine La Aja i Akötresie (rs g. 120 § 5–g. 121 § 2)

N. 4: Troa Xatuane Tune Kaa La Itre Ka Kucakuca Hnene La Thiina Ka Ngazo Ne La Itre Atr? (rs g. 121 § 3–5)

13 Ogas E Tusi Hmitrötr: Salamo 27-34

Nyima N. 130

N. 1: Filipo—Ketre Atre Catre tro Fë La Evangelia (w99 15/7 g. 24-5)

N. 2: Salamo 28:1–29:11

N. 3: Nemene La Aqane Troa Xatuane La Itre Atr Ka Nanazije Hnene La Itre Ejolene la thupene mo? (rs g. 121 § 7 –g. 122 § 4)

N. 4: Ixatua Koi Itre Ka Nanazije Pine La Itre Thiina Ka Ngazo Ka Eje The Së Isa Ala caas (rs g. 122 § 5–8)

20 Ogas E Tusi Hmitrötr: Salamo 35-39

Nyima N. 18

N. 1: Aqane Mele Ne La Itre Atr Ezi Së—Ijije Kö Troa Hetre Thangane Ka Loi Koi Së? (w99 1/8 g. 22-5)

N. 2: Salamo 38:1-22

N. 3: Evolution—Ketre Itupathi Kowe La Itre Ka Ini Sias (rs g. 144-5 § 3)

N. 4: Evolution, Itre Ithuemacanyi Jëne La Itre Etë, Mekune Ka Nyipi Lolo (rs g. 145 § 4–g. 148 § 5)

27 Ogas Revizio. E Tusi Hmitrötr: Salamo 40-47

Nyima N. 91

3 Semitrepa E Tusi Hmitrötr: Salamo 48-55

Nyima N. 36

N. 1: Epi Thaa Tro Kö a Athixötrë Së Hnene La Elëhni (w99 15/8 g. 8-9)

N. 2: Salamo 49:1-20

N. 3: * Troa Sa La Itre Hnyinge Ne La Itre Ka Lapaune Kowe La Evolution (rs g. 148 § 6–g. 151 § 2)

N. 4: Pine Nemene Matre Kola Nyimutre La Itre Atr Ka Pë Lapaun? (rs g. 168-70 § 1)

10 Semitrepa E Tusi Hmitrötr: Salamo 56-65

Nyima N. 44

N. 1: Hapeu, Diabolo La Qaane La Kola Tithi Së Hnene La Itre Sine Mec? (w99 1/9 g. 4-7)

N. 2: Salamo 59:1-17

N. 3: Troa Hetrenyi Tune Kaa Thene La Ketre Atr La Lapaun? (rs g. 170 § 2–5)

N. 4: Loi e Mama La Lapaune Së Kowe La Fene Ka Meköti Nge Ka Hnyipixe, Jëne La Itre Huliwa Së (rs g. 171 §§ 1-5)

17 Semitrepa E Tusi Hmitrötr: Salamo 66-71

Nyima N. 210

N. 1: Iëne Jë La “Götrane Ka Loi” (w99 1/9 g. 30-1)

N. 2: Salamo 69:1-19

N. 3: Troa Wangatrehmekune Tune Kaa La Itre Perofeta thoi? (rs g. 151-3 § 3)

N. 4: Thaa Hna Trotrohnine Kö Hnene La Itre Perofeta Thoi La Aqane Memine La Ijine Troa Traqa La Itre Ewekë Hna Thingehnaeane Hë (rs g. 153 §§ 4-9)

