Tusi Bethela

Drei La Tusi Hun Koi Nyipunie Itretre Cainöj:

Eahuni a madrin atraqatre la huliwa ne cainöj hna kuca ngöne la teritoare ne la filiale së, ngöne lo macatre ne huliwa ka ase hë!

Ame la ewekë hnapan, tre, eatr asë hë lo itre mekune göi itre xupi uma. Kola madrine hnene la itre trejine me easë, trahmanyi me föe, qaa Ambae e Tas, qaa Drehu me Ouegoa e Kaledonia, ke, angatre hë a hane icasikeu ngöne la itre Uma Ne Baselaia ka hnyipixe. Hetrenyi la itre xaa xupi uma hna kuca ha enehila. Eahuni a olene atraqatre kowe la itre trejin, trahmanyi me föe, ka nue la trenge catre i angatr ngöne lai götrane la huliwa ka hmitrötre celë, nge ka hane ce huliwa memine la kometr ne xupi uma ngöne la nöj. Ame la Uma Ne Baselaia, tre, hnen la nyipi hmi; nge ketre hnë lai, ka troa akeukawan la hni së.—Heberu 10:24, 25.

Ame ngöne la ketre götran, tre, hna acile la 29 lao asabele ngön asë la teritoare së ngöne lo macatre ne huliwa ka ase hë: 13 e Kaledonia, 12 e Tas nge 4 e Walis. Drei la ketre nyima ne iatrunyi thatraqane la Atre Xupi së!—Heberu 2:12.

Nyimutre la itre trejine me easë, trahmanyi me föe, ka amamane la hni ne ole i angatr kowe la itusi Ini Tusi Hmitrötr, ke, nyimutre la itre etid hna nyiqaane jëne ej. Hnene la itusi celë hna aijijëne mina fe la itre hnainine troa acatrene la lapaune i angatr matre troa sa xepu koi Iehova.

Haawe, ame la huliwa ka sisitria celë hna eatrën, tre, wene ne hi la manathithe i Iehova memine la itre trenge catre së isa ala caas.—1 Korinito 3:6.

Itre trejine me nyipunie,

Filial Ne Kaledonia