Troa Hamë Ini Kowe La Itre Ka Ini Tus Jëne La Itre Video

Itre video, me itre iatr a xatuane la ka ini Tusi troa trotrohnin, me canga xolouth la hnei angeic hna inin. Jëne la itre ewekë hne së hna goeën, Iehova, Atre Ini Ka Sisitria, a hamëne la itre ini ka nyipiewekë. (Gen 15:5; Iere 18:1-6) Hnei Iesu fe, Atre Ini Ka Tru hna hane kuca tun. (Mat 18:2-6; 22:19-21) Ame la itre video, tre, ketre jiane huliwa lai ka ie catr enehila. Hapeu, epuni kö a huliwane la itre video ngöne la epuni a hamë ini kowe la atr hnei epuni hna ini Tus memin?

Hna hnëkëne la 10 lao video nyine xatua së troa hamë ini qa ngöne la boroshür Itre Maca Ka Lolo Qaathei Akötresie! Ame la itre video, tre, ka ce tro memine la itre hnyinge hna sija atrun ngöne la boroshür. Ame la easa xome la boroshür celë ngöne la sit jw.org, tre, hetre ithuemacany ka amamane koi së ka hape, ijine troa amamane la video. Ketre, hetrenyi la itre xaa video ka ce tro memine la itre xaa itus, hne së hna xom qa ngöne la panoplie d’enseignant.

Hapeu, hetre mekune kö qa hnine la Tusi Hmitrötr ka jole kowe la hnei epuni hna ini Tusi memin troa trotrohnin? Angeice kö a cile kowe la ketre jol? Thele jë la itre video ngöne jw.org me JW Broadcasting® ka troa xatua angeic. Loi e tro epun a ce goeëne la video memine la ka ini Tus, me ce ithanatan e thupen.

E nöjei treu hetre video ka hnyipixe. Ame la epuni a goeëne la itre video, pane mekune jë la aqane troa huliwane itre ej ngöne la epuni a hamë ini.