24 Semitrepa E Tusi Hmitrötr: Salamo 72-77

Nyima N. 217

N. 1: Pine Nemene Matre Nyipi Ewekë Troa Mejiune Kowe La Itre Hna Thingehnaean? (w99 15/9 g. 8-11)

N. 2: Salamo 73:1-24

N. 3: Kola Atrune La Nyipi Hmi Hnene La Itre Hna Qaja Hnene La Itre Nyipi Perofeta (rs g. 154 § 1-2)

N. 4: Troa Mama La Itre Nyipi Perofeta Hnene La Itre Thiina i Angatr (rs g. 155 § 1–g. 156 § 2)

1 Okotropa E Tusi Hmitrötr: Salamo 78-81

Nyima N. 88

N. 1: Loi e Tro së a Hetrenyi La Inamacan, Me Kapa La Ihaji (w99 15/9 g. 12-15)

N. 2: Salamo 78:1-22

N. 3: Aqane Troa Sa Kowe La Itre Jele Perofeta Thoi Së (rs g. 156 § 3 –g. 157 § 1)

N. 4: Thaa Hnei Akötresieti Kö Hna Sa Draine La Meci Ne La Atr (rs g. 98–9 § 1)

8 Okotropa E Tusi Hmitrötr: Salamo 82-89

Nyima N. 221

N. 1: Timoteo—“Ketre Nekönge Ka Nyipici Ngöne La Lapaun” (w99 15/9 g. 29-31)

N. 2: Salamo 88:1-18

N. 3: Thaa Aja i Aköresieti Asë Kö La Nöjei Ewekë Asë Ka Traqa (rs g. 101 §§ 1–3)

N. 4: Thaa Hnei Akötresieti Kö Hna Siji Gojenyi Ne La Atr, Me Amekötine Koi Angeic (rs g. 101 §§ 1-3)

15 Okotropa E Tusi Hmitrötr: Salamo 90-98

Nyima N. 134

N. 1: Hna Xatuane Troa Thipetrije La Ngazo (w99 1/10 g. 28-31)

N. 2: Salamo 90:1-17

N. 3: Atreine Hi Akötresie Troa Atre Me Canga Atrehmekune La Itre Ewekë Ka Troa Traqa (rs g. 102 §§ 1-4)

N. 4: Pine Nemene Matre Thaa Ewekë Kö Hna Amekötine Hë Hnei Akötresie, La Troa Ena La Wathebo Hnei Adamu (rs g. 102 § 5–g.103 § 2)

22 Okotropa E Tusi Hmitrötr: Salamo 99-105

Nyima N. 89

N. 1: Troa Inine La Gojenyi Ka Sisitria Kowe La Ihnim (w99 15/10 g. 8-11)

N. 2: Salamo 103:1-22

N. 3: Thaa Hnei Akötresieti Kö Hna Hnëkëne Amë Hë La Pune Koi Iakobo, Me Esau, Maine Iudra (rs g. 103 § 3–g. 104 § 1)

N. 4: Ngöne Nemene Matre Kola Qaja Ka Hape Hna Hnëkëne Amë Hë La Ekalesia i Keresiano? (rs g. 104 §§ 2-3)

29 Okotropa E Tusi Hmitrötr: Salamo 106-109

Nyima N. 214

N. 1: “Iehova a Hamëne La Inamacan” (w99 15/11 g. 24-7)

N. 2: Salamo 107:1-19

N. 3: Nemene la mekune i Tusi Hmitrötre Göi troa thele loi jëne la Itre Waetresij? (rs g. 105 § 1–g. 106 § 1)

N. 4: Nemene La Itre Xaa Kepine Ka Sisitria Ka Upi Së Troa Lapaune Koi Akötresie? (rs g. 106-7 § 3)

5 Nofeba E Tusi Hmitrötr: Salamo 110-118

Nyima N. 14

N. 1: Hna Amamane—Troa Xou Maine Troa Mejiun? (w99 1/12 g. 5-8)

N. 2: Salamo 112:1–113:9

N. 3: Thaa Hnene Kö Ka Hape Tru La Ngazo Nge Kola Iakötrë Ke Tro Ha Qaja Ka Hape Pëkö AKötresie (rs g. 107 §§ 4-6)

N. 4: Hetrenyi Mina Thei Akötresie La Itre Thiina. (rs g. 108 §§ 1-7)

12 Nofeba E Tusi Hmitrötr: Salamo 119

Nyima N. 35

N. 1: Thaa Tro Kö a Nue La Itre Ewekë Ka Loi Thei Epuni a Athixötrë Epun (w99 1/12 g. 26-9)

N. 2: Salamo 119:1-24

N. 3: Ka Pëkö Qaane i Akötresie (rs g. 108 § 8 g. 109 § 3)

N. 4: Xome Jë La Ëje i Akötresie Ka Sisitria Troa Iamele (rs g. 109 § 4–g.110 § 1)

19 Nofeba E Tusi Hmitrötr: Salamo 120-137

Nyima N. 175

N. 1: Salamo—Hetre Thangane Hna Troa Kapa Qa Ngön—Götrane 1 (si g. 105-6 §§ 23-7)

N. 2: Salamo 120:1–122:9

N. 3: Hapeu Ka Loi Asë Hi La Hnënge Hmi? (rs g. 110 §§ 2-5)

N. 4: Nemene “Akötresie” Lae Iesu? (rs g. 110 §§ 6-7)

26 Nofeba E Tusi Hmitrötr: Salamo 138-150

Nyima N. 135

N. 1: Salamo—Hetre Thangane Hna Troa Kapa Qa Ngön—Götrane 2 (si g. 106 §§ 28-32)

N. 2: Salamo 139:1-24

N. 3: a Troa Sa La Itre Hnyinge Göi Lapaune Koi Akötresie (rs g. 111 § 1–g. 112 § 1)

N. 4: Pine Nemene Matre Thatreine Kö Itre Atr Troa Acile La Ketre Musi Ka Meköt (rs g. 172-3 § 3)

3 Diseba E Tusi Hmitrötr: Ite Edomë 1-7

Nyima N. 132

N. 1: Pane Nyine Troa Atre Ngöne La Tusi Ite Edomë—Götrane 1 (si g. 107 §§ 1-5)

N. 2: Itre Edomë 4:1-27

N. 3: Pine Nemene Matre Thatreine Kö La Atr Troa Sipu Kuca Matre Tingetinge Lolo La Mele i Angeic (rs g. 173 § 4–g. 174 § 4)

N. 4: Baselaia Hmekuje Hi La Sipu Nyin La Itre Nyipi Aja Ne La Itre Atr (rs g. 174 § 5-g. 175 § 2)

10 Diseba E Tusi Hmitrötr: Ite Edomë 8-13

Nyima N. 51

N. 1: Pane Nyine Troa Atre Ngöne La Tusi Ite Edomë—Götrane 2 (si g. 107-8 §§ 6-11)

N. 2: Ite Edomë 13:1-25

N. 3: Thatreine Kö Tro Sa Lueluëne La Itre Hna Perofetane Hnei Tusi Hmitrötr (rs g. 175 § 3-g. 176 § 3)

N. 4: Thaa Qaathene Kö La Uati Hmitrötre i Akötresie La Itre Iamamanyikeu Enehila (rs g. 176-7 § 4)

17 Diseba E Tusi Hmitrötr: Ite Edomë 14-19

Nyima N. 111

N. 1: Ite Edomë—Hetre Thangane Hna Troa Kapa Qa Ngön—Götrane 1 (si g. 110-11 §§ 19-28)

N. 2: Ite Edomë 16:1-25

N. 3: Eisapengönene La Itre Iamamanyikeu i Iesu Me Itre Aposetolo i Nyidrë, Memine La Itre Atr Enehila (rs g. 177 § 5–g. 178 § 3)

N. 4: Troa Atrehmekune Tune Kaa La Itre Nyipi Keresiano Enehila (rs g. 178 § 4–g. 179 § 2)

24 Diseba E Tusi Hmitrötr: Ite Edomë 20-25

Nyima N. 9

N. 1: Ite Edomë—Hetre Thangane Ka loi Hna Troa Kapa Qa Ngön—Götrane 2 (si g. 111-12 §§ 29-38)

N. 2: Ite Edomë 20:1-30

N. 3: Pine Nemene Matre Kola Kuca La Itre Iamamanyikeu Ngöne La Hneijine i Iesu (rs g. 179 § 3–g. 180 § 3)

N. 4: Nemene La Nyipi Iamele Hna Ahnithe Kowe La Nöjei Atr Asë? (rs g. 180 § 4-g. 181 § 1)

31 Diseba Revizio. E Tusi Hmitrötr: Ite Edomë 26-31

Nyima N. 180

[Ithuemacany]