Aqane Troa Maca Ngöne La Hna Cainöj​—Ini Tus Jëne La Itre Video

ENYIPIEWEKËN:

Canga ketre hi la hni ne la itre atr, ngöne la angatr a dreng me goeëne la itre video. Kola xatua angatr troa lapa xome la itre mekun me hnehene itre ej. Hnei Iehova hna hnëkëne la ketre aqane troa huliwane hnyawa la itre video matre nyine troa ixatua ini tus.—Ite Huliwa 10:9-16; Hna Amamane 1:1.

Ame la itre video hna hape, Dieu a-t-il un nom?, Drei La Atrekë Ewekëne La Tusi Hmitrötr?, memine la video hna hape, Comment être sûrs que la Bible vient de Dieu ? ke, itre ej a ce tro memine la ini 2 me 3 ne la boroshür Maca Ka Lolo. Ame la itre video Hnauëne La Troa Ini Tusi Hmitrötr?, Nemene La Aqane Trongene La Ini Tusi Hmitrötr?, nge Ka Tune Kaa La Itre Icasikeu Hun?, tre, kola ithuecatr kowe la itre atr troa hane ini tus me easë maine pena troa hane sine la itre icasikeu. Maine ka qea la itre xa video ke, ke ijije hi troa hane xome itre ej troa inine la Tusi Hmitrötr.—km 13/5 3.

AQANE TROA KUCA:

• Canga télécharger jë la video hnei epuni hna troa amaman

• Hnëkëne jë la cas maine lue hnyinge hna troa sa jëne la video

• Ce goeëne jë memine lai atr la video

• Ce ithanatane jë memine lai atr la itre mekune ka tru qa ngöne lai video

TUPATHE JU:

• Tro jë kowe la götrane tixenuë ne la tarak, nge amamane jë la code ka troa tro xomi epuni kowe la video hna hape, Hnauëne La Troa Ini Tusi Hmitrötr?

• Amamane jë la video hna hape, Comment être sûrs que la Bible vient de Dieu ? nge liine pi la boroshür Maca Ka Lolo, nge tro jë kowe la ini 